1 Corintios 16:16 - Nuevo Testamento Toba Sombrero Negro

¹⁶ Jepaquetapega ta'le oquiyeguelo jogaa'me jo'ne ena'ama jogaa'me, nataq'aen gamachaqaega qadaqaya yotauan da'me 'lonata'j joga'me.

Nuevo Testamento Toba Sur

¹⁶ Ÿoqo'oyi ñishitaique da qami' nataq'en ÿataqta qaualaqailec ca shiÿaxaua 'eeta'am namayipi qataq 'enauac nam detaunaxaatac qataq do'onataxaatac.

La'aqtaqa Ñim Lo'onatac 'Enauacna 2013

¹⁶ Ỹoqo'oye ñeshetaique da qami' ỹataqta qaualaqailec ca shiỹaxaua maye 'eeta'am na Estéfanas, qataq nataqa'en 'enauac nam detaunaxaatac qataq do'onataxaatacot Ñim Lo'onatac 'Enauacna, 'eeta'am namaye.

1 Corintios 16:16 Referans Kwoze

Hebreos 13:17

Ñaa'me adajoĝola'chidi', 'noota qom auoqochiiyalo, nataq'aen da'me aueñi eja ga'me ami yapaĝagueneque, qa'a nach'eñaua jo'ne ja 'nomatedegue da'me ami netelalo, queda'me yayate'n da'me Dios naloqoten qomle da'me mach'e 'lonataĝanaĝa'j. Chane'eja anapogoĝoiñitapec da'me 'uo da'me lamai'j joñaa'me nale yauote da'me dojo', ena'te aueñi co'yaq da'me 'lonata'j, qa'a ta'le naq'aeta qama'le qaya'te 'uo da'me anaviquila't.

1 Ts 5:12

Ami yaqaya'olqa, ami ñachoĝodenoqoto qaedi yataqata avichoĝodeñi' jogaa'me ami ue'tajopa jo'ne 'lonataĝanaĝanaqa ñe'me Qadejaliaĝanec, naqaegaua jo'ne ami yelotalo'te nataq'aen ami uaqatetapegalo.

3 Juan 1:8

Qo'che' 'noota qom jeloĝogueta jogaa'me da'me qo'mi, qaedi yecochaĝalo da'me dapaĝaguenataĝatec da'me jo'ne chimaqachiñe.

Apocalipsis 2:3

Nataq'aen jayaten da'me oquitalegue da'me 'noota ladic, qama'le 'uo da'me adachoĝodequi queda'me yajouaĝat jayem, choqoda'me ja adeliñi'ñejop.

1 Pedro 5:5

Nach'e ena'am da'me ami joĝodipi, 'noota qom a'nonaĝachiguilo jogaa'me 'yaĝaicachidi jo'ne 'uo da'me lejaliaqa'. Nach'e ena'ama ena'uaque da'me ami, a'nonaĝachiguilo onolqa'tape gaa'me adaqayadi' qama'le ena'te ami 'yoĝodenaĝayaqa, qa'a naa'me nedii's jo'ne joote qoyedidiñe joca'li eet'oi: “Joñe'me Dios en lauteua jogaa'me 'yoĝodenaĝayaqa, Qalaĝaja jogaa'me choĝodache lecochaĝanegueta da'me lichoĝodenataĝanaĝac.”

Hebreos 6:10

Qa'a ñe'me Dios nach'eñe jo'ne ja 'nalegue, qama'le ja yapalaĝate'ta da'me at'onataqadi' choqoda'me adoqopich'ii jo'ne joote aualoĝoñiya joñe'me, da'me alecochiiyapegalo jogaa'me adayii jo'ne yataqatelo'te adepi'iyaĝa'u, nach'eda da'me jo'ne maliaĝa a'vichetac.

1 Timoteo 5:17

Gaa'me 'yaĝaicachidi jo'ne yataqata yiyamaĝatetedac nale joga'me tamenaĝaiqui 'lonatac, nach'egaua 'noota ta'le yataqata qoye'n p'ajodaye: jogaa'me aqataĝanaĝayaqa uotaĝa paĝaguenataĝanaĝayaqa jo'ne 'yaĝa'tape naa'me Dios 'laqataqa.

1 Ts 2:9

Ami yaqaya'olqa, anetoviñetac ga'me qat'onataĝanaĝac ca'li, choqoga'me yataqata qadepagaĝac qaedi maqachaĝa 'uo ga'me qadomataĝanaĝac ga'me 'noyaĝac, yataqata 'uo ga'me qat'onataĝanaĝac gaa'me noloqo'ote chayovida'a gaa'me pi'yaĝadi, qaedi ja ami 'te qaueladetalo'te ca'li da'me ami, da'me cha'li ami ja'aĝataqatapema joga'me 'naqatac jo'ne yataqata chiyoqo'ot joñe'me Dios.

1 Ts 1:3

Nataq'aen queda'me jouaqa'tot joñe'me Qadet'a Dios, nach'e eta't jenataqa'ta joda'me yataqata ja aĝañiñi jena'me jenjo' jo'ne adepi'i, da'me onaĝaic adoqopich'i nataq'aen da'me yataqata ami 'uañaĝayaqa nale te'me 'uo ga'me ami qoyachalo'te jo'ne ja no'en, qa'a jouaĝat da'me yataqata auache'ta joñe'me Jaliaĝanec Jesucristo.

Filipenses 4:3

Qama'le da'me am jo'ne eja yataqata am yecochaĝaua jena'me jenjo' qat'onatac, nataq'aen am ñachoĝodenot qaedi alecochiyalo naajo' yauo' jo'ne 'yonataĝanaĝa'u ca'li japaĝaguenataĝatapec da'me Dios 'laqataĝanaĝac, qama'le ueteda'ajop ñe'me Clemente nataq'aen yemeda jogaa'me yecochaĝa'u laqaya' joca'li. Yema naa'me naajo', joote qoyedidiñe gaa'me lenaqa'te jaga'me nede jo'ne uedalegue yema jogaa'me lenaqa'te jogaa'me Dios lec'oqo'tepi, nach'egaua jo'ne 'uo da'me 'loyaĝa'j dalaĝaic.

Efesios 5:21

Nataq'aen anecochiyapega't nale onolqa'tape da'me ami, yajouaĝat da'me yataqata a'nonaĝachiyegui joñe'me Cristo.

1 Corintios 12:28

Qama'le Dios yanema onolqa'tape ga'me mach'e 'lonataĝanaĝa'j q'ae'n: 'uaeñe uo'oe gaa'me yanema da'me qaedi namaĝa's, laqaya' yanema da'me qaedi aqataĝanaĝayaqa, laqaya' yanema da'me qaedi paĝaguenataĝanaĝayaqa, laqaya' yanema da'me lañoqotaĝanaĝa'j qaedi yaloĝo'n ga'me ja qoyauanapega, laqaya' yanema da'me lañoqotaĝanaĝa'j qaedi yemedegue q'ae'n joga'me leuaĝayaqa, laqaya' qoyayatenaĝaneque da'me qaedi lecochiyalo jogaa'me jo'ne 'uo da'me louenaĝanaĝa'j, laqaya' qoyanema da'me qaedi dauegaqataĝana'ape, uo'oe gaa'me qoyanema da'me qaedi yadenaĝa't da'me 'naqataqa laqaya'.

1 Corintios 3:9

Qa'a jayem nataq'aen Apolo qo'mi necochaĝa'u da'me 'lonataĝanaĝac ñe'me Dios, qama'le da'me ami aueñiya'am ga'me lanaĝanaqa' ñe'me Dios, nach'e ena'am aueñiya'am ga'me emec 'me 'noĝojeguem ñe'me Dios.

Romanos 16:12

Auep'iyeñi jañe'me Trifena nataq'aen Trifosa, jo'ne ye'et da'me 'lonatac ñe'me Jaliaĝanec, jañe'me Pérside mach'e qadaqaya jo'ne jauotaĝac.

Romanos 16:9

Auep'iyeñi ñe'me Urbano mach'e qadecochaĝaua da'me jo'onataĝanaĝauo'o ñe'me Cristo nataq'aen ñe'me Estaquis mach'e jauotec.

Romanos 16:6

Auep'iyeñi jañe'me María jo'ne jalcote da'me 'lonataĝanaĝac jouaĝat ami.

Romanos 16:3

Auep'iyeñi jañe'me Prisca nataq'aen ñe'me Aquila, nach'enaua yecochaĝa'u da'me qat'onatac da'me jo'onataĝanaĝauo'o ñe'me Cristo Jesús.

Hebreos 13:24

Auanema da'me yamaic yema gaa'me adajoĝola'chidi' nach'e ena'ama yema ga'me Dios lec'oqo'tepi jo'ne ami ue'tajopa, qama'le gaa'me qadaqaya' jo'ne Italia laje' nach'e ena'am da'me ami yamaĝalo da'me lep'iyenataĝanaĝa'j.