1 Corintios 3:18 - Nuevo Testamento Toba Sombrero Negro

¹⁸ Ena'te anoqoviñela't. Qom 'uo ga'me adaqayai jo'ne eetapela't yatenaĝanaĝaic, qama'le 'noota qom yeguem da'me layatenaĝanaĝac 'me chiyaqalegue jena'me aleua, qaedi eja yovida'a da'me yataqachiñe yatenaĝanaĝaic.

Nuevo Testamento Toba Sur

¹⁸ Qaica qome ca natenachittapeguela't. Da huo'o ca ipettega da ÿaÿaten da lliquiaxac na naÿajnec mayi lma'na, camayi no'on da nacoola't da qaica ca ÿaÿaten, yaqto' ÿataqta 'eesa da ÿajnaxanaxaic.

La'aqtaqa Ñim Lo'onatac 'Enauacna 2013

¹⁸ Saishet qome da maiche qanatenacheetapeguela't da huo'o ca 'eetega da ỹaanaxanaxaic qataq ỹaỹaten na qalota lataxacpi maye huetalecna, nachaqrata da qavi'eguelaqaỹa da qaica ca qauaỹachiñi, yaqto' 'eesa da qami' ỹaanaxanaxaiqa.

1 Corintios 3:18 Referans Kwoze

Gálatas 6:3

Qom 'uo ga'me nepetapela't p'ajaye, qom ja naq'aeta, qama'le ch'e noqovila't.

Santiago 1:22

Qalaĝaja 'noota qom ja nach'edata da'me auomachiiya da'me dojo' napaĝaguenataĝanaĝac, dite da'me anapaĝagueñiya, qaedi yataqachiñe auoqochiiya, qa'a qom ja naq'aeta da'me auauoyi qama'le mach'e ami da'me male anoqoviñetapela't.

Lucas 18:17

Eja da'me ami ja'aĝatema queda'me ga'me jo'ne ja yaconeguet da'me Dios lejaliaĝa ena'am da'me yacoteguet nat'olqa ñoqolqa, qama'le ja yaqanatet ta'le taue joda'me.

Mateo 18:4

Ñe'me jo'ne qoyen p'ajaye da'me lejaliaĝa di'me piyem, nach'eñe jo'ne ja ni'yoĝodela't nataq'aen 'viyelaĝaguet da'me ena'am jenjo' notolec.

Marcos 10:15

Eja da'me ami ja'aĝatema, queda'me ga'me jo'ne ja yaconeguet da'me Dios lejaliaĝa ena'am da'me yacoteguet nat'olqa ñoqolqa, qama'le ja yaqanatet ta'le taue joda'me.

Santiago 1:26

Qom 'uo ga'me ami uetauelo jo'ne eetapela't p'etaqadaic, qama'te ja yayaten da'me naviiñe ga'me mach'e lachaĝat, nach'ega jo'ne mach'e noqovitapela't, qama'le da'me lepe'e qaya'te ta'le chiyaqayi.

Tito 3:3

Qa'a joca'li nach'e ena'am qo'mi chiyoĝo's nataq'aen qoleguetaĝanaĝaiquipi; qadejometac ca'li nataq'aen qo'mi lecoñetae's yema gaa'me yodapecache 'me lamaico jena'me aleua. Jouaqatauelo ca'li gaa'me ja 'noe'n nataq'aen nep'aguenataĝanaĝaco, qo'mi qoniquiyatapegalo nataq'aen qo'mi quiyaĝanataqaiquipi.

Efesios 5:6

Ena'te anejeñeta ta'le ami qoyoqovi'n da'me qom ami qoyanema gaa'me 'naqataqa jo'ne ja ejoda, qa'a chiyaqayilo naa'me naajo' noqovinaĝaco, joñe'me Dios dalemata'yalo jo' qomle gaa'me ja yoqochideta.

1 Corintios 6:9

¿Qo'li ja auayachiñe joona gaa'me ja 'noe'n ja yaqanate't ta'le tadoue da'me lejaliaĝa joñe'me Dios? ¡'Noota qom yataqachiñe auayachiñe da'me dojo'! Uotaĝa gaa'me jo'ne 'yetedac da'me nequejeguetaĝa, uotaĝa gaa'me jo'ne p'iya'alo ga'me ch'e nequi'il, uotaĝa gaa'me jo'ne ja neteleta da'me yataqatelegue 'lonáĝa'j, uotaĝa gaa'me le'mi jo'ne yadenaĝa't da'me yauo 'loyaĝac qama'le nemedoue da'me nequejeguetaĝa,

1 Corintios 4:10

Qo'mi, queda'me qolaĝague ñe'me Jesús, ena'am ta'le qo'mi chiyoĝo's, ami qamqa'me ami yatenaĝanaĝayaqa queda'me oquiyegue ñe'me Jesús; qaya'te qat'añaĝac qalaĝaja ami qamqa'me ami 'uañaĝayaqa; ami qo'nonaĝachiguilo nale, qalaĝaja qo'mi qamqa'me qo'mi qo'yota'tape nale.

1 Juan 1:8

Qom 'uo ga'me enaac: “Qaya'te yoec”, qama'le noqovila't nataq'aen da'me eja ja netaye joga'me.

2 Timoteo 3:13

qalaĝaja jogaa'me qaleuaĝayaqa jo'ne pecayaqa, lama'aja da'me qoyachedaue; doqovinaĝa'tape nale, qalaĝaja ena'ama ch'e qoyoqovi'tape.

Gálatas 6:7

Ena'te anoqoviñela't: qaya'te yaqanatet ta'le yoqovin ñe'me Dios, onolqa'tape gaa'me daqataĝa'n yaconalo gaa'me jala ga'me jo'ne joote yaadiñi.

1 Corintios 15:33

Ena'te anoqoviñela't: ñe'me jo'ne ya'uo da'me ja no'en 'naĝat ga'me laqaya jo'ne jetaque ya'uo da'me 'noota.

Romanos 12:16

'Noota qom onolqa'tape ami adaloi'ta't qaya'te neyota'ya. Ena'te ami 'yoĝodenaĝayaqa, dite da'me aueñe'tem da'me adaloyetapegueta joga'me jo'ne jaleca da'me letadenataĝanaĝac. Ena'te aueñetapela't ami yatenaĝanaĝayaqa.

Romanos 11:25

Ami yaqaya'olqa, jepaquetapega ta'le ami auayachiñe da'me yoequenataĝanaĝac 'me ja yaloĝonapiye't ñe'me Dios; qaedi ja a'naĝachitapela't ami yatenaĝanaĝayaqa; joga'me Israel c'oqo'tepi ja yemeda jogaa'me ta'le ja damite', ch'e lae jogaa'me, qalaĝaja jaldata qom ena'uaque yenoĝodeuo jogaa'me jo'ne ja Israel c'oqo'tepi.

Lucas 21:8

Jesús 'yategueta: —Achiya'aguet qomle da'me dojo' qaedi ja ami 'te qoyoqovi'n. Qa'a qayoĝode' gaa'me novi't qomle jo'ne ch'e jayem 'naĝachidiye. Eet'oi qomle: «Mach'e jayem Dios Liquiyac», nataq'aen «Mach'e laloqo'ena.» Qalaĝaja ami, ena'te oquiyegue.

Mateo 13:22

Nataq'aen ga'me naje'moto ga'me yaĝat da'me qoyaañi, nach'ega jo'ne domachiyalo gaa'me 'naqataqa, qalaĝaja da'me lepitaĝanaĝanaĝaco jena'me aleua nataq'aen joda'me loqovinaĝanaĝaco da'me neuoyaĝac yapadiñe da'me 'naqataĝanaĝac, chane'eja ja yauote jalayaĝac.

1 Corintios 3:17

Chane'eja ga'me jo'ne nejoyiñe ga'me Dios 'lemec nach'e naq'aeta qomle da'me Dios yolaĝachigui joga'me, qa'a ga'me Dios 'lemec joote qoyiyota'a qaedi mach'e loĝot joñe'me, nataq'aen mach'e ami da'me ami 'lemec joñe'me.