1 Corintios 16:8 - Nuevo Testamento Toba Sombrero Negro

⁸ Qalaĝaja cha'li joue'ta jenjo' Éfeso chayovida'a yovita nolo' Pentecostés,

Nuevo Testamento Toba Sur

⁸ Qalaxayi sauotaique da sonaña qome yi Éfeso, sovidaxattauga ca na'a'q Pentecostés,

La'aqtaqa Ñim Lo'onatac 'Enauacna 2013

⁸ Qalaxaye sauotaique da sonaña qome ye nỹecpi ye Éfeso, sevittauga ca na'a'q Pentecostés,

1 Corintios 16:8 Referans Kwoze

Hechos 2:1

Ca'li yovita da'me qo'nonaĝachigui di'me nolo' jo'ne Pentecostés ena'uaque joga'me p'etaqadaiquipi cha'li nach'ega ga'me ueteda'a da'me yema'a't.

1 Corintios 15:32

Uo'oe gaa'me jeloquitapegue'to jo'ne Éfeso laje'pi jo'ne ena'ama gaa'me yejidipi, qalaĝaja ta'le jaldata da'me 'uo da'me dojo' ñejiyaĝauayaĝac nataq'aen ja jayem 'te qo'niyelaĝachijeguem qomle, ¿jach'e ga'me jachiyoĝotayi? Qaya. Ta'le ja eja da'me qo'niyelaĝachidijeguem dia'me jo'ne joote yele'u, qama'le ena'ama ga'me qo'enaac nale: “'Noota qom jiqui'yaqatac nataq'aen ñiyomaqatac nayi, qa'a uotaĝa qom 'yoĝoñi qama'te qadeleu.”

Hechos 18:19

Ca'li yovideta di'me Éfeso, Pablo yaĝadegue ñe'me Priscila nataq'aen Aquila qama'le yec'ata ga'me nemaĝaiqui, ua'a da'me t'aqataĝatapema ga'me judiopi jo'ne yema'a't ca'li.

Hechos 18:21

dite da'me yep'iye'tape jogaa'me, qama'le enaac: Qom naq'aeta da'me lelnataĝac ñe'me Dios, qama'le yitaĝa 'ñiyelaq qaedi ami jejapichiyalo. Yem qama'le Pablo nañgui jaga'me licota da'me dajoyi di'me Éfeso.

Hechos 19:1

Mane'e ca'li cha'li ue'ta di'me Corinto ñe'me Apolo, Pablo talegue ga'me aleua jo'ne uo'oe gaa'me qajoĝona'a qama'le yovita di'me Éfeso, ua'a da'me yauanalo gaa'me qayoĝode' jo'ne p'etaqadayaqa.

Hechos 20:16

Naq'aeta da'me qadeuoĝoc qa'a Pablo ja jetaque yaloĝoja ue'ta di'me Asia, ja jetaque yec'ata di'me Éfeso, qa'a jetaque paja'a yovita di'me Jerusalén, qom yataqata yaqanatet, qaedi ua'a di'me qom nolo' jo'ne Pentecostés.