1 Corintios 3:12 - Nuevo Testamento Toba Sombrero Negro

¹² Qalaĝaja nayi gaa'me jiyaĝa'u laqaya' t'oĝonaĝa'tape chiyoĝotedalegue jaga'me lamo jo'ne joote qo'yaeñi; uo'oe gaa'me jo'ne ja damita ga'me mach'e 'noĝojeguem, ena'am ga'me oro, nataq'aen laicaua, choqoga'me qa' jo'ne qaselegaĝadaic 'me jalcote da'me lajo'vi; uo'oe gaa'me laqaya' qamqa'me ja t'añi ga'me mach'e 'noĝojeguem, ena'am ga'me epaq, nataq'aen auaqapi choqoga'me coqota.

Nuevo Testamento Toba Sur

¹² Qaq ca 'oonolec ishit da i'oxoolec se'eso n'oxonaxala' ca noÿic, do'oxonaxana ca oro, qataq ca plata, qataq ca qashilgaxadaic coma', huo'otaq do'oxonaxana ca qo'ipaq, qataq na 'auaqpi, qataq ana coqta late'e.

La'aqtaqa Ñim Lo'onatac 'Enauacna 2013

¹² Qaq ca 'oonolec ishet da ỹo'oxoolec se'eso no'oxonaxala' ca nỹec, do'oxonaxana ca oro, qataq ca plata, qataq ca no'on coma', huo'otaq do'oxonaxana ca 'epaq, qataq na 'auaqpi, qataq ana coqta late'e.

1 Corintios 3:12 Referans Kwoze

2 Timoteo 4:3

Qa'a uo'oe jo' qomle gaa'me noloqo'ote jo'ne nate', male jena'me jiyaĝadipi yataqata ja naquiaĝana naa'me naajo' 'naqataqa, mac joda'me queteda'ague jogaa'me chiyoĝo's nichiyoĝojoĝoco. Nataq'aen male mach'e yelodaque gaa'me napaĝaguenoqo't, qaedi male qoyapaĝagueneque joga'me mach'e paquetedaque domachita.

2 Timoteo 3:7

nach'agaua gaa'me yauo' da'me 'uo da'me jetaque yayate'n qalaĝaja da'me yataqata eja ja yaqanate't ta'le yayate'n.

2 Timoteo 2:20

Ga'me emec let'adaic, uo'oe jogaa'me lete' choqogaa'me ouelae jo'ne oro nataq'aen jaga'me plata, jo'ne 'uo ga'me lajo'viyaĝa'j. Qalaĝaja nataq'aen uoja'ae gaa'me laqaya' jo'ne ep'a nataq'aen ga'me aleua, jo'ne qaya'te lajo'viyaĝa'j.

Apocalipsis 21:18

Jo'me nequepaĝanaĝat ca'li qoye'et qoyen nedo'ta't jaga'me qa' 'me lenaĝat da'me diamante, nataq'aen joga'me noic yajamaĝat jana'me oro, da'me qaya'te ta'le lale'gue, qama'le da'me 'loyaĝac ena'am ta'le cristal da'me yataqata chichiñe nataq'aen 'yaqaye.

Apocalipsis 3:18

Qo'che' 'uo da'me ami jaqatalo nayi: jayem anec'achiya qaedi aneuodeñiya jaga'me oro jo'ne yoqovita q'aen ga'me dole' lauaq, qaedi male ami yataqatelo'te neuoyaĝadi, nataq'aen jayem anec'achiya qaedi aneuodeñiyalo gaa'me nouo jo'ne pagaĝayaqa, qama'le auaiñidiñe qaedi auapadiñelegue da'me adepocoqoilegue da'me adajaleuaĝa, qama'le nach'e ena'am aneuodeñiya ga'me natadenataĝanaĝat qaedi auachiyañilo naa'me at'aechidi' qama'le yitaĝa aneloitegue.

1 Pedro 1:7

Qa'a da'me adepi'iyaĝaqui ena'am jaga'me oro, da'me youen da'me qoyapiyenec ga'me lauaq ga'me dole', qaedi qoyayaten da'me yataqata yoqovita, qaya'te lale'gue. Qa'a ga'me nepe'e jo'ne ja yaqanatet da'me napiyenaguec, napacalegue da'me lajo'viyaĝac jaga'me oro jo'ne 'uo ga'me loiquiaqa'. Qama'le naq'aeta da'me adepi'i da'me ami, qom ja yaqanatet da'me napiyenaguec, qama'le 'uo qomle da'me aniyamaĝadenataguequi choqoda'me adi'yoĝodiqui nataq'aen da'me at'onaĝaqui, qom yovita ga'me nolo' p'ategue qom yataqata di'yo'quena joñe'me Jesucristo.

Apocalipsis 2:14

Qalaĝaja uo'oe daa'me jo'ne ja ami 'te ja'amaqateneque: queda'me uo'oe jogaa'me ami uetauelo jo'ne ja jetaque yaĝadiñi da'me lapaĝaguenataĝanaĝac jodi'me Balaam, naqaedi jo'ne yapaĝaguen joca'li ñe'me Balac qaedi yejomaĝana'ape jogaa'me Israel lec'oqo'tepi, da'me jetaque en yali'j ga'me niqui'yaĝat jo'ne lajaqaje'j 'me qoyanoto jogaa'me qop'iyapegalo jo'ne ja ejoda, qama'le nach'e ena'am da'me en tadoue da'me nequejeguetaĝa.

Hebreos 13:9

Qama'le ena'te auajeñeta ta'le ami qoyauequeteda'alo gaa'me napaĝaguenataĝanaĝaco jo'ne yodapecache 'me ja qoyateto'n. Nach'edata da'me lañoqotaĝanaĝac joñe'me Dios jo'ne yataqata 'yañaqate't naa'me mach'e adai'lidi'. Chane'eja ena'te oqui'teguelo naa'me namaĝajoĝonaĝaco jo'ne qoye'n ladiquiyaĝac da'me niqui'yaĝac, qa'a jogaa'me jo'ne quetede'egue da'me dojo' qaya'te ta'le 'uo ga'me naueguedela't.

2 Timoteo 3:13

qalaĝaja jogaa'me qaleuaĝayaqa jo'ne pecayaqa, lama'aja da'me qoyachedaue; doqovinaĝa'tape nale, qalaĝaja ena'ama ch'e qoyoqovi'tape.

1 Timoteo 6:3

Qom 'uo ga'me dapaĝaguenataĝaneque gaa'me mach'e lelnataĝaco jo'ne ja 'yamaqate'n da'me napaĝaguenataĝanaĝac jo'ne yataqata eja 'me chiyoqo'ot joñe'me mach'e Qadejaliaĝanec Jesucristo, chayovida'a ja yeuaten da'me mach'e qadepe'e ladic,

Colosenses 2:8

'Noota qom anechilela't: ena'te aniyamaĝadeñiyoto gaa'me jetaque ami yoqovineque gaa'me ch'e jiyaĝaua layatenaĝanaĝaco jo'ne ja ejoda choqogaa'me napaĝaguenataĝanaĝaco jo'ne ch'e lelnataĝaco ga'me aleua laje'pi, qa'a jogaa'me ja yotaua'n ñe'me Cristo.

2 Corintios 2:17

Qo'mi ja naqaeda ta'le jauoqo lajo'vi da'me 'laqataĝanaĝac ñe'me Dios, jo'ne qayoĝode' naq'aeta da'me yauote; ja naq'aeta, dite da'me Dios qo'mi yauanalo queda'me qaya'te jenaq lale'gue da'me ja'aqataĝanaqatac, qa'a nach'eñe ñe'me Dios qo'mi lamaĝa's nataq'aen qa'a yataqachiñe qademe'teguet ñe'me Cristo.

Romanos 16:17

Ami ñachoĝodenoto, ami yaqaya'olqa, qaedi aueloi'tegueta jogaa'me jo'ne chiyaqayilo da'me nelagaĝac choqogaa'me naqalaico nataq'aen nauteta da'me napaĝaguenataĝanaĝac jo'ne ami auacoñiyeguet ca'li. 'Noota qom oquiya'ae jogaa'me,

Hechos 20:30

Chayovida'a mach'e ami uo'oe qomle gaa'me 'ñedijeguem qama'le dapaĝaguenataĝatec daa'me loqovinaĝanaĝaco qaedi ga'me p'etaqadaiquipi male qodiguelo.

2 Corintios 4:2

Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.

1 Corintios 3:11

Qaya'te yaqanatet ta'le ye'et jaga'me lamo laqaya, qa'a jaga'me lamo jo'ne qo'yaeñi joote yem jo'ne nach'eñe Jesucristo.

1 Corintios 3:13

Qom yovita ga'me p'ategue nolo', qama'le onolqa'tape qoyauana ga'me 'lonataqa, qa'a ga'me dole' yaloĝon, nataq'aen ga'me dole' yapiyen ga'me 'lonata'j jogaa'me, qom nalo'taguet ga'me dole' uotaĝa ja naq'aeta.