1 Corintios 13:5 - Nuevo Testamento Toba Sombrero Negro

⁵ Ga'me jo'ne 'uo da'me loqopich'i qamqa'me ja co'yaqaic, ja mach'e 'natetapela't, ja lemataqaic, nataq'aen ja uenatetapegalo gaa'me lejamaĝataĝaco jogaa'me laqaya'olqa.

Nuevo Testamento Toba Sur

⁵ Qataq sa ishit da huota'a da l'aloxo ca lÿa, qataq sa ishit da nmitta'a ca maichi laÿamaxa. Qataq sa ishit da lemataqaic, qataq sa ishit da sa ÿapalaxata'a ca qai'otec.

La'aqtaqa Ñim Lo'onatac 'Enauacna 2013

⁵ Qataq saishet da sa ncherapec, qataq saishet da napagaqaanaxaic. Qataq saishet da inogoqchet ca camachaqca. Qataq saishet da ima'ape naua na'axa'te da iuennatega ca qaỹo'otec sa ỹaỹamaxañi.

1 Corintios 13:5 Referans Kwoze

1 Corintios 10:24

Yataqachiñe 'noota ta'le qaya'te gamachaqaega yelotaque ga'me mach'e layamaĝac, dite da'me ena'uaque ami aueloyitaque da'me chiyaqayi joda'me liyamaĝa'j jogaa'me adaqayadi'.

Santiago 1:19

Anetoviñetac da'me dojo', ami yaqaya'olqa jo'ne ñauotaĝa'upi: 'noota qom aleuocheta da'me anaquiaĝañi, qalaĝaja anepochitapegue' da'me a'uaqataĝañetac, qama'le nach'e ena'am da'me qom te'me aualemataitac.

Filipenses 2:21

Qama'le jogaa'me jiyaĝa'u laqaya' ch'e nenateta'ajalo nale e'n p'ajodaye ga'me jetaque yauata, qama'le ja yauote joga'me yiyamaĝaden joñe'me Jesucristo.

Filipenses 4:8

Ami yaqaya'olqa, jeetapega naq'aeta jenjo' 'yaqatac nayi. 'Noota qom analoqochiñe nale jena'me jenjo' 'noota ladic, chayovida'a da'me jo'ne yataqata qo'nonaĝachigui. Qama'le nach'e eta't auenache'ta da'me eja nataq'aen da'me chimaqachiñe, da'me yataqatelegue nataq'aen da'me ja 'nalegue, da'me onaĝaic nataq'aen da'me qoyiyamaĝaden.

Gálatas 5:13

Ami yaqaya'olqa, Dios ami yiyaĝanalo qaedi ami uojotedañi. Qalaĝaja ena'te aueñetapela't adoĝochi da'me ami uojotedañi ta'le taue q'aen da'me a'vichi ga'me ja no'en. Dite da'me anecochiyapega't qa'a 'uo da'me adoqopich'ii.

1 Corintios 12:25

qaedi da'me qat'oyaĝac ja mach'e niyaqa'a ga'me qadoĝojet, dite da'me onolqa'tape naa'me qadoĝoje'te da'me qat'oyaĝac necochiyapega't.

2 Corintios 5:19

Chane'eja ja'aĝataqatac da'me dojo' onaĝaic 'naqataĝanaĝac yema jena'me aleua: ñe'me Cristo nach'eñe chiyaqayi da'me qoyapalaĝa't jodaa'me qadoeco, nataq'aen ena'uac yanema da'me 'nemaĝac.

1 Corintios 10:33

ena'am jayem, jo'ne jepaquetapega ta'le ena'uaque jen made'tape. Ja jelotaque ga'me mach'e yiyamaĝac, dite da'me ena'uaque 'uo da'me liyamaĝa'j qaedi qonec'alaĝatedegue qom'te jogaa'me.

1 Corintios 11:18

Da'me 'uaeñe jayem qo'yaĝatem queda'me nale ademiya'a't, qama'te mach'e ami ja adaloi'ta't, qama'le jeetapega naq'aeta.

Mateo 5:22

Qalaĝaja ami ja'aĝatema queda'me gamachaqaega ga'me jo'ne dalemata'ya ga'me laqaya, male qoyamaĝaue da'me ne'uaĝanaguec. Nataq'aen ga'me jo'ne yejouen ga'me laqaya, qama'le qoyajoĝonegueta jogaa'me jiyaĝadipi nec'atenoqo't; nataq'aen ga'me jo'ne yachalo'te gaa'me 'laqataqa 'me ja 'noe'n ga'me laqaya, qama'le qoyen yepaquetapegue' da'me yec'ata ga'me dole' 'me 'lachaqa' da'me 'uaĝanaĝac.

Lucas 7:39

Mane'e ca'li yauana da'me dojo', ñe'me fariseo jo'ne nepoda ñe'me Jesús, eetojo' da'me lelnataĝac: “¿Toqoch'e ja yetaden jañe'me yauo jo'ne ja no'en da'me yepotetac, qom yataqachiñe Dios 'laqataĝanaĝanec? Qa'a ¡janjo' yauo yataqachiñe ja 'noe'n daa'me 'lonataqa!”

Marcos 3:5

Chane'eja joñe'me Jesús jalcote da'me totelegue ca'li, nataq'aen dalematayi da'me lec'atenaĝanaĝac qa'a ja jetaque yacoteguet ga'me enaac, qama'le enapega ñe'me jiyaĝaua: —¡Anodegue na'me adouaq! Ñe'me jiyaĝaua nodegue, qama'le paja'a 'noota ga'me louaq.

2 Ts 3:7

Nataq'aen joote auayachiñe da'me jo'ne jauoqo, qama'le 'noota qom qo'mi auadenaĝachi', qa'a nale ami jouaqatauelo nach'eda da'me jauoqo ga'me qat'onatac, ja qo'mi 'te choĝolaĝayaqa.

1 Corintios 7:36

Qom 'uo gamachaqaega mach'ega yayaten queda'me ja en 'te yataqatelegue da'me lajoĝoc queda'me joote 'uo jaga'me nayate'ne', qom napacapelegue ga'me lamaic joga'me, nataq'aen lelnataĝac da'me paja'a 'uona't, qama'le 'noota da'me joote naq'aeta ga'me lelnataĝac, qa'a ja naqaeda ta'le ya'uo loec: 'noota da'me 'uona't.

Mateo 9:4

Qalaĝaja Jesús yetaden ga'me jo'ne eeta da'me lelnataĝa'j, qama'le yachimaĝatalo jogaa'me, enaac: —¿Toqoch'e yataqachiñe ja 'noe'n naa'me adelnataĝacodi'?

2 Timoteo 2:10

qama'le jalcote qoye'n yachoĝodeco, qaedi gaa'me dalaĝayaqa Dios lec'oqo'tepi male nec'alaĝatedegue nataq'aen yacoteguet ga'me 'noyaĝac jo'ne ja 'naidena'a, nach'ena jenjo' yanegue joñe'me Cristo Jesús.

2 Timoteo 4:16

Jo'me nolo' ca'li yemta te'me 'ñañaĝatela't da'me jajoya'agueta jogaa'me jaliaĝanaqa, yataqata qaya'te yequiaĝaua ta'le maqachaĝa jayem yotauan, yema jayem ca'e; qalaĝaja jepaquetapega qaedi Dios yichoĝode'n naa'me.