1 Corintios 2:5 - Nuevo Testamento Toba Sombrero Negro

⁵ qaedi da'me adepi'i ja chiyaqayi da'me layatenaĝanaĝa'j jogaa'me ch'e jiyaĝa'u, dite da'me lañoqotaĝanaĝac joñe'me Dios.

Nuevo Testamento Toba Sur

⁵ Qaq ÿoqo'oyi da qadpi'iÿaxaqui sa ishit da n'attalec da laÿajnec ca chochi shiÿaxaua, chaqdata da l'añaxac ñi Dios.

La'aqtaqa Ñim Lo'onatac 'Enauacna 2013

⁵ Qataq yaqto' da qarpi'iỹaxaqui saishet da na'attalec da laỹaanec ca choche shiỹaxaua, chaqrata da na'attalec da la'añaxac Ñim Lo'onatac 'Enauacna.

1 Corintios 2:5 Referans Kwoze

2 Corintios 4:7

Ca'li Dios qo'mi yanema da'me onaĝaic 'naqataĝanaĝac, nach'eda neuoyaĝac onaĝaic jo'ne uetaue da'me qat'oyaĝac, jenaqa'am jaga'me taĝaiqui 'me ch'e aleua, qaedi yaloĝon da'me dojo' nañoqotaĝanaĝac jo'ne chiyaqayi ñe'me Dios, qama'le ja naqaqo'mi ta'le mach'e chiyaqayilo queda'me ja qo'mi 'te t'añi'y.

2 Corintios 12:9

qalaĝaja Dios jayem 'yateguet: “Da'me yichoĝodenataĝanaĝac nach'edata 'me nalo'taguet yema 'me auouetaque. Da'me yañoqotaĝanaĝac naloĝonoue da'me nachoĝolaĝa.” Chane'eja jayem en ñi'yoĝodetapela't da'me qaya'te 'yañaĝac, qaedi da'me lañoqotaĝanaĝac ñe'me Cristo jayem di'yoĝom.

2 Corintios 6:7

Queda'me 'uo da'me qadañoqotaĝanaĝac 'me qo'mi yanema ñe'me Dios, male ja'aĝataqatac joda'me 'naqataĝanaĝac jo'ne yataqatelegue. Nale uo'oe ga'me qadaqalaico qama'le jajoyaqa'agueta, qama'le ena'am ta'le je'euoĝonaqatapecot da'me qat'oyaĝac 'me yataqatelegue queda'me je'etaqatac nataq'aen nach'e eta't ñenaĝataĝaye ga'me jo'ne chimaqachiñe.

1 Corintios 1:17

Qa'a Cristo ja jayem 'te yamaĝalegue qaedi ami ñachilaĝa'n, dite da'me ami ja'aĝatema da'me onaĝaic 'naqataĝanaĝac. Qalaĝaja naa'me 'yaqataqa ja chiyaqayilo gaa'me jiyaĝaua layatenaĝanaĝaco, qaedi ja yejamaĝajaye da'me leleuaĝa ñe'me Cristo ca'li qoyep'enaje'mec jaga'me sodoso.

1 Corintios 3:6

ena'am ta'le je'uaelegue jaañi da'me dojo' 'naqataĝanaĝac ca'li, ua'edi novi' ñe'me Apolo qama'le yepetelegue jaga'me jala, qalaĝaja nach'eñe ñe'me Dios jo'ne ye'et ca'li da'me anichiquitajeguem.

Hechos 16:14

'Uo jaga'me lenaĝat Lidia; nach'aga jo'ne 'lachaqa' di'me Tiatira nataq'aen yemanac ga'me ualoq jo'ne yataqata no'en 'me yemalaqalegue da'me 'loyaĝac. Janjo' yauo jo'ne 'nonaĝachigui joñe'me Dios nataq'aen jo'ne naquiaĝan ca'li, joñe'me Jaliaĝanec yataqachiñe yedaĝat ca'li qama'le naquiaĝatelegue ga'me jo'ne Pablo 'yaĝatetac.