1 Corintios 14:6 - Nuevo Testamento Toba Sombrero Negro

⁶ Ami yaqaya'olqa, nale ami jec'atalo nataq'aen nale jadenaĝa't naa'me 'naqataqa laqaya', ¿qo'li chiyaqayi ta'le ami yecochiyalo? Jaldata ta'le ami janema da'me naloĝonataĝanaĝac jo'ne chiyaqayi ñe'me Dios, uotaĝa gamachaqaega natetonaĝanaĝac, uotaĝa gamachaqaega 'laqataĝanaĝac ñe'me Dios, uotaĝa gamachaqaega napaĝaguenataĝanaĝac.

Nuevo Testamento Toba Sur

⁶ Qaq ÿoqo'oyi qami' ÿaqaÿa't, da huo'otaq qami' ñoqo'onalo da qami' sa'aqtaxanema, nachi qami' sedolguete naua n'aqtaqa sa qaÿauangalo, qaq da huo'otaq sa ishit da sa'axat ca qomi' ÿaÿajnaxanaxanque ñi Dios, huo'otaq ca nauattonaxanaxac, huo'otaq ca n'aqtaxanaxac mayi chigoqo'ot ñi Dios, huo'otaq ca napaxaguenataxanaxac, qaq ¿négue't ca qauachigoxochiÿaigui de'eda itaxaÿaxac? ¡Qaica!

La'aqtaqa Ñim Lo'onatac 'Enauacna 2013

⁶ Qaq ỹoqo'oye qami' ỹaqaỹañicpi, da huo'otaq qami' ñeqo'onalo da qami' ñamaqtegalo, nache da qami' seroleguete naua na'aqtaqa sa qaỹauanapegalo, nache ¿Negue't ca qauachegoxochiỹaigui de'era ỹa'aqtaxanaxac? ¡Qaica! Dam qami' itaua'n 'eeta': da qami' sauattonaxanaxaneque dam sa qaỹauanapega maye qomi' ỹachaxanalo Ñim Lo'onatac 'Enauacna qataq da nauattonaxanaxac dam 'eesa lataxac huo'otaq da qami' sa'aqtaxanema da na'aqtac maye chegoqo'ot Ñim Lo'onatac 'Enauacna qataq da qami' sanema da napaxaguenataxanaxac.

1 Corintios 14:6 Referans Kwoze

Efesios 1:17

Nataq'aen ñachoĝodenot joñe'me Nedios ñe'me Qadejaliaĝanec Jesucristo, ñe'me mach'e Qadet'a jo'ne onaĝaicaloec, qaedi ami yanema joñe'me Lepaqal jo'ne ja 'nalegue, qaedi ami yatenaĝanaĝayaqa nataq'aen male yataqata at'amaqayec joñe'me Dios.

2 Timoteo 3:16

Qa'a yemeda naa'me Dios 'laqataqa yataqata uetedaye da'me 'lañaĝac ñe'me, nataq'aen yataqata 'uo ga'me chiyaqayi nale qodapaĝaguenataĝaneque, nataq'aen yaqanatet ta'le en qodaloĝonataĝana da'me qadepe'e, chayovida'a male qoloqochiyaĝanaĝanec ga'me jiyaĝaua qaedi male 'uo ga'me nejiyaĝauayaĝac yataqachiñe chimaqategue,

Romanos 6:17

Qalaĝaja yamaic janem ñe'me Dios yajouaĝat da'me ami, ca'li ami lelataqa daa'me adoecodi', nayi naa'me adai'lidi' yoqochideta da'me 'loyaĝac da'me napaĝaguenataĝanaĝac 'me auacoñiyeguet.

1 Corintios 14:1

Oqui'tegue da'me noqopich'i ladic, nataq'aen 'noota qom auepichiya'a da'me jetaque anaviquila't ga'me jo'ne Dios Lepaqal yanegue, qaedi auaqanachichi ta'le a'uaĝachetac da'me 'laqataĝanaĝac ñe'me Dios.

2 Juan 1:9

Qom 'uo ga'me eetapela't noqotetenegue da'me jo'ne joote Cristo dapaĝaguenataĝanec, nach'ega ja ue'tajop joñe'me Dios. Qalaĝaja ga'me jo'ne 'nañaĝateque daa'me daajo' Cristo lapaĝaguenataĝanaĝaco, nach'ega ue'tajop joñe'me Qadet'a nataq'aen joñe'me Lec'oĝot.

2 Pedro 3:18

Qalaĝaja 'noota da'me yataqachiñe auatetoñi ñe'me Qadejaliaĝanec mach'e Qadec'alaĝaiqui Jesucristo, qama'le da'me ami nichiguegue da'me adoqopich'i. ¡'Noota qom qoyauana da'me 'lonaĝa joñe'me, nayi jenjo' nolo' nataq'aen yemeda naa'me noloqo'ote, nach'e eta't ja pal! Jaja'a, nach'e naq'aeta da'me dojo'.

2 Pedro 1:5

Chane'eja 'noota qom a'nañaĝachiyeguet da'me aviyamaĝacheta't da'me adepi'i jo'ne onaĝaic, qama'le anoqochiñegue da'me adiyamaqataĝanaĝaqui choqoda'me adayatenaĝanaĝaqui.

Hebreos 13:9

Qama'le ena'te auajeñeta ta'le ami qoyauequeteda'alo gaa'me napaĝaguenataĝanaĝaco jo'ne yodapecache 'me ja qoyateto'n. Nach'edata da'me lañoqotaĝanaĝac joñe'me Dios jo'ne yataqata 'yañaqate't naa'me mach'e adai'lidi'. Chane'eja ena'te oqui'teguelo naa'me namaĝajoĝonaĝaco jo'ne qoye'n ladiquiyaĝac da'me niqui'yaĝac, qa'a jogaa'me jo'ne quetede'egue da'me dojo' qaya'te ta'le 'uo ga'me naueguedela't.

Tito 3:8

Dojo' yataqachiñe eja, nataq'aen jepaquetapega ta'le a'viyelaĝatalo'te jogaa'me, qaedi jogaa'me jo'ne p'iida'a joñe'me Dios yemeda'a da'me yauote ga'me jo'ne 'noota; dojo' napaĝaguenataĝanaĝac yataqachiñe onaĝaic nataq'aen ena'uaque yiyamaĝatem.

2 Timoteo 4:2

'Noota qom auapaĝaguenataĝaneque naa'me naajo' Dios 'laqataqa yemeda naa'me noloqo'ote, nataq'aen a'viyelaqatapelegue nale maqachaĝa am qonaquiaĝana, nataq'aen ena'am nale ja am 'te qonaquiaĝana. Aualoĝonalo gaa'me jiyaĝadipi da'me lejomaĝa'j nataq'aen da'me anavidijeguem, qama'le auapaĝague'n, ena'te adoualalo.

2 Timoteo 3:10

Qalaĝaja da'me am, joote auaconegueta yemeda daa'me yapaĝaguenataĝanaĝaco, nataq'aen da'me auadenaĝat da'me 'yoyaĝac nataq'aen ga'me jetaque ja'uo nale, da'me yepi'iyaĝac, da'me ñapogaĝadenaĝac, da'me yoqopich'i nataq'aen da'me qoyen 'yañaĝac qaedi yema jalo'oguet nale.

2 Timoteo 2:14

Nach'e eta't anetouenaĝanaĝaneque jogaa'me adaqaya' jena'me jenjo'; nataq'aen queda'me yataqata am yec'atetac ñe'me Qadet'a, a'uelopeque jogaa'me jiyaĝadipi qaedi qaya'te napetaĝac, qa'a da'me dojo' yataqata qaya'te yelo'teguet, mac joda'me 'naĝa't nale gaa'me maqachaĝa te'me naquiaĝatedapega da'me dojo' 'naqatac.

Filipenses 3:15

Chane'eja yema da'me qo'mi jo'ne joote maqachaĝa t'añi joda'me qat'oyaĝac nayi da'me qo'mi p'etaqadayaqa, jetaque 'noota qom naq'aeta joga'me qadelnataĝac. Qalaĝaja qom 'uo joga'me adelnataĝaqui laqaya qama'le Dios ami yaloĝonalo qomle da'me yataqatelegue.

Efesios 3:4

Chane'eja qom auec'achiñe jena'me jenjo' yediijec, male auayachiñe jena'me jenjo' ja'aĝatetac jo'ne Dios lelnataĝac, jo'ne nataq'aen joote ye'et ca'li ñe'me Jesucristo.

2 Corintios 12:7

uotaĝa gaa'me Dios jayem yaloĝonalo 'me 'uo da'me 'lonaĝa'j. Qo'che' qaedi ja jayem 'te najaqachigui da'me ñi'yoĝodenaĝac, 'uo da'me jayem qoyanem 'me nayaliaĝac: ena'am ta'le Satanás jayem yejoguec jaga'me yaĝat jena'me yapat qaedi ya'uo yachoĝodec.

2 Corintios 12:1

Qaya'te 'lomataĝanaĝac ga'me mach'ega 'nonaĝa'tape naa'me 'laqataqa, qalaĝaja youetaque ta'le ja'uo da'me dojo'. Chane'eja nayi ami ja'aĝatema ga'me yauanaĝanaĝac jo'ne jayem qoyanem, ga'me jo'ne Jaliaĝanec Jesucristo jayem yatetonaĝanec.

2 Corintios 11:6

Mate mane'e jayem qalaqa't da'me yojaĝac ja jena'ama jogaa'me, qalaĝaja yaguegue ga'me yayatenaĝanaĝac ñapacalo'te jogaa'me, jo'ne joote nach'e eta't ami jaloĝonaĝalo nale jauoqo'oe gaa'me qat'onataqa.

1 Corintios 10:33

ena'am jayem, jo'ne jepaquetapega ta'le ena'uaque jen made'tape. Ja jelotaque ga'me mach'e yiyamaĝac, dite da'me ena'uaque 'uo da'me liyamaĝa'j qaedi qonec'alaĝatedegue qom'te jogaa'me.

Romanos 16:17

Ami ñachoĝodenoto, ami yaqaya'olqa, qaedi aueloi'tegueta jogaa'me jo'ne chiyaqayilo da'me nelagaĝac choqogaa'me naqalaico nataq'aen nauteta da'me napaĝaguenataĝanaĝac jo'ne ami auacoñiyeguet ca'li. 'Noota qom oquiya'ae jogaa'me,

Romanos 15:14

Ami yaqaya'olqa, mach'e jayem da'me ena'am ta'le ami jela'alo da'me yataqachiñe nejaqachiguilo da'me adichoĝodenataĝanaĝaqui nataq'aen da'me adayatenaĝanaĝaqui, choqoda'me auayachiñe da'me mach'e ami anapaĝagueñiyapega't.

Hechos 2:42

Nataq'aen yataqachiñe 'nañaĝatela'ajalo ca'li da'me yiyamaĝa't da'me lapaĝaguenataĝanaĝa'j jogaa'me Jesús lamaĝa's nataq'aen en lecochaĝanaĝa't ga'me yauata; nataq'aen yema'a't nale yauo'oe gaa'me netamenaĝaco, nataq'aen necolaĝachidiye ga'me pan.

Mateo 16:26

Qa'a ¿jach'e ga'me nauela't ga'me jiyaĝaua da'me yema noma't gaa'me uedalegue jena'me aleua, qom yajouaĝatoue ñe'me lepaqal? Uotaĝa ¿jach'e ga'me eetapega nalo'taguet da'me yejetenec ñe'me lepaqal?

Mateo 16:17

Chane'eja Jesús enaac: —Am matacolec Simón, Jonás lec'oĝot, qa'a ja ch'e auachiyoĝotayelo gaa'me jiyaĝa'u da'me auateton, dite da'me am yatetonaĝanec ñe'me Taĝadena' 'me na'ague di'me piyem.

Mateo 11:25

Jo'me jojo' nolo', Jesús enaac: —Nayi am 'ñonaĝachigui, am Taĝadena', Lejaliaĝanec di'me piyem nataq'aen jena'me aleua, qa'a auoĝochi'ñejopa jogaa'me yatenaĝanaĝayaqa nataq'aen tadenataĝanaĝayaqa naa'me naajo' uo'oe, qama'le aualoĝonalo joga'tae'me 'najodolqa.

1 Corintios 14:7

Nach'e naq'aeta nale jaga'me niviqui nataq'aen jaga'me najeede. Qom ja di'yoqo'tegue qoyen ga'me lavilyaĝac nale qoyiviquiñgui, qama'le ¿qo'li qoyayaten ga'me lalac?