1 Corintios 14:3 - Nuevo Testamento Toba Sombrero Negro

³ Qalaĝaja ga'me jo'ne 'yaĝa'tape naa'me 'naqataqa 'me chiyoqodo'ot ñe'me Dios, joga'me dojetapegue'to ena'uaque jogaa'me laqaya'olqa, qaedi 'yañaqate'tape, nataq'aen loyaĝanate'tape, nataq'aen niyamaĝadetapega't q'ae'n jogaa'me.

Nuevo Testamento Toba Sur

³ Qalaxayi ca i'axa't naua l'aqtaqa ñi Dios, camayi da'aqtaxanem ca lÿa da nañaxat naq'en, qataq da i'añaqchit, qataq da ÿanem da lamaiquiaxac.

1 Corintios 14:3 Referans Kwoze

1 Corintios 14:12

Ena'am da'me ami, queda'me auediaqaelegue ta'le auacoñiyeguet joga'me yanegue ñe'me Dios Lepaqal 'me ja 'nalegue, yataqachiñe p'ajaye ta'le auepaquitapega da'me jetaque auacoñiyeguet ga'me jo'ne chiyaqayi da'me ñichigaĝatedajeguem joga'me p'etaqadaiquipi.

1 Timoteo 4:13

Qama'le qom maliaĝa ja am 'te jovita, auen at'onatac da'me auojapelegue ga'me Dios 'laqatac, nataq'aen male yataqata a'uañaqate't gaa'me adaqaya' nataq'aen aualoĝotayelo.

Judas 1:20

Qalaĝaja ami yaqaya'olqa, nach'e aueñeta't a'nañaĝachiyec da'me jo'ne ja 'nalegue 'me adepi'i, nataq'aen anajeñe'teguet ñe'me Dios Lepaqal da'me ami yauequeteda'ague joda'me anetamenaĝaqui.

Tito 1:9

'Noota ta'le yataqachiñe nematala't da'me yataqatelegue 'naqataĝanaĝac jo'ne qoyapaĝaguenec, qaedi nach'e ena'am yaqanatet ta'le yapaĝagueneque joda'me yataqatelegue gaa'me laqaya'olqa nataq'aen 'yañaqatetapeque qaedi nach'e eta't quetedalegue, nataq'aen qaedi yaqanatet ta'le noqotetapegalo gaa'me jo'ne te'me nautetedapega.

Efesios 6:22

Chane'eja ami jamaĝalo nayi qaedi ya'uo jo' qomle ga'me at'añaĝaqui da'me male qo'mi auayachiñe'.

2 Timoteo 4:2

'Noota qom auapaĝaguenataĝaneque naa'me naajo' Dios 'laqataqa yemeda naa'me noloqo'ote, nataq'aen a'viyelaqatapelegue nale maqachaĝa am qonaquiaĝana, nataq'aen ena'am nale ja am 'te qonaquiaĝana. Aualoĝonalo gaa'me jiyaĝadipi da'me lejomaĝa'j nataq'aen da'me anavidijeguem, qama'le auapaĝague'n, ena'te adoualalo.

Tito 2:6

Nataq'aen 'noota qom a'uañaqate'tape jogaa'me joĝodipi qaedi joĝodayaqa da'me 'loyaĝa'j,

1 Corintios 14:31

Qa'a ena'uaque ami auaqanachichi da'me a'uaĝachetac da'me 'laqatac ñe'me Dios, noqoitedegue, qaedi ena'uaque yacoteguet da'me napaĝaguenataĝanaĝac nataq'aen ena'uaque yacoteguet da'me 'lañaĝa'j.

1 Corintios 14:26

Chane'eja ami yaqaya'olqa, nale ademiya'a't, 'noota ta'le onolqa'tape uo'oe gaa'me lalaco, uotaĝa 'uo ga'me lapaĝaguenataĝanaĝac, uotaĝa 'yaĝatetac ga'me jo'ne Dios yaloĝona, uotaĝa yadenaĝa't gaa'me 'naqataqa laqaya', uotaĝa 'yaĝatetac ga'me yelo'tegueta gaa'me 'naqataqa. Qalaĝaja ena'uac 'noota ta'le chiyaqayi da'me nichiquetaye ga'me p'etaqadaiquipi.

Romanos 14:19

Chane'eja 'noota qom jelaqaque ga'me jo'ne chiyaqayi da'me 'nemaĝac nataq'aen da'me 'nañaqataĝanaĝac 'me ja qonañaĝanañi'.

Hechos 13:15

Ca'li yem da'me qodojelo'te gaa'me nedii's jo'ne lamaĝajoĝonaĝaco ñe'me Dios nataq'aen ledii's gaa'me Dios 'laqataĝanaĝanaqa, qama'le jogaa'me lejaliaĝanaqa ga'me nemaĝaiqui dojapegue'to jogaa'me, enapega't: —Ami qadaqaya'olqa, qom 'uo ga'me jetaque anenaĝachiyegue qaedi a'uañaqachichi' jena'me jiyaĝadipi, qama'le anenaĝachiyegue nayi.

Tito 2:9

Auapaĝagueneque jogaa'me nelataqa qaedi naeda'ac ta'le yoqocha'alo jogaa'me ladi'p; 'noota ta'le qopitaĝanaqataqayaqa nataq'aen ja ataĝayaqa.

1 Ts 2:3

Qa'a ja qadejometac ca'li ami japaĝaguenaq, nataq'aen ja chiyaqayi ga'me qadelnataĝac jo'ne paĝachigui, uotaĝa ga'me qadoqovinaĝanaĝac.

1 Corintios 10:23

Eetojo' nale naa'me at'aqataqadi': “Qoyajeta yema ga'me mach'e jetaque jauoqo.” Eja, qalaĝaja ja yema ta'le qo'mi lecochiyalo. Yataqachiñe eja queda'me yema qoyajeta ga'me jo'ne mach'e jetaque jauoqo, qalaĝaja ja yema ta'le naqaeda chiyaqayi da'me nichiquetedajeguem ga'me p'etaqadaiquipi.

1 Pedro 5:12

Joñe'me Silvano mach'e yaqaya jo'ne yataqatelegue, nach'eñe joñe'me jo'ne jayem lecochiya qaedi jediñe jenjo' yediijec. Qama'le nayi ami jamaĝalo jenjo' jo'ne jaqaloq qaedi ami jaqatalo nataq'aen qaedi ami japaĝagueneque da'me yataqachiñe eja jo'ne lichoĝodenataĝanaĝac joñe'me Dios, nach'eda jo'ne joote auacoñiyeguet qaedi oqui'tegue.

Hebreos 13:22

Ami yaqaya'olqa, ami ñachoĝodenoto da'me auacoñiyeguet jenjo' yaqataĝac 'me ami jamaĝalo nayi, qa'a ch'e jaleca da'me jo'ne jediñe.

Hebreos 10:25

Ena'te jaĝanajoĝoye da'me qadema'a't, qaedi ja jenaqa'ama gaa'me jo'ne joote yaĝadegue, dite da'me 'noota qom onolqa'tape 'yañaqate't gaa'me laqaya'; yataqata jauoqo da'me dojo' qom jauanaĝa da'me male qo'mi nadi'talo ga'me nolo' da'me 'niyelaq joñe'me Qadejaliaĝanec.

Tito 2:15

'Noota qom nach'eda auapaĝaguenataĝanec da'me dojo', a'uañaqataĝan nataq'aen 'noota qom 'uo da'me adañoqotaĝanaĝac 'me chiyaqayi joñe'me Dios nale avicochaqataĝanec ga'me qoyejamaĝatalegue. 'Noota qom qaya'te gamachaqaega ta'le am 'yotatac.

1 Timoteo 6:2

Nataq'aen qom p'etaqadaic ga'me adadipa, yataqata auanem da'me adoqopich'i choqoda'me adichoĝodenataĝanaĝac, qa'a jenjo' mach'e adaqaya da'me 'uo ga'me adepe'e. Mac da'me a'uetec da'me yataqata alecochiya, qa'a jenjo' at'onatac nataq'aen qoyen 'lonatac, chiyaqa'alo jiyaĝa'u jo'ne p'iida'a ñe'me Dios, chane'eja 'noota ta'le yataqata aviyamaĝatetac ga'me aue'et. Daa'me daajo' 'noota qom yataqata auapaĝaguenataĝaneque nataq'aen auamaĝajoĝolo'te.

1 Timoteo 1:4

Nataq'aen ja 'noota ta'le 'yamaqate'n ga'me lepi'ic choqoga'me nejenaĝa'j, uotaĝa lajouaĝa'j jodia'me lapidi ca'li, qa'a naajo' najouaĝaco chiyaqayilo joga'me napetaĝac jo'ne yataqata ja no'en. Qom ja yauo'oe daa'me lamaĝajoĝonaĝaco joñe'me Dios, qama'le ja yaqanate't ta'le maqachaĝa yateto'n da'me onaĝaic lelnataĝac joñe'me.

2 Ts 3:12

Ñe'me Qadejaliaĝanec Jesucristo qo'mi yanema da'me lañoqotaĝanaĝac qaedi jaqataĝalo naa'me naajo' jiyaĝa'u, qama'le jamaĝajoĝolo'te da'me 'noota ta'le t'onataĝa'n, qaedi yauata ga'me nali'j.

1 Ts 4:18

Chane'eja auojeyapega't nale, nataq'aen auadenaĝachi daajo' 'naqataqa qaedi a'uañaqachichi' gaa'me adaqayadi'.

1 Ts 4:1

Qama'le nayi, ami yaqaya'olqa, ami ñachoĝodenoqoto chayovida'a da'me ami jaqataĝalo queda'me jaconaĝa joda'me lañoqotaĝanaĝac ñe'me mach'e Qadejaliaĝanec Jesús, qaedi male yemeda naa'me naajo' noloqo'ote yataqata anichiquitaye, qa'a yataqata aueñi 'noota joga'me at'oyaĝaqui, nataq'aen da'me auauoyi yema joga'me auayachiñe jo'ne ami japaĝaguenaĝaque ca'li, qa'a jena'me jenjo' jo'ne auayachiñe naqaena jena'me yataqata 'yamaqaten joñe'me Dios, jena'me jenjo' jo'ne joote auauoyitac yataqata 'noota.

1 Ts 3:2

qama'le jamaĝajoq ñe'me Timoteo, qa'a jayatenaq da'me yataqata lalemaĝajet joñe'me Dios, nataq'aen qadecochaĝaua da'me ja'aĝataqatac da'me onaĝaic 'laqataĝanaĝac joñe'me Jesús, mach'e Cristo. Jamaĝajoq ñe'me qadaqaya qaedi male yataqata ami 'yañaĝateque chayovida'a da'me male t'añi joda'me adepi'i,

1 Ts 2:11

Nataq'aen auayachiñe da'me yataqata ami jañaĝadijeguem, chayovida'a da'me yataqata ami jichoĝodenaq, onolqa'tape da'me ami, ena'am ga'me net'a nale ee'teque gaa'me c'oqo'te.

Colosenses 4:8

Naq'aeta da'me dojo' ami jamaĝalo ñe'me, qaedi ami 'yaĝatema da'me qat'oyaĝac nataq'aen ami 'yañaqate'tape qomle.

Efesios 4:29

Ena'te ja no'en nale ga'me anenaĝachidegue dite joda'me at'aqataqadi' jo'ne chimadichidiñe, qaedi alecochiiyalo jogaa'me domachita nale, qama'le nichiquetaye da'me lepe'e'.

2 Corintios 2:7

Nayi 'noota qom avichoĝodeñi nataq'aen alecochiiya qaedi machiñe q'aen, qa'a uotaĝa yeleuapeguem da'me jalcote totelegue nataq'aen netotepela't.

2 Corintios 1:4

Nach'eñe qo'mi loyaĝanate't nale uo'oe ena'uaque qadachoĝodeco, qaedi qo'mi nach'e ena'am jaqanatetaq ta'le qaloyaĝanate'tape jogaa'me jo'ne 'uo da'me lachoĝode'j. 'Uo da'me qadoyaĝanataĝanaĝac qa'a ñe'me Dios qo'mi loyaĝanate'tape ca'li.

1 Corintios 14:17

Qa'a mate mane'e onaĝaic ga'me anetamenaĝac, taqaeue'ta jogaa'me adaqaya'olqa ja naqaega chiyaqayi ta'le nichiquetedajeguem jogaa'me.

1 Corintios 8:1

Nayi ja'ateguet da'me jayem auenachiyec ga'me lapat jo'ne joote qoyanema gaa'me qop'iyapegalo jo'ne ch'e 'nonataqa. Yataqachiñe eja da'me dojo' 'naqatac: “Ena'uaque qo'mi jayatenaq da'me jo'ne yataqata eja.” Qalaĝaja da'me nayatenaĝanaĝac 'yetem ga'me jiyaĝaua da'me ma'te 'yoĝodenaĝaic; joda'me noqopich'i qamqa'me 'yañaqatet joga'me.

Romanos 15:2

Ena'uaque jiyamaĝataqatac ga'me qadaqaya nataq'aen je'etaĝam ga'me liyamaĝac joga'me, nataq'aen qaedi nichiquetajeguem q'aen da'me lepe'e'.

Romanos 12:8

Ga'me jo'ne qoyanem da'me qoyen nemeyaĝac qaedi 'yañaqate'tape ga'me laqaya, 'noota qom yalemaqa'teguet da'me 'yañaqate'tape joga'me. Ga'me jo'ne 'uo ga'me yanegue, 'noota qom ja jematatac da'me ya'uo; ga'me jo'ne da'me 'nonatac jo'ne qayoĝode' gaa'me yelapelo'te, 'noota qom netela da'me ye'et da'me 'nelopaguec; ga'me jo'ne lecochiyalo jogaa'me choĝodayaqolqa, 'noota qom matac da'me ye'et da'me dojo'.

Hechos 15:32

Qama'le queda'me Judas nataq'aen Silas nach'e ena'ama Dios 'laqataĝanaĝanaqa, gaa'me 'laqataqa jalcote da'me loyaĝa'tape nataq'aen 'yañaqate'tape jogaa'me qadaqaya'olqa.

Hechos 14:22

Naa'me naajo' ale'u 'yañaqate'tape joga'me p'etaqadaiquipi nataq'aen 'yelopetapeque da'me 'nañaĝatela'ajalo da'me quetedalegue da'me lepe'e', qama'le yaqateque jogaa'me da'me qoyouetaque da'me naje'tegueta ga'me yodapecache 'me lachitataico, qaedi yaqanate't ta'le tadoue da'me Dios lejaliaĝa.

Hechos 9:31

Chane'eja gaa'me uetedaue ga'me 'naqataĝanaĝac 'me dalaĝaic, yema di'me aleua Judea, Galilea nataq'aen Samaria, 'uo da'me 'lamaĝa'j nataq'aen naqaloĝodetajeguem da'me lepe'e. Yataqatelo'te t'onataĝade'uo ñe'me Jaliaĝanec, nataq'aen queda'me qolecochaĝanaĝanegueta ñe'me Dios Lepaqal jo'ne ja 'nalegue nach'e eta't nichiquetaye ga'me p'etaqadaiquipi.

Lucas 3:18

Naq'aeta da'me dojo', nataq'aen qayoĝode' gaa'me loqotenaĝanaĝaco laqaya', Juan 'yaĝatetapema da'me onaĝaic Dios 'laqataĝanaĝac jogaa'me jiyaĝadipi.

Hebreos 3:13

Dite da'me yatemaliaĝa uayaloqota't da'me jo'ne 'yaĝate'tape naa'me nedii's, qama'le 'noota qom onolqa'tape da'me 'yañaĝatetac ga'me laqaya yemeda naa'me noloqo'ote, qaedi qaya'te onolec jo'ne qoyen t'añi na'me lauel yajouaĝa't gaa'me mach'e loeco jo'ne ja 'noe'n qama'le yoqovin.

Hechos 4:36

Nach'eda da'me eeta ca'li ñe'me lecochaĝaua' gaa'me tamenaĝaiqui lo'ol jo'ne lenaĝat José, mach'e yataqachiñe 'lachaqa' jaga'me nepe jo'ne Chipre, qama'le jogaa'me namaĝa's e'n lenaĝat laqaya Bernabé (jo'ne yelo'teguet: “C'oĝot da'me noyaĝanataĝanaĝac.”)