1 Corintios 2:10 - Nuevo Testamento Toba Sombrero Negro

¹⁰ Chane'eja ñe'me Dios Lepaqal 'me ja 'nalegue joote qo'mi e'n di'yoĝoma ga'me jo'ne qoyoĝochiñe joca'li, qa'a ñe'me Lepaqal yataqachiñe nemitaque yema da'me lelnataĝaco joñe'me Dios.

Nuevo Testamento Toba Sur

¹⁰ Qaq 'eda da qomi' ÿauattonaxanaxanque ñi Dios, chigoqchigui naq'en so Espíritu Santo, cha'ayi somayi nmittac 'enauac, qataq ivida'a da ÿaÿaten na saq cha'a 'eetapeguecpi ñi Dios.

La'aqtaqa Ñim Lo'onatac 'Enauacna 2013

¹⁰ Qaq 'era da qomi' ỹauattonaxanaxaneque Ñim Lo'onatac 'Enauacna, chegoqchigui naqa'en So Saqcha'a La'añaxac, cha'aye Somaye ỹaỹaten 'enauac, qataq ivira'a da ỹaỹaten na saqcha'a 'eetapeguecpi Ñim Lo'onatac 'Enauacna.

1 Corintios 2:10 Referans Kwoze

Juan 14:26

qalaĝaja ñe'me Necochaĝaua, ñe'me Dios Lepaqal jo'ne namaĝaquena qomle joñe'me Taĝadena', nach'eñe joote qoyanem da'me yañoqotaĝanaĝac qaedi ami yapaĝagueneque ena'uac naa'me naajo' uo'oe nataq'aen ami netouenaĝanaĝaneque yema da'me jo'ne joote ami ja'aĝatetapema.

Efesios 3:5

Jena'me jenjo' lelnataĝac joñe'me Dios ca'li dia'me 'uaediñe ja yayate'n, qalaĝaja nayi Dios male yaloĝonalo jogaa'me ja 'nalo'te jo'ne mach'e lamaĝa's nataq'aen gaa'me 'laqataĝanaĝanaqa, jouaĝat da'me 'uo ñe'me Lepaqal jo'ne uetauelo jogaa'me.

Lucas 10:21

Qanach'ega ua'a ca'li, ñe'me Dios Lepaqal najaqachigui q'aen ñe'me Jesús da'me lamaic, qama'le enaac: “Am 'ñonaĝachigui, Taĝadena', Jaliaĝanec di'me p'ajeguem piyem nataq'aen jena'me aleua, qa'a aualoĝonalo dojo' jogaa'me ja t'añi'y gaa'me uo'oe jo'ne auoĝochi'ñejopa gaa'me yatenaĝanaĝayaqa nataq'aen tadenataĝa'n. Eja, Taĝadena', qa'a naq'aeta da'me jo'ne auepaquetapega.

Efesios 3:3

Dios male jayem yaloĝona jena'me jenjo' lelnataĝac jo'ne te'me qoyoĝochiñe ca'li, nach'ena jo'ne male jedetapiñe nayi.

Gálatas 1:12

Ja naqaeda ta'le ch'e jayem yep'iquin gamachaqaega jiyaĝaua 'me aleua le'ec uotaĝa ta'le jayem yapaĝaguenec, dite da'me naqaeñe ca'li ñe'me Jesucristo nach'eñe jayem naloĝoneguet.

Mateo 16:17

Chane'eja Jesús enaac: —Am matacolec Simón, Jonás lec'oĝot, qa'a ja ch'e auachiyoĝotayelo gaa'me jiyaĝa'u da'me auateton, dite da'me am yatetonaĝanec ñe'me Taĝadena' 'me na'ague di'me piyem.

Mateo 13:11

Jesús 'yategueta jogaa'me: “Da'me ami qamqa'me Dios ami yatetonaĝaneque ga'me ja di'yoq jo'ne lajoĝoc da'me lejaliaĝa jodi'me piyem; qalaĝaja jogaa'me ja naq'aeta.

Juan 16:13

Qalaĝaja qom novi' ñe'me Dios Lepaqal jo'ne yataqatelegue, nach'eñe jo'ne ami yauegouelo yema naa'me naajo' jo'ne ejoda, qa'a ja 'yaĝatetac da'me mach'e 'naĝatetapela't, dite da'me 'yaĝatetac yema ga'me jo'ne domachiya, nataq'aen ami yayatenaĝanaĝaneque gaa'me uo'oe jo'ne di'yo't qomle.

1 Pedro 1:12

Qalaĝaja ñe'me Dios yayatenaĝanaĝaneque jogaa'me da'me ja naqaegaua ta'le loĝo't joda'me jo'ne 'yaĝatetedac, dite da'me naqa'ami jo'ne ami yapaĝague'n. Chane'eja gaa'me Dios 'laqataĝanaĝanaqa jo'ne joote ami yapaĝagueneque da'me 'laqataĝanaĝac joñe'me Dios, da'me chiyaqayi da'me lañoqotaĝanaĝac joñe'me Dios Lepaqal jo'ne uetayelo, naqaegaua jo'ne ami 'yaĝatema nayi da'me dojo' 'naqataĝanaĝac jo'ne chiyaqayi da'me nec'alaĝa. ¡Nach'eda da'me dojo' jo'ne jetaque yayate'n jogaa'me Dios lamaĝa's jo'ne piyem laje'!

1 Juan 2:27

Qalaĝaja joote ami ua'ajopa joñe'me Dios Lepaqal jo'ne Jesucristo ami yanema. Qama'le ja auachitataitaque ta'le 'uo ga'me ami yapaĝague'n, qa'a joñe'me Dios Lepaqal nach'eñe ami yapaĝagueneque ena'uaque jogaa'me jo'ne uo'oe, nataq'aen da'me lapaĝaguenataĝanaĝac yataqata eja, nataq'aen qaya'te loqovinaĝanaĝac. Chane'eja, nach'e aueñeta't auoqochi'taguet joñe'me Cristo, nach'e naq'aeta da'me Dios Lepaqal joote ami yapaĝagueneque.

1 Corintios 2:11

¿Jach'e jogamaĝa jiyaĝaua yaqanatet ta'le yayaten ga'me lelnataĝac ga'me jiyaĝaua laqaya? Dite ga'me mach'e lepaqal jo'ne netaye ga'me qamqa'me yayaten. Nach'e naq'aeta da'me dojo', onolec ñe'me Lepaqal joñe'me Dios yayaten ga'me lelnataĝac joñe'me.

1 Juan 2:20

Qalaĝaja, Cristo joote ami yanema joñe'me Dios Lepaqal, qama'le yema ami 'uo da'me ami yayatenaĝaneque yema naa'me naajo'.

1 Corintios 14:30

Qalaĝaja qom 'uo ga'me ñichiñe jo'ne qoyeloĝonaĝachigui ga'me 'naqatac jo'ne chiyoĝoguet ñe'me Dios, ga'me jo'ne 'uaechiñe da'me 'taqataĝatac 'noota qom 'nemaĝañe.

Lucas 2:26

qama'le yayatenaĝanaĝanec queda'me cha'li ja yeleu da'me maliaĝa ja yauana ñe'me Liquiyac ñe'me Jaliaĝanec.

Apocalipsis 1:1

Jenjo' jo'ne qoyen di'yoq, da'me jo'ne maliaĝa ja qoyayate'n jo'ne Dios yane'm joñe'me Jesucristo, qaedi yayatenaĝanaĝaneque jogaa'me mach'e lalemaĝaje'te ga'me jo'ne paja'a 'uo qomle, chane'eja jayem namaĝa ñe'me lamaĝajec jo'ne piyem le'ec qaedi jayem yayatenaĝanaĝan, da'me jayem Juan jo'ne mach'e jayem lalemaĝajet joñe'me.

1 Timoteo 4:1

Qalaĝaja joñe'me Dios Lepaqal yataqata 'yaĝatetac queda'me naa'me naajo' p'atedegue noloqo'ote uo'oe jogaa'me nematec da'me lepe'e', qama'le equeguelo gaa'me nepaqa'li jo'ne qovinaĝanaĝayaqa, nataq'aen gaa'me napaĝaguenataĝanaĝaco jo'ne chiyoqo'oto ñaa'me payagodipi.

Apocalipsis 2:24

Qama'le da'me ami Tiatira laje' jo'ne ja oqui'tegue da'me dojo' napaĝaguenataĝanaĝac jo'ne ja eja, qama'le ja auovidiya'a da'me auayachiñe da'me jo'ne qoyetapega joga'me ja di'yoq jo'ne chiyaqayi joñe'me payac Satanás, ami ja'aĝatema da'me qaya'te 'uo ga'me ami jachalo'te nayi,