1 Corintios 2:6 - Nuevo Testamento Toba Sombrero Negro

⁶ Qalaĝaja 'uo da'me nayatenaĝanaĝac jo'ne japaĝaguenaĝaque gaa'me jo'ne t'añi da'me lepe'e', mate mane'e ja layatenaĝanaĝac jena'me aleua, ja layatenaĝanaĝa'j gaa'me jo'ne nejaliaĝatedelegue jena'me aleua, nach'egaua ja cop'a da'me qoyapalaĝa't qomle.

Nuevo Testamento Toba Sur

⁶ 'Eesa da qomi' setaxasoxoiguilo naua ntaxaÿaxaco ÿajnaxanaxaiqa, qalaxayi chaqnata nam mashi ÿataqta ÿi da lpi'iÿaxac. Qalaxayi de'eda naÿajnec sa ishit da lma'na, qataq sa ishit da chigoqo'ot na nta'alpi mayi huetalecna, nam taÿa'a da imeuo.

La'aqtaqa Ñim Lo'onatac 'Enauacna 2013

⁶ 'Eesa da nataqa'en qomi' setaxasoxoiguilo naua na'aqtaqa ỹaanaxanaxaiqa, qalaxaye seuenaq naamaye da sa'aqtaxanaxam nam mashe ỹe da lpi'iỹaxac. Qaq de'era naỹaanec saishet da lma'na, qataq saishet da chegoqo'ot na nta'alpi maye huetalecna, nam taỹa'a da imeuo.

1 Corintios 2:6 Referans Kwoze

Hebreos 5:14

Qalaĝaja joga'me niqui'yaĝat jo'ne 'uo da'me 'lañaĝac nach'ega jo'ne tayet da'me qoyanema gaa'me 'yaĝayaqa jo'ne joote yayate'n da'me naloqotenaĝanaĝac qa'a joote naeda'ac da'me yateto'n da'me 'loyaĝa'j gaa'me 'noote' choqogaa'me ja 'noe'n.

Santiago 3:15

Qa'a jena'me jenjo' nayatenaĝanaĝac ja naqaena ta'le chiyoĝogue joñe'me Dios, dite da'me chiyaqa'a jena'me jenjo' aleua, ch'e lelnataĝaco ga'me jiyaĝadipi nataq'aen joñe'me payac.

2 Corintios 4:4

Da'me onaĝaic 'naqataĝanaĝac qo'mi 'yaĝatema da'me 'lonaĝac ñe'me Cristo, nataq'aen Cristo p'ayet da'me qo'mi yaloĝonalo da'me 'lonaĝac joñe'me Dios. Dojo' 'naqataĝanaĝac ena'am jaga'me coyadaĝanaqate da'me laqaselegaĝac; qalaĝaja gaa'me jo'ne ja p'iida'a ja yaqanate't da'me yec'ate'n, qa'a ñe'me Satanás ja yaje'tema.

1 Pedro 5:10

Qalaĝaja qom yenoĝodegue jogaa'me noloqo'ote da'me 'uo da'me adachoĝodequi qama'le joñe'me Dios male ami 'yañaqateneque, nataq'aen da'me en ami 'uañaĝayaqa choqoda'me ami yanema da'me jo'ne yataqatelegue. Qa'a nach'eñe ñe'me Dios 'uo da'me loqopich'i let'adaic chane'eja ami yiyaĝanalo qaedi ademii'teguet joñe'me Jesucristo qama'le ovitaue da'me jo'ne mach'e 'lonaĝa jo'ne qaya'te loiquiaqa'.

1 Corintios 2:8

Qaya'te onolec gaa'me jo'ne nejaliaĝatedelegue jena'me aleua ta'le yayaten dojo' nayatenaĝanaĝac; ta'che joote yayate'n, qama'le ja yanetedaye jaga'me sodoso da'me yala't ñe'me Jaliaĝanec jo'ne naqaeñe netaue da'me 'lonaĝac ñe'me Dios.

1 Corintios 1:28

Dios 'yatetelo'te ga'me qo'yota'tape jogaa'me jo'ne qo'enapegalo ja p'ajodaye qaedi pa'l q'ae'n gaa'me jo'ne qo'enapegalo p'ajodaye.

Colosenses 4:12

Ami yamaĝalo lamaic ñe'me Epafras, mach'e lalemaĝajet ñe'me Cristo Jesús; nach'eñe jo'ne ami chiyaqauelo ca'li, qama'le nach'e eta't ami nachoĝodelo'te nale yauo'oe gaa'me netamenaĝaco, qaedi a'nañaĝachiyec da'me ami chimadichidiñe, yataqachiñe anaviquila't da'me qaedi auauoyi joda'me loequenataĝanaĝac joñe'me Dios.

Efesios 2:2

Da'me anejiyaĝauayaĝaqui yataqata ja no'en ca'li, oqui'teguelo gaa'me jiyaĝa'u jo'ne ja 'noe'n, nataq'aen oquitapegue' joñe'me payac lepaqal jo'ne nejaliaĝatelo'te yemeda gaa'me payagodipi, nach'eñe jo'ne 'yañaqate't jogaa'me ja p'iida'a joñe'me Dios.

Mateo 5:48

'Noota qom yataqachiñe ami chimadichidiñe, nach'e naq'aeta ñe'me Adet'ai jo'ne na'ague di'me piyem yataqachiñe chimaqachiñe.

2 Corintios 1:12

'Uo da'me chiyaqayi da'me qani'yoĝodenaĝac, nach'eda da'me qadetadenataĝanaĝac qo'mi 'yaĝatema queda'me yataqachiñe ja 'nalegue da'me qadajoĝoc nataq'aen ja jauoqo 'te lale'gue jo'ne ua'ña jena'me aleua, nataq'aen p'ajaye dojo' jo'ne ami joqote'tagueta. Qo'mi ja ñajenaqa'teguet ta'le qo'mi yaue'j da'me ch'e jiyaĝaua layatenaĝanaĝac, dite da'me jep'iyaqa ñe'me Dios da'me 'uo da'me leyalaqataĝanaĝac.

Santiago 3:2

Yema da'me qo'mi qadejomac nale, qalaĝaja qom 'uo ga'me jo'ne qaya'te lepatenaĝanaĝac nale doje, nach'ega jiyaĝaua jo'ne yataqachiñe yataqatelegue, nataq'aen yaqanatet ta'le yelo'ogue yema joda'me jo'ne mach'e nejiyaĝauayaĝac.

2 Corintios 13:11

Ami yaqaya'olqa, queda'me nach'e jana'ña ga'me 'yaqatac nayi, jepaquetapega ta'le ami made'tape, aueloyaque da'me liyamaĝac joda'me at'oyaĝaqui. Auacoñiyeguet da'me at'añaĝaqui nataq'aen adaloitapega't da'me adajoĝoqui nataq'aen da'me 'nemaĝac. Ñe'me Dios 'me chiyoqo'ot da'me noqopich'i choqoda'me 'nemaĝac, nach'eñe jo'ne nach'e eta't ami uetauelo.

1 Corintios 14:20

Ami yaqaya'olqa, ena'te auadenaĝachi' daa'me lelnataĝaco jogaa'me ñoqolqa. Yataqachiñe 'noota ta'le aueñiya'ama jogaa'me 'najodolqa jo'ne ja yauote ga'me ja no'en, qalaĝaja 'noota ta'le gaa'me adelnataĝacodi' joote 'yaĝayaqa.

1 Corintios 2:13

Chane'eja, ja'aĝataqa'tape naa'me naajo' uo'oe, qalaĝaja naa'me qat'aqataqa ja chiyaqayilo gaa'me layatenaĝanaĝaco ga'me ch'e jiyaĝaua dite ñe'me Lepaqal joñe'me Dios, qama'le japaĝaguenaĝaque naa'me naajo' uo'oe jogaa'me jo'ne joote yacoteguet ñe'me Dios Lepaqal.

1 Corintios 2:1

Ami yaqaya'olqa, ca'li ami jec'atalo qaedi ami ja'aĝatapema da'me yataqatelegue jo'ne Dios yaloĝon, qama'le ja ami 'te janema gaa'me 'naqataqa jo'ne qalache uotaĝa jiyaĝaua layatenaĝanaĝaco.

Lucas 16:8

Qama'le ñe'me nadipa yi'yoĝoden ñe'me lamaĝajec jo'ne ja chimaqachiñe ga'me 'lonatac queda'me ja naqala'te da'me mach'e yauo'oe ga'me 'ye't. Qa'a qom jouaĝat da'me mach'e leuoyaĝac, jogaa'me jo'ne yema'alo gaa'me uetedalegue jena'me aleua nayi yataqachiñe ja naqalataĝayaqa, ja ena'ama gaa'me jo'ne uetedaue da'me yoqochiñe.

Mateo 19:21

Jesús 'yateguet ñe'me: —Qom jetaque adachimaĝategue, nayi oc qama'le aueme'n yema gaa'me adeuoyaĝaco, yem qama'le auanema jaga'me laicaua jogaa'me piyoĝoyaqa. Qama'le naq'aeta da'me 'uo da'me adeuoyaĝac ue'tague di'me piyem. Yem qama'le auanaequena qaedi jayem oquegue.

Mateo 13:22

Nataq'aen ga'me naje'moto ga'me yaĝat da'me qoyaañi, nach'ega jo'ne domachiyalo gaa'me 'naqataqa, qalaĝaja da'me lepitaĝanaĝanaĝaco jena'me aleua nataq'aen joda'me loqovinaĝanaĝaco da'me neuoyaĝac yapadiñe da'me 'naqataĝanaĝac, chane'eja ja yauote jalayaĝac.

1 Corintios 3:1

Qalaĝaja, ami yaqaya'olqa, ca'li ami japaĝague'tape, ami maliaĝa ja auacoñiyeguet joñe'me Dios Lepaqal, dite da'me maliaĝa oquitapegue'to daa'me lamaico joda'me anejiyaĝauayaĝaqui nataq'aen aueñiya'ama gaa'me ñoqolqa qa'a da'me adepi'i qamaliaĝa ja yajoq.

1 Corintios 12:8

Uo'oe gaa'me jo'ne qoyanema da'me nayatenaĝanaĝac, nataq'aen uo'oe gaa'me qadaqaya'olqa jo'ne qoyanema da'me natetonaĝanaĝac; qalaĝaja nach'eñe ñe'me Dios Lepaqal jo'ne yanema ena'uaque jogaa'me.

2 Corintios 4:3

Gaa'me jo'ne ja yaqanate't ta'le yayate'n da'me onaĝaic 'naqataĝanaĝac jo'ne ja'aĝataqatac, nach'egaua jo'ne ja nec'aledegue.

Colosenses 1:28

Chane'eja da'me qo'mi male ja'aĝataqatac joñe'me Cristo, jaqataqatapegalo ena'uaque joga'me jiyaĝadipi nataq'aen japaĝaguenaqatapeque joda'me layatenaĝanaĝac joñe'me Cristo, qaedi onolqa'tape joga'me jiyaĝadipi yataqata yemetede'eguet joñe'me Cristo nataq'aen joote yi't da'me lepi'iyaĝa'j nale dajotedo'ot ñe'me Dios.

Hebreos 6:1

Chane'eja da'me qo'mi jo'ne joote jaconaĝaguet da'me napaĝaguenataĝanaĝac jo'ne 'uaechiñe 'me 'yaĝatetac ñe'me Cristo, 'noota qom ja jaqapiyaĝañi, dite da'me qolaqa'tegue da'me qadepe'e ladic chayovida'a qom jovidaqa'a da'me male qo'mi yajo't. Ja yitaĝa ta'le ji'iyelaĝajoĝolegue da'me ja'aĝataqatac da'me ladic ga'me jiyaĝaua da'me ca'ae gaa'me loeco jo'ne yauetegue da'me neleuaĝa, uotaĝa ta'le yitaĝa ja'aĝataqatac da'me eeta da'me qadepi'iyaĝac.