1 Corintios 2:13 - Nuevo Testamento Toba Sombrero Negro

¹³ Chane'eja, ja'aĝataqa'tape naa'me naajo' uo'oe, qalaĝaja naa'me qat'aqataqa ja chiyaqayilo gaa'me layatenaĝanaĝaco ga'me ch'e jiyaĝaua dite ñe'me Lepaqal joñe'me Dios, qama'le japaĝaguenaĝaque naa'me naajo' uo'oe jogaa'me jo'ne joote yacoteguet ñe'me Dios Lepaqal.

Nuevo Testamento Toba Sur

¹³ Qaq qomi' da sa'axataq de'eda, nachi setaxasoxoiguilo naua n'aqtaqa mayi qomi' ÿapaxaguenque so Espíritu mayi chigoqo'ot ñi Dios, qaq sa ishit da nachinaua naua n'aqtaqa mayi sachigoxotaqaiguilo da maichi qadaÿajnataxanaxac. Qaq 'eda da 'eetec da sa'axata'q naua napoyiñi lataxaco da sa'aqtaxanaxam cam netanguita so Espíritu Santo.

La'aqtaqa Ñim Lo'onatac 'Enauacna 2013

¹³ Da sa'axataq de'era qomi' ỹo'oteque Ñim Lo'onatac 'Enauacna, nache saishet da setaxasoxoiguilo naua na'aqtaqa maye chegaqaiguilo da maiche laỹaanec na shiỹaxauapi, nachaqnauate' naua na'aqtaqa maye qomi' ỹapaxagueneque So Saqcha'a La'añaxac Ñim Lo'onatac 'Enauacna.

1 Corintios 2:13 Referans Kwoze

1 Corintios 2:4

qama'le ca'li ami jojapegue'to nataq'aen ami japaĝagueneque da'me 'naqataĝanaĝac, ja ami 'te jedolo'te ga'me 'yaqataqa jo'ne qalache qaedi ami ñauela'ajalo. Ja naq'aeta, dite da'me 'yaqataĝanaĝac nach'eda 'nanec queda'me yataqachiñe t'adaic da'me lañoqotaĝanaĝac joñe'me Dios Lepaqal,

1 Corintios 2:14

Qalaĝaja ga'me jiyaĝaua jo'ne ja ue'tajop ñe'me Lepaqal joñe'me Dios ja yaqanatet ta'le 'youategueta gaa'me uo'oe jo'ne chiyoqo'oto joñe'me, qa'a ga'me en lelnataĝac queda'me ch'e chiyoĝojoĝoc, ja yaqanatet ta'le yayaten da'me yataqachiñe lajoĝoc da'me dojo', qa'a ga'me ch'e jiyaĝaua ja yaqanatet ta'le naloqoten ga'me jo'ne chiyaqayi ñe'me Dios Lepaqal qom ja naqaeñe uetaue ga'me.

1 Corintios 1:17

Qa'a Cristo ja jayem 'te yamaĝalegue qaedi ami ñachilaĝa'n, dite da'me ami ja'aĝatema da'me onaĝaic 'naqataĝanaĝac. Qalaĝaja naa'me 'yaqataqa ja chiyaqayilo gaa'me jiyaĝaua layatenaĝanaĝaco, qaedi ja yejamaĝajaye da'me leleuaĝa ñe'me Cristo ca'li qoyep'enaje'mec jaga'me sodoso.

1 Corintios 2:1

Ami yaqaya'olqa, ca'li ami jec'atalo qaedi ami ja'aĝatapema da'me yataqatelegue jo'ne Dios yaloĝon, qama'le ja ami 'te janema gaa'me 'naqataqa jo'ne qalache uotaĝa jiyaĝaua layatenaĝanaĝaco.

1 Pedro 1:12

Qalaĝaja ñe'me Dios yayatenaĝanaĝaneque jogaa'me da'me ja naqaegaua ta'le loĝo't joda'me jo'ne 'yaĝatetedac, dite da'me naqa'ami jo'ne ami yapaĝague'n. Chane'eja gaa'me Dios 'laqataĝanaĝanaqa jo'ne joote ami yapaĝagueneque da'me 'laqataĝanaĝac joñe'me Dios, da'me chiyaqayi da'me lañoqotaĝanaĝac joñe'me Dios Lepaqal jo'ne uetayelo, naqaegaua jo'ne ami 'yaĝatema nayi da'me dojo' 'naqataĝanaĝac jo'ne chiyaqayi da'me nec'alaĝa. ¡Nach'eda da'me dojo' jo'ne jetaque yayate'n jogaa'me Dios lamaĝa's jo'ne piyem laje'!

Colosenses 3:16

'Noota qom Cristo 'laqataĝanaĝac nach'e eta't jaqachiguilo q'ae'n naa'me adai'lidi'. Nataq'aen ami yatenaĝanaĝayaqa da'me anapaĝagueñiya't nataq'aen anequeuoquitalo nale gaa'me adaqayadi'. Nataq'aen da'me 'uo da'me lamai'j naa'me adai'lidi' qama'le a'nonaĝachigui joñe'me Dios, a'uoñe'tape joga'me nalaco jo'ne Dios Lepaqal ami yanema.

2 Pedro 1:16

Joote ami japaĝaguenaĝaque da'me lañoqotaĝanaĝac ñe'me Qadejaliaĝanec Jesucristo nataq'aen da'me eeta da'me 'liyelaĝajoĝoc, qama'le jenjo' napaĝaguenataĝanaĝac jo'ne ami janemaĝam ja chiyaqayi ga'me 'naqataĝanaĝac jo'ne ch'e qoya'uo uotaĝa ga'me jo'ne ch'e qoyepetetapega, qa'a da'me qo'mi yataqata jauanaĝa ca'li ñe'me Jaliaĝanec da'me yataqachiñe let'adaic da'me lañoqotaĝanaĝac.

Efesios 5:19

Chane'eja nale ademiya'a't, a'uoñi naa'me nalaco jo'ne yodapecache, uotaĝa namaico jo'ne onaĝayaqa 'me ja 'nalo'te. Nach'e ena'am a'uonaĝañi qama'le yataqata a'nonaĝachiyegui joñe'me Qadejaliaĝanec.

1 Corintios 14:2

Qa'a ga'me yadenaĝa't naa'me 'naqataqa laqaya' jo'ne yoda'alo, joga'me jaldata da'me dojapegue' ñe'me Dios. Ja naqaeda ta'le dojapegue'to jogaa'me laqaya'olqa, qa'a qaya'te yayaten ga'me nenaĝategue, mate mane'e nach'eñe ñe'me Dios Lepaqal jo'ne yanem da'me lañoqotaĝanaĝac qaedi nenaĝategue ga'me jo'ne ja di'yoq.

1 Corintios 9:11

Chane'eja, qom naqaqo'mi da'me janaĝaiñe da'me 'laqataĝanaĝac ñe'me Dios ca'li ami jouaqa'tajopa, ¿qo'li ja chimaqachiñe da'me jaconaĝaguet qomle ga'me lae da'me adaqataĝanaĝaqui?

Lucas 12:12

qa'a qom yovita ga'me laloqo' da'me auojeyi, ñe'me Dios Lepaqal ami yayatenaĝaneque ga'me jo'ne 'noota ta'le anenaĝachiyegue.”

Hechos 2:4

Qama'le yemeda jogaa'me yataqachiñe najaqachiguilo ñe'me Dios Lepaqal, nataq'aen paja'a yadenaĝa't gaa'me 'naqataqa laqaya', nach'e naq'aeta ga'me Dios Lepaqal yamaĝalo'te ta'le 'yaĝatetedac.