1 Corintios 16:15 - Nuevo Testamento Toba Sombrero Negro

¹⁵ Ami yaqaya'olqa, joote auayachiñe queda'me Estéfanas nataq'aen gaa'me 'lachaqa' laje' nach'egaua 'uaediñe ga'me jiyaĝadipi di'me aleua Acaya jo'ne yacoteguet da'me 'laqataĝanaĝac ñe'me Jesucristo, nataq'aen nach'egaua yauote da'me qaedi lecochiyalo joga'me p'etaqadaiquipi.

Nuevo Testamento Toba Sur

¹⁵ Qaq nagui, qami' ÿaqaÿa't mayi qoñiitaña na 'alhua Acaya, mashi qauaÿajñiita da na llalaqpi na Estéfanas da nachina na l'auaxanecpi da da'amqajnataxan da qoñiita, qataq namayipi ÿataqta nañanguet da itauan na qadqaÿañicpi 'amqajnataxanaxaicpi.

La'aqtaqa Ñim Lo'onatac 'Enauacna 2013

¹⁵ Qaq nagui, qami' ỹaqaỹañicpi maye qoñiitaña na 'alhua Acaya, mashe qauaỹaañita da na Estéfanas qataq naua llalqa, nachenaua naua la'auaxanaqa da da'amqaanataxa'n da qoñiita, qataq naamaye ỹataqta nañaareguet da itauan na laỹepi qarqaỹañicpi 'amqaanataxanaxaicpi.

1 Corintios 16:15 Referans Kwoze

1 Corintios 1:16

Eja da'me dojo', nach'e ena'am uo'oe gaa'me ñachilaĝa'n ca'li 'me ueteda'a di'me 'lachaqa' ñe'me Estéfanas, qalaĝaja ja ñetouenec ta'le uoja'aegaua ñachilaĝa'n.

Romanos 16:5

Nach'e ena'am auep'iyeñi'tape gaa'me p'etaqadayaqa 'me yema'a't nale ueda'a di'me 'lachaqa' jañe'me Prisca nataq'aen Aquila, auep'iyeñi ñe'me Epéneto mach'e jauotec jo'ne 'uaechiñe p'iya'a ñe'me Cristo di'me aleua jo'ne Asia.

1 Pedro 4:10

Nataq'aen joote auacoñiyegueta gaa'me leyalaqataĝanaĝaco joñe'me Dios, onolqa'tape da'me ami. Chane'eja 'noota qom a'uonataĝañiya qaedi yataqata alecochiiyalo gaa'me adaqayadi', qa'a yataqata auayachiñe da'me aueloyiye jena'me yodapecache jo'ne lichoĝodenataĝanaĝaco joñe'me Dios.

2 Corintios 9:1

Qama'le jaga'me najaqaje' jo'ne jetaque qolecochaĝanegueta jogaa'me qadaqaya'olqa 'me qadepi'iyaĝa'u, eja ja youetaque ta'le ji'iyelaĝalegue ja'aĝatetac da'me ami yitaĝa jedenaqatenalo ga'me yediije.

2 Corintios 8:4

nataq'aen chayovida'a jalcote qo'mi nachoĝodenoto qaedi jajenaqa'tem da'me qaedi yacoteguet da'me qadecochaĝac jogaa'me Dios lec'oqo'tepi.

Romanos 16:2

'Noota qom yataqachiñe aualoyeguet, jouaĝat da'me ademii'teguet ñe'me Jaliaĝanec, nach'e naq'aeta nale da'me yauote gaa'me naqaya' jo'ne nepi'iyaĝa'u, nataq'aen alecochaĝanaĝañiya yema ga'me youetaque, qa'a jañe'me qayoĝode' gaa'me lecochiyalo chayovida'a jayem lecochiya.

Romanos 15:25

Qalaĝaja nayi cha'li jec'ata di'me Jerusalén, qaedi jeda'alo janjo' necochaĝanaqate 'me qoyanema gaa'me qadaqaya'olqa 'me neda'ña di'me.

Romanos 12:13

Gaa'me louenaĝanaĝaco gaa'me Dios lec'oqo'tepi 'me ja 'nalo'te, 'noota qom anaviquila't; a'nonaĝachiyeguilo gaa'me jo'ne ami dejapichiyalo.

Apocalipsis 14:4

Naqaenaua jo'ne jamaĝaiquipi, jo'ne ja 'nalegue da'me 'loyaĝa'j; qama'le nach'e eta't da'me quetedapegue' ñe'me 'Naĝanaĝate Lec'oĝot, ta'ya ga'me ta'ya. Naa'me naajo' jo'ne joote qonec'alaĝatedegue, qoyachiyoĝotauelo jogaa'me jiyaĝa'u, qama'le 'uaetede'eguet da'me qoyen najaqaje's jo'ne qoyanem ñe'me Dios choqoñe'me 'Naĝanaĝate Lec'oĝot.

Hebreos 6:10

Qa'a ñe'me Dios nach'eñe jo'ne ja 'nalegue, qama'le ja yapalaĝate'ta da'me at'onataqadi' choqoda'me adoqopich'ii jo'ne joote aualoĝoñiya joñe'me, da'me alecochiiyapegalo jogaa'me adayii jo'ne yataqatelo'te adepi'iyaĝa'u, nach'eda da'me jo'ne maliaĝa a'vichetac.

Filemón 1:7

Am yaqaya, yataqachiñe jayem matacolec nataq'aen 'uañaĝaicolec, yataqata 'uo da'me ñetonaĝac, qa'a jouaĝat joda'me adichoĝodenataĝanaĝac, da'me aloyaĝanate'tape ca'li jonaa'me lai'li ena'uaque jogaa'me qadaqaya'olqa jo'ne p'iida'a joñe'me.

1 Timoteo 5:10

Nataq'aen yataqata qoyayaten da'me onaĝaic 'lonataĝanaĝac ca'li: qom yataqata netelalo jogaa'me c'oqo'te, nataq'aen da'me 'uo da'me loqopich'i nale qodejapichiya, nataq'aen da'me joote yataqata yichoĝode'n gaa'me Dios lec'oqo'tepi, chayovida'a da'me lecochiyalo nale jogaa'me 'uo da'me lachoĝode'j, nataq'aen nach'e eta't yauo'oe gamachaqaegaua 'lonataqa jo'ne 'noote'.

1 Corintios 16:17

Eja jayem matac queda'me novita jena'me jenjo' ñe'me Estéfanas nataq'aen Fortunato choqoñe'me Acaico, qa'a da'me ami ja ovi'tena,

Romanos 15:31

Anachoĝodeñiyot joñe'me Dios qaedi jayem yaĝa'n jogaa'me ja p'iida'a ñe'me Dios 'me neda'ña di'me Judea, nataq'aen gaa'me qadaqaya'olqa 'me neda'ña di'me Jerusalén, yataqachiñe jalcote 'noota qom yacoteguet jana'me necochaĝanaqate jo'ne jeda'alo,

Hechos 18:12

Qalaĝaja gaa'me noloqo'ote ca'li ñe'me Galión nejaliaĝatelegue di'me Acaya, joga'me judiopi yema'a't ca'li da'me nauteteguet ñe'me Pablo; yeuede'uo ga'me nojaĝaiqui

1 Corintios 16:1

Nayi ami ja'ategueta da'me auauoyi adajaqajai, qom auachetaĝañi qaedi alecochiiyalo joga'me p'etaqadaiquipi 'me neda'ña di'me Judea: joote auayachiñe ga'me yoqotenaĝanaĝaco jo'ne janema ga'me p'etaqadaiquipi jo'ne ueteda'a di'me aleua 'me Galacia; 'noota ta'le nach'e ena'am ami auauoyi da'me dojo'.