1 Corintios 15:1 - Nuevo Testamento Toba Sombrero Negro

¹ Ami yaqaya'olqa, jetaque ami ñetouenaĝanaĝaneque da'me onaĝaic 'naqatac jo'ne ami jaqataĝana'aque ca'li, da'me jo'ne auacoñiyeguet ca'li, nataq'aen da'me nach'eda chiyaqayi da'me ami chimadichidiñe.

Nuevo Testamento Toba Sur

¹ Qaq nagui qami' ÿaqaÿa't, ñishitaique da qami' souennataxanaxanque de'eda n'aqtac mayi chigaqaigui da nca'alaxa, dam ñaq qoquiitalec nagui, mayi qami' sa'axatema co'olloxochiyi, nachi qau'amaqchiñi.

La'aqtaqa Ñim Lo'onatac 'Enauacna 2013

¹ Qaq nagui qami' ỹaqaỹañicpi, sauotaique da qami' seuennataxanaxaneque de'era no'on na'axaỹaxac maye qami' sanema co'ollaxa. Qaq qami' qauacoñiiguet co'ollaxa damaye qataq huo'o da qarpi'iỹaxaqui.

1 Corintios 15:1 Referans Kwoze

1 Pedro 5:12

Joñe'me Silvano mach'e yaqaya jo'ne yataqatelegue, nach'eñe joñe'me jo'ne jayem lecochiya qaedi jediñe jenjo' yediijec. Qama'le nayi ami jamaĝalo jenjo' jo'ne jaqaloq qaedi ami jaqatalo nataq'aen qaedi ami japaĝagueneque da'me yataqachiñe eja jo'ne lichoĝodenataĝanaĝac joñe'me Dios, nach'eda jo'ne joote auacoñiyeguet qaedi oqui'tegue.

1 Ts 1:6

Qama'le da'me ami, yataqata oquiyegue ca'li joga'me jauoqotac mach'e qat'onataĝanaĝac, nataq'aen joga'me 'lonataĝanaĝac joñe'me Jaliaĝanec, chayovida'a da'me auacoñiyeguet ga'me 'naqatac. Qama'le auachiyoĝotedaue joga'me adamaiqui jo'ne ami yanema ñe'me Dios Lepaqal da'me chiyaqaue ga'me adachoĝodequi.

2 Corintios 1:24

Ja naqaeda ta'le ena'am da'me qadoĝot ga'me adepi'i; da'me jo'ne jepagaqatapega nach'eda ami yecochaĝalo qaedi 'uo da'me ami uetauelo da'me adamaiqui, qa'a ami joote adaloyeguet da'me adepi'i.

2 Ts 3:6

Ami yaqaya'olqa, yitaĝa ami jaqataĝalo, qa'a qo'mi lamaĝa's joñe'me Qadejaliaĝanec Jesucristo, 'noota qom auelodiye'ye gamachaqaega ga'me adaqayai jo'ne ja t'onataĝan, nataq'aen ga'me jo'ne ja que'tegue da'me qadapaĝaguenataĝanaĝac jo'ne ami janemaĝama ca'li.

1 Ts 4:1

Qama'le nayi, ami yaqaya'olqa, ami ñachoĝodenoqoto chayovida'a da'me ami jaqataĝalo queda'me jaconaĝa joda'me lañoqotaĝanaĝac ñe'me mach'e Qadejaliaĝanec Jesús, qaedi male yemeda naa'me naajo' noloqo'ote yataqata anichiquitaye, qa'a yataqata aueñi 'noota joga'me at'oyaĝaqui, nataq'aen da'me auauoyi yema joga'me auayachiñe jo'ne ami japaĝaguenaĝaque ca'li, qa'a jena'me jenjo' jo'ne auayachiñe naqaena jena'me yataqata 'yamaqaten joñe'me Dios, jena'me jenjo' jo'ne joote auauoyitac yataqata 'noota.

1 Ts 2:13

Chane'eja da'me qo'mi, nach'e eta't da'me janemaĝam da'me qadamaic joñe'me Dios, yajouaĝat da'me auomachiiya ca'li ga'me qadapaĝaguenataĝanaĝac, jo'ne mach'e 'laqataqa ñe'me Dios, qama'le yataqata auacoñiyeguet ga'me, ja aueñetapega ta'le ch'e jiyaĝaua 'laqatac. Qa'a eja yataqata Dios mach'e 'laqataqa, qama'le yataqata eja 'uo joga'me ami chiyaqayilo, da'me ami jo'ne male yataqata eja auep'iiya'a.

Romanos 2:16

Ga'me nolo' p'ategue qom Dios ya'uo da'me lec'atenaĝanaĝac da'me nemitaque ga'me lelnataĝacopi 'me ja di'yo't ga'me jiyaĝadipi chiyaqayi q'aen ñe'me Cristo Jesús nach'e naq'aeta da'me onaĝaic 'naqataĝac 'me ja'aĝatetac.

Hechos 11:1

Jogaa'me namaĝa's nataq'aen jogaa'me laqaya'olqa jo'ne ueteda'a di'me Judea domachitedapega da'me 'naqataĝanaĝac queda'me nach'e ena'ama joga'me ja judiopi yacoteguet da'me napaĝaguenataĝanaĝac jo'ne chiyoĝogue ñe'me Dios.

Juan 12:48

Ga'me jo'ne ja jayem 'te 'yamaqaten nataq'aen da'me ja yoqocha'alo naa'me 'yaqataqa, joote 'uo na'me naviyaqatoqo't: naa'me 'yaqataqa jo'ne joote ñenaĝatedegue nach'enaua jo'ne mach'e naviyaqatoqo't jogaa'me, qom novita ga'me nolo' jo'ne p'ategue.

1 Corintios 3:6

ena'am ta'le je'uaelegue jaañi da'me dojo' 'naqataĝanaĝac ca'li, ua'edi novi' ñe'me Apolo qama'le yepetelegue jaga'me jala, qalaĝaja nach'eñe ñe'me Dios jo'ne ye'et ca'li da'me anichiquitajeguem.

Romanos 5:2

Chane'eja chiyaqayi da'me qadepe'e, ñe'me Jesucristo qo'mi yanema da'me qadadiiuo qaedi jaqanatetaq da'me jec'ataĝa ñe'me Dios, nach'eñe jo'ne yataqata qo'mi yichoĝode'n, qama'le qo'mi t'añidañe nataq'aen ñi'yoĝodenaqatapela't queda'me 'uo da'me qadeuataqataĝanaĝac da'me jouaqaue qomle da'me 'lañaĝac ñe'me Dios.

Hechos 2:41

Chane'eja naq'aeta, gaa'me jo'ne yoqochideta da'me 'laqataĝanaĝac qonachilaĝa'n ca'li; qama'le jojo' nolo' uoja'aegaua tres mil jiyaĝadipi da'me nichidegue ga'me p'etaqadaiquipi.

Romanos 11:20

'Noota da'me auenaac, qalaĝaja qoyichaĝadegue qa'a qaya'te lepi'iyaĝa'j, qama'le am onetaye jaga'me qa'a jaldata da'me 'uo da'me adepe'e. Chane'eja ena'te ani'yoĝodela't, dite da'me 'noota qom at'oiyapega.

1 Corintios 4:15

Qa'a nayi queda'me oquiyegue ñe'me Cristo male qayoĝode' gaa'me adajoĝola'chidi', qalaĝaja jaldata da'me 'uo ñe'me onolec jo'ne ena'am ta'le adet'ai. Ena'am ta'le naqayem da'me jayem adet'ai, qa'a nach'ayem ca'li ami ja'aĝatema da'me onaĝaic 'naqataĝanaĝac, chane'eja ami auep'iiya'a joñe'me Jesucristo.

1 Corintios 16:13

Jalcote 'noota ta'le a'vicheta't nataq'aen a'nañaĝachiyec da'me oquiyegue da'me napaĝaguenataĝanaĝac jo'ne chiyaqayi ñe'me Dios, nataq'aen ami 'uañaĝayaqa nataq'aen nach'e aueñeta't.