1 Corintios 16:19 - Nuevo Testamento Toba Sombrero Negro

¹⁹ Joga'me p'etaqadaiquipi jo'ne ueteda'a di'me aleua jo'ne Asia ami namaĝalo da'me lamai'j. Aquila nataq'aen Prisca, choqoga'me p'etaqadaiquipi jo'ne yema'a't nale ueda'a ga'me 'lachaqa't jalcote lamai'j ami yanema queda'me qademe'teguet ñe'me Jaliaĝanec.

Nuevo Testamento Toba Sur

¹⁹ Na 'amqajnataxanaxaicpi mayi netalec ne'ena 'alhua Asia, qami' ÿamaxalo da lquinaxanaxac. Ñi Áquila qataq añi lhua Priscila qataq na 'amqajnataxanaxaicpi mayi l'onaxanqa' yi lma', naamayi ÿataqta saqalota da lquinaxanaxac qami' ÿamaxalo, cha'ayi qami' l'amqajnataxanaxa'u.

La'aqtaqa Ñim Lo'onatac 'Enauacna 2013

¹⁹ Na 'amqaanataxanaxaicpi maye netalec ne'ena 'alhua Asia, qami' ỹamaxalo da lquinaxanaxac. Ñi Aquila qataq añi lhua Priscila qataq na 'amqaanataxanaxaicpi maye lo'onaxanaqa' ye lma', namayepi ỹataqta qalota da lquinaxanaxac qami' ỹamaxalo, cha'aye qami' la'amqaanataxanaxau'.

1 Corintios 16:19 Referans Kwoze

Hechos 18:2

Nach'edi ua'a da'me uada'aguet ñe'me judío 'me lenaĝat Aquila jo'ne 'lachaqa' di'me aleua jo'ne Ponto. Ja cop'a ca'li Aquila nataq'aen jañe'me loua Priscila novi't chiyoĝotegue di'me Italia, nach'edi 'viyelaĝategue ca'li qa'a ñe'me jaliaĝanec Claudio damaĝajoĝolegue ca'li da'me qaedi ena'uaque ga'me judiopi queda'ae di'me Roma. Pablo yec'atalo ca'li, dejapichiyalo qama'le

Apocalipsis 1:11

Qama'le jayem enapega: “Auediñe da'me dojo' jo'ne auana jo' qomle, auachalegue jaga'me nede qaedi auamaĝalo jogaa'me siete tamenaĝaiqui', jogaa'me jo'ne napi'ñalo jogaa'me noyaqa jo'ne netedaue di'me aleua Asia: gaa'me noyaqa jo'ne Éfeso, Esmirna, Pérgamo, Tiatira, Sardes, Filadelfia nataq'aen di'me Laodicea.”

1 Pedro 1:1

Jayem Pedro, da'me jayem lamaĝajec joñe'me Jesucristo, male ami jamaĝalo da'me yep'iyenataĝanaĝac, da'me ami jo'ne lagaĝaiquipi 'me oñita'ña ga'me jo'ne p'aye joga'me te'me at'achaqadi', gaa'me ale'u lael jo'ne lenaqa'te da'me Ponto, Galacia, Capadocia, Asia nataq'aen di'me Bitinia.

Filemón 1:2

nataq'aen ena'uaque joga'me p'etaqadaiquipi jo'ne yema'a't nale ueda'a na'me at'achaqa', nach'e naq'aeta jaga'me qadaqaya Apia, nataq'aen ga'me Arquipo, jo'ne nach'e ena'am qadecochaĝaua queda'me qadeloiquiaĝac.

2 Timoteo 4:19

Yamaic janem jaga'me Prisca nataq'aen ga'me Aquila, choqogaa'me 'lachaqa' laje' ñe'me Onesíforo.

Colosenses 4:15

Auañema da'me yamaic jogaa'me adaqayadi' 'me neda'ña di'me Laodicea, chaqañe'me Ninfa nataq'aen gaa'me yema'a't nale ga'me 'lachaqa' jañe'me.

Romanos 16:15

Auep'iyeñi nataq'aen ñe'me Filólogo nataq'aen Julia, ñe'me Nereo nataq'aen jañe'me laqaya, joñe'me Olimpas nataq'aen ena'uaque jogaa'me qadaqaya'olqa jo'ne uetauelo jogaa'me.

Hechos 19:10

chane'eja naq'aeta da'me ya'uo, nalo'tagueta dos gaa'me 'uoidi, nach'eda eeta da'me ena'uaque gaa'me jo'ne neda'ña di'me aleua jo'ne Asia, ga'me judiopi nataq'aen ga'me ja judiopi domachita da'me 'laqataĝanaĝac ñe'me Jaliaĝanec.

Hechos 18:26

Apolo yataqachiñe yaloĝon da'me 'laqataĝanaĝac ga'me judiopi ca'li uetaue ga'me lemaĝaiqui'; qalaĝaja ca'li domachita jañe'me Priscila nataq'aen Aquila, cha'li yauedegue ca'li da'me yataqachiñe noqotetedapec da'me ladic ñe'me Dios.

Hechos 18:18

Pablo cha'li maliaĝa qayoĝode' gaa'me noloqo'ote da'me ue'ta di'me Corinto. Yem qama'le yep'iye'tape gaa'me qadaqaya'olqa, qama'le nach'e ena'am ñe'me Priscila choqoñe'me Aquila, nedañgui jaga'me licota qaedi yec'adeta di'me aleua jo'ne Siria. Di'me Cencreas, ca'li yamta'le nañgui licota qama'le Pablo nemadelegue ga'me laqaic, qaedi yepaquichigui ga'me 'laqatac jo'ne joote 'yaeñi ca'li.

Hechos 2:9

Ga'me jiyaĝadipi ueteda'a jenjo' chiyoqoda'alo di'me Partia, di'me Media, di'me Elam, di'me Mesopotamia, di'me Judea, di'me Capadocia, di'me Ponto, nataq'aen yema ga'me aleua di'me Asia,

Hechos 16:6

Qama'le ñe'me Dios Lepaqal ja yajeta ta'le qo'yaĝatetac da'me 'naqataĝanaĝac di'me aleua jo'ne Asia. Chane'eja male leuotedalegue di'me aleua jo'ne Frigia nataq'aen Galacia,