1 Corintios 14:1 - Nuevo Testamento Toba Sombrero Negro

¹ Oqui'tegue da'me noqopich'i ladic, nataq'aen 'noota qom auepichiya'a da'me jetaque anaviquila't ga'me jo'ne Dios Lepaqal yanegue, qaedi auaqanachichi ta'le a'uaĝachetac da'me 'laqataĝanaĝac ñe'me Dios.

Nuevo Testamento Toba Sur

¹ Qanpogoxoiñiÿapegue' da huo'o da qadsoxoyiqui qataq da ña qami' ÿanema ñi Dios na lshitaxanaxatpi, qalaxayi ÿacteec qanqashiñi da qau'axachi' naua l'aqtaqa.

La'aqtaqa Ñim Lo'onatac 'Enauacna 2013

¹ Qanpogoxoiñiỹapegue' da qarsoxoyiqui da ỹataqta 'eesa, qataq qauỹaxañiỹot So Saqcha'a Na'añaxac Qui'itta da qami' ỹapaxague'n da yaqto' qaua'axache' naua na'aqtaqa maye chegoqo'oto Ñim Lo'onatac 'Enauacna.

1 Corintios 14:1 Referans Kwoze

1 Corintios 14:39

Chane'eja ami yaqaya'olqa, 'noota qom 'uo da'me adepagaĝaqui ta'le a'uaĝachetac da'me 'laqatac ñe'me Dios, nataq'aen ena'te auelaĝachitapeguem ga'me jo'ne jetaque yadenaĝa't naa'me 'naqataqa laqaya',

Hebreos 12:14

Anepogoĝoiñetapegue' da'me nach'e eta't ami uetauelo da'me 'nemaĝac, ena'uaque da'me ami, nataq'aen da'me nach'e eta't da'me ami ja 'nalo'te, qa'a qom qaya da'me qat'oyaĝac jo'ne ja 'nalegue qama'le ja jaqanatetaq ta'le jauanaĝa joñe'me Jaliaĝanec.

1 Timoteo 4:14

Ena'te auen qaya'ye joñe'me Dios am yanem mach'e Lepaqal ca'li am qo'yaĝatem jogaa'me 'yaĝaicachidi jo'ne am netamedelegue nataq'aen am yacodedelegue ca'li.

1 Corintios 16:14

Nataq'aen yema ga'me auauoyi, 'noota qom 'uo da'me adichoĝodenataĝanaĝaqui.

1 Corintios 12:1

Ami yaqaya'olqa, nayi jetaque ami japaĝagueneque gaa'me chiyaqayilo da'me nañoqotaĝanaĝac 'me yanegue ñe'me Dios Lepaqal 'me ja 'nalegue.

1 Corintios 13:13

Chane'eja uo'oe naajo' tres jo'ne qaya'te loiquiaqa't: da'me nepe'e, da'me najoĝonataĝanaĝac nataq'aen joda'me noqopich'i. Qalaĝaja da'me yataqachiñe p'ajaye naa'me naajo' tres mach'e noqopich'i.

1 Ts 5:20

qama'le ena'te a'uotañi joga'me 'laqataĝanaĝa'j jogaa'me 'laqataĝanaĝanaqa ñe'me Dios.

1 Timoteo 6:11

Qalaĝaja da'me am Dios nejoĝonec, 'noota ta'le oca'ae naa'me naajo' ja qoyiyamaĝade'n. Nach'e eta't auen yataqatelegue da'me anejiyaĝauayaĝac, auen yelo'ta joñe'me Dios, nataq'aen aua'uo da'me adepe'e, auaconeguet da'me adoqopich'i, da'me am 'uañaĝaicolec nataq'aen da'me yataqata am joĝodaic.

1 Corintios 14:37

Qom 'uo ga'me eetapela't 'laqataĝanaĝanec ñe'me Dios, uotaĝa eetapela't 'uo ga'me qoyanem 'me chiyaqayi ñe'me Dios Lepaqal, 'noota qom yatetoneguet nataq'aen 'yamaqaten ga'me jo'ne ami jedenaqatenalo 'me yediijec, qa'a mach'e lamaĝajoĝonaĝac ñe'me Jaliaĝanec.

1 Timoteo 5:10

Nataq'aen yataqata qoyayaten da'me onaĝaic 'lonataĝanaĝac ca'li: qom yataqata netelalo jogaa'me c'oqo'te, nataq'aen da'me 'uo da'me loqopich'i nale qodejapichiya, nataq'aen da'me joote yataqata yichoĝode'n gaa'me Dios lec'oqo'tepi, chayovida'a da'me lecochiyalo nale jogaa'me 'uo da'me lachoĝode'j, nataq'aen nach'e eta't yauo'oe gamachaqaegaua 'lonataqa jo'ne 'noote'.

Efesios 1:3

Yataqata 'noota ta'le qo'nonaĝachigui joñe'me Dios, jo'ne Let'a joñe'me Qadejaliaĝanec Jesucristo, qa'a qo'mi yichoĝode'n jouaĝat da'me joqo'taqataguet ñe'me Cristo. Chane'eja qo'mi yanema naa'me yodapecache lichoĝodenataĝanaĝaco 'me ja di'yo't, jo'ne chiyoqodaje'ma di'me piyem.

1 Corintios 12:31

Ami qamqa'me nach'edata da'me aueloyitaque ga'me nañoqotaĝanaĝac jo'ne yataqachiñe p'ajaye. Qalaĝaja jetaque ami japaĝaguetapeque ga'me nadic jo'ne yataqachiñe p'ajaye.

3 Juan 1:11

Am yaqaya jo'ne am joqopita, ena'te auanaya'alo jogaa'me ja 'noe'n jo'ne qoyadenaĝa't nale, dite gaa'me jo'ne 'noote'. Qa'a joñe'me jo'ne ya'uo da'me 'noota, nach'eñe chiyaqayi joñe'me Dios, qalaĝaja ga'me jo'ne ya'uo ga'me ja no'en qamqa'me ja yateton joñe'me Dios.

2 Pedro 1:7

Nach'e ena'am avichoĝodeñi' gaa'me adaqayadi' qama'le yataqata adoqopichiya ena'uac.

Romanos 12:6

Qa'a da'me lichoĝodenataĝanaĝac ñe'me Dios mach'e chiyoqochigui da'me qo'mi qoyanema yodapecache q'aen ga'me qanemeyaĝac, naq'aeta ga'me jo'ne ñe'me naloqotenaĝa'teguet onolqa'tape. Chane'eja qom Dios qo'mi yanema da'me qo'mi 'laqataĝanaĝanaqa qama'le ja'aĝataqatac qom naq'aeta da'me qadepe'e jo'ne qo'mi uetauelo.

2 Timoteo 2:22

Chane'eja oca'e da'me lamai'j jenaa'me joĝodipi, nataq'aen auelaque da'me chimaqachiñe, ena'te aĝañi da'me adepe'e, adoqopitalo gaa'me adaqaya', chayovida'a da'me auaconeguet jena'me 'nemaĝac; oquetapegue'to jogaa'me uetedaue da'me yoqovichiguilo naa'me lai'li jo'ne yiyaĝatot nale joñe'me Jaliaĝanec.

Romanos 9:30

Qama'le da'me dojo', ¿jach'e ga'me jenaqaac? Da'me chiyaqayi da'me nepe'e, Dios e'n yataqatelo'te q'ae'n joga'me ja judiopi, jo'ne ja yelotedaque ga'me chimaqachiñe.

Romanos 14:19

Chane'eja 'noota qom jelaqaque ga'me jo'ne chiyaqayi da'me 'nemaĝac nataq'aen da'me 'nañaqataĝanaĝac 'me ja qonañaĝanañi'.

1 Corintios 13:2

Nataq'aen qom 'uo da'me yañoqotaĝanaĝac qaedi ja'aĝatetac da'me 'laqataĝanaĝac ñe'me Dios, nataq'aen qom jayate'n ena'uaque jogaa'me 'lonataĝanaĝaco ñe'me Dios, nataq'aen jayate'n ena'uaque gaa'me uo'oe, nataq'aen qom t'adaic da'me yepe'e qaedi jaqanatet ta'le jedaĝat ga'me qajoĝonaĝa, qalaĝaja qom qaya'te yoqopich'i, qama'le ja jayem 'te p'ajaye.

1 Corintios 14:22

Chane'eja nale ga'me p'etaqadaiquipi yadenaĝa't gaa'me 'naqataqa laqaya', dojo' nach'eda 'nanec, qalaĝaja ja qoyeloĝonaĝachiguilo joga'me p'etaqadaiquipi, dite joga'me jo'ne ja p'etaqadaiquipi. Qalaĝaja da'me qo'yaĝa'tape jodaa'me 'laqataĝanaĝaco ñe'me Dios, nach'eda 'nanec jo'ne qoyanema joga'me p'etaqadaiquipi, ja qoyeloĝonaĝachiguilo gaa'me jo'ne ja p'iida'a ñe'me Dios.