1 Corintios 16:6 - Nuevo Testamento Toba Sombrero Negro

⁶ nataq'aen jetaque cada'ac copa'ta da'me ami jouetauelo, uotaĝa chayovida'a yenoĝonegue jena'me naqaviaĝa da'me ami jouetauelo, qaedi jayem alecochiiya ga'me jajoyi qom yitaĝa ja'uo yeuoĝoc.

Nuevo Testamento Toba Sur

⁶ Qaq huo'otaq cada'ac da qami' soota'agueta, huo'otaq sovidaxatteec na n'omaxa da qami' soota'agueta, nachi qom ime, qaq ishit da aÿim qautauañi da ÿiquiaxac cam sata'ague.

La'aqtaqa Ñim Lo'onatac 'Enauacna 2013

⁶ Qaq huo'otaq cara'ac da qami' soota'agueta, huo'otaq seviraxattec na no'omaxa da qami' soota'agueta, nache qom ime, qaq ishet da aỹem qautauañi da ỹecỹaxac cam sata'ague.

1 Corintios 16:6 Referans Kwoze

Hechos 15:3

Chane'eja lamaĝa's ca'li ga'me p'etaqadaiquipi jo'ne Antioquía laje', mane'e da'me tadelegue di'me aleua jo'ne Fenicia nataq'aen Samaria 'yaĝatetedac da'me eeta ca'li ga'me ja judiopi queda'me yaĝadegue joda'me toye's lepe'eco qaedi quetegue ñe'me Dios. Chane'eja ena'uaque jogaa'me qadaqaya'olqa jalcote made'tapolqa ca'li domachita da'me dojo' 'naqataĝanaĝac.

Romanos 15:24

qomle jec'ata di'me España qama'le jepitaqatenac da'me ami jejapichiyalo. Qa'a jeetapega ami jauanalo qom jovida'aquena, qa'a uotaĝa jayem alecochiiya da'me jajoyi da'me daja' qaedi yataqata qo'mi made'tape, mate mane'e ja cop'a da'me ñauanaĝa't.

Tito 3:12

Qom am jamaĝa ñe'me Artemas uotaĝa Tíquico, auepitaqatenac ta'le auec'ata di'me noic jo'ne Nicópolis qaedi jayem auana, qa'a jetaque joue'ta di'me qom naqaviaĝa.

2 Corintios 1:16

Joote jenatetapega da'me 'uaeñe ami jejapichiyalo ca'li ja'ya di'me Macedonia ladic, qama'le ua'edi ta'le 'ñiyelaq, yitaĝa ami jejapichiyalo. Qama'le naq'aeta da'me 'uo ga'me jayem alecochiiya da'me jec'ata di'me Judea.

1 Corintios 16:11

Chane'eja 'noota qom qaya'te gamachaqaega ami ta'le 'yotan ñe'me, dite da'me alecochiiya qaedi 'uo da'me 'lemaĝac qom yitaĝa ya'uo leuoĝoc, qaedi jayem nec'atenaĝana, qa'a jeuatetaque, nach'e naq'aeta naa'me qadecochaĝa'u jena'me jenjo'.

Hechos 28:11

Chane'eja yoĝo'yilo gaa'me tres auoĝoyaqa da'me jouaqa'ta jaga'me nepe, da'me naqaviaĝa 'uo jaga'me licota jo'ne ta'idi, qama'le nach'aga jonaqañgui; licota jo'ne chiyaqa'ña di'me Alejandría jo'ne uedaye ga'me lenaĝa't ga'me qop'iyapegalo Cástor nataq'aen Pólux.

Hechos 27:12

Qama'le ga'me napi'ña jana'me licota ja 'noota cha'li qoue'ta qom naqaviaĝa, ena'uaque joga'me lelnataĝa'j da'me queda'ae joga'me qama'le napiyela'ajalo yec'adeta di'me Fenice, napi'ña jana'me licota di'me Creta jo'ne dajo'tegue ga'me laqaua't jena'me chaje'ma nataq'aen chaĝajo'ma, qama'le ueteda'a ga'me naqaviaĝa.

Hechos 21:5

Qalaĝaja yitaĝa qolaq ca'li male yenoĝodegue jaa'me siete noloqo'ote. Ena'uaque gaa'me jiyaĝa'u, gaa'me ñoqolqapi, nataq'aen gaa'me yauo' qo'mi qonaequetapegue'to chayovida'a jovidaĝa'ya ga'me p'aye di'me noic, qama'le jouaqa'edi ga'me noĝop lae da'me jejogaĝadiñe naa'me qadeliquetel qama'le ñetamenaq.

Hechos 20:38

Qama'le yataqachiñe jalcote da'me totelo'te, qa'a joote 'yaĝatema queda'me ja yitaĝa yauata. Yem qama'le quetegue chayovida'a jaga'me licota.

Hechos 17:15

Jogaa'me jo'ne naequetedapegue' ñe'me Pablo quetegue ñe'me chayovida'a di'me Atenas. Ca'li yem da'me qonoqotenalo qama'le 'viyelaĝadeta ñe'me Silas qaedi qom qaya'te qalaq qama'le paja'a uaĝayeta jogaa'me.