1 Corintios 16:1 - Nuevo Testamento Toba Sombrero Negro

¹ Nayi ami ja'ategueta da'me auauoyi adajaqajai, qom auachetaĝañi qaedi alecochiiyalo joga'me p'etaqadaiquipi 'me neda'ña di'me Judea: joote auayachiñe ga'me yoqotenaĝanaĝaco jo'ne janema ga'me p'etaqadaiquipi jo'ne ueteda'a di'me aleua 'me Galacia; 'noota ta'le nach'e ena'am ami auauoyi da'me dojo'.

Nuevo Testamento Toba Sur

¹ Qaq qom qau'ochi aca ntaunaqte na qadqaÿañicpi 'amqajnataxanaxaicpi, qalaq qau'enaxachiichigui da ÿapaxaguenataxanaxac mayi sanem na 'amqajnataxanaxaicpi mayi netaña yi 'alhua, l'enaxat Galacia.

La'aqtaqa Ñim Lo'onatac 'Enauacna 2013

¹ Qaq qom qauo'oche aca ntaunaqte na qarqaỹañicpi 'amqaanataxanaxaicpi maye netaña ye Jerusalén, qalaq qaue'enaxachiichigui da ỹapaxaguenataxanaxac maye sanem na 'amqaanataxanaxaicpi maye netaña ye 'alhua, le'enaxat Galacia.

1 Corintios 16:1 Referans Kwoze

1 Juan 3:17

Qalaĝaja qom 'uo ga'me yauana leuoyaĝac jenjo' aleua, nataq'aen yauana ga'me laqayolec jo'ne 'uo da'me louenaĝanaĝac, qalaĝaja ja yichoĝoden joga'me, qama'le ¿teua'atoqo' netaye ga'me lauel joda'me Dios loqopich'i?

Romanos 12:13

Gaa'me louenaĝanaĝaco gaa'me Dios lec'oqo'tepi 'me ja 'nalo'te, 'noota qom anaviquila't; a'nonaĝachiyeguilo gaa'me jo'ne ami dejapichiyalo.

Gálatas 2:10

Jaldata da'me qo'mi yamaĝalo'te da'me qaedi ja japalaĝataqa'talo jogaa'me choĝodache 'me neda'ña di'me Jerusalén, tachigui da'me nach'eda jetaque ja'uo nale.

Hechos 24:17

“Uo'oe gaa'me 'uoidi yenoĝodegue, da'me jec'atapegalo qayoĝode' 'nachaqa'te, qama'le 'ñiyelaĝa jena'me 'ñaleua qaedi janeuo jaga'me yachetaĝanaqate nataq'aen janeuo jaga'me yajaqaje.

Filemón 1:7

Am yaqaya, yataqachiñe jayem matacolec nataq'aen 'uañaĝaicolec, yataqata 'uo da'me ñetonaĝac, qa'a jouaĝat joda'me adichoĝodenataĝanaĝac, da'me aloyaĝanate'tape ca'li jonaa'me lai'li ena'uaque jogaa'me qadaqaya'olqa jo'ne p'iida'a joñe'me.

Filemón 1:5

Qa'a jep'iquilegue da'me yataqata auep'iya'a ñe'me Qadejaliaĝanec Jesús nataq'aen queda'me adoqopitalo ena'uaque jogaa'me Dios lec'oqo'tepi.

Hebreos 6:10

Qa'a ñe'me Dios nach'eñe jo'ne ja 'nalegue, qama'le ja yapalaĝate'ta da'me at'onataqadi' choqoda'me adoqopich'ii jo'ne joote aualoĝoñiya joñe'me, da'me alecochiiyapegalo jogaa'me adayii jo'ne yataqatelo'te adepi'iyaĝa'u, nach'eda da'me jo'ne maliaĝa a'vichetac.

Hechos 11:30

Naq'aeta da'me yauote, qama'le qoyen yelodelegue ñe'me Bernabé nataq'aen Saulo yamaĝalo jaga'me lajaqaje' joga'me 'yaĝaicachidipi jo'ne neda'ña di'me Judea.

Hechos 16:6

Qama'le ñe'me Dios Lepaqal ja yajeta ta'le qo'yaĝatetac da'me 'naqataĝanaĝac di'me aleua jo'ne Asia. Chane'eja male leuotedalegue di'me aleua jo'ne Frigia nataq'aen Galacia,

Gálatas 1:2

Ami yaqaya'olqa 'me p'etaqadaiquipi jo'ne at'achaqadi' di'me aleua jo'ne Galacia: jayem nataq'aen jogaa'me jayem ueteda'ajop jo'ne qadepi'iyaĝa'u ami janemaĝama da'me qadep'iyenataĝanaĝac.

Hechos 18:23

Mane'e ca'li uo'oe gaa'me noloqo'ote 'me yenoĝodegue, yitaĝa ec ñe'me Pablo qaedi onolqa'tape quetayelo gaa'me noyaqa di'me Galacia nataq'aen Frigia, 'yañaqate'tape ena'uaque joga'me p'etaqadaiquipi.

Hechos 11:28

Qama'le 'uo ga'me lenaĝat Ágabo, nechachiñe ca'li, nataq'aen da'me yojaĝanaĝan ñe'me Dios Lepaqal, 'yaĝatetac da'me 'uo qomle ga'me noqouaĝa yema jena'me aleua, nach'eda yepaque'tegue ca'li gaa'me noloqo'ote da'me lejaliaĝa ñe'me Claudio.

Hechos 9:41

Yacona ga'me louaq qama'le yañijeguem; yem qama'le yiyaĝanalo ga'me p'etaqadaiquipi choqoga'me p'ailpi, qama'le yaloĝonouelo da'me nec'aletaye jaga'me.

Hechos 9:13

Ca'li domachiya da'me dojo', qama'le Ananías enaac: “Jaliaĝanec, qayoĝode' gaa'me 'yaĝatetedac ñe'me jiyaĝaua nataq'aen ena'uaque gaa'me ja 'noe'n jo'ne 'yeteque ga'me neda'ña di'me Jerusalén jo'ne mach'e ac'oqo'tepi.

1 Corintios 4:17

Qo'che' joote ami jamaĝalo ñe'me Timoteo, jo'ne joqopita, ena'am ga'me yalec 'me equegue ñe'me Jaliaĝanec, nataq'aen jep'etec ñe'me. Nach'eñe ami netouenaĝaneque qomle da'me yadic queda'me jequegue ñe'me Jesucristo, da'me jo'ne nach'e eta't japaĝaguenataĝanec ena'uaque gaa'me nemaĝaiqui' gaa'me jec'atapegalo.

1 Corintios 11:34

Nataq'aen qom 'uo gamachaqaega jo'ne yataqachiñe yoqouat jo'ne ja yaqanatet ta'le 'uo ga'me yeuatetaque, 'noota qom ua'a ga'me 'lachaqa' da'me 'uo ga'me yalic, qaedi ja ami 'te yedalo'te ga'me ane'uaĝañiyaque qa'a jouaĝat da'me naq'aeta ga'me a'vichiyec ga'me ademaĝaqui. Gaa'me uo'oe laqaya' qamqa'me mach'e je'et qom ami jovida'alo.

1 Corintios 16:15

Ami yaqaya'olqa, joote auayachiñe queda'me Estéfanas nataq'aen gaa'me 'lachaqa' laje' nach'egaua 'uaediñe ga'me jiyaĝadipi di'me aleua Acaya jo'ne yacoteguet da'me 'laqataĝanaĝac ñe'me Jesucristo, nataq'aen nach'egaua yauote da'me qaedi lecochiyalo joga'me p'etaqadaiquipi.