1 Corintios 13:4 - Nuevo Testamento Toba Sombrero Negro

⁴ Ga'me 'uo da'me loqopich'i yataqachiñe 'uo da'me napogaĝadenaĝac nataq'aen da'me lichoĝodenataĝanaĝac, ja p'aguenataĝanaĝaic, ja mach'e 'nonaĝatapela't, nataq'aen ja ni'yoĝodenaĝaic.

Nuevo Testamento Toba Sur

⁴ Ca huo'o da lsoxoyic ÿataqta nque'ejnaxaic, qataq huotaxanaqtaqaic, qaq sa ishit da quiÿaxanaqtaqaic, qataq sa ishit da n'amqajnaxaic, huo'otaq ñi'oxonnaxaic.

La'aqtaqa Ñim Lo'onatac 'Enauacna 2013

⁴ Ca huo'o da lsoxoyec, nache ỹataqta huo'o da lhualaxavic qataq, nache 'eetai' da lauotaxanaqtaic. Ca huo'o da lsoxoyec, nache saishet da quiỹaxanaqtaqaic qataq saishet da 'eetega da qaica ca 'ena'am. Qataq saishet da ño'oxonnaxaic.

1 Corintios 13:4 Referans Kwoze

1 Pedro 4:8

Nataq'aen yaguegue qomle da'me yataqata anoqopichiyapega't, qa'a da'me noqopich'i yaqanatet ta'le yapalaĝa't jalcote naa'me nepatenaĝanaĝaco.

Efesios 4:32

Dite da'me ami yataqatelo'te nataq'aen aueñi damichiguilo naa'me adai'lidi'; auapalaĝachi nale ga'me laviyaĝajet ga'me adaqayai, qa'a nach'e ena'am ñe'me Dios joote yapalaĝa't gaa'me mach'e qadaviyaĝaje'te, ca'li qo'mi nemelo'te joñe'me Lec'oĝot Jesucristo qaedi male qadec'alegue.

Colosenses 3:12

Dios ami noqopitalo, nataq'aen ami yatetelo'te qaedi ovitauelo joga'me c'oqo'tepi joñe'me. Chane'eja anaviquila't da'me qaedi ami choĝodenataĝanaĝayaqa, nataq'aen ami qopitaĝanaqataqayaqa nataq'aen ami pogaĝadenaĝayaqa. Ena'te ami 'yoĝodenaĝayaqa, uotaĝa ta'le ami co'yaqayaqa.

1 Juan 4:11

Ami yaqaya'olqa, naq'aeta da'me Dios qo'mi noqopitalo. Chane'eja 'noota qom nach'e ena'am naq'aeta da'me ñoqopitaqapega't.

1 Pedro 3:8

Chane'eja, 'noota qom aueñi onolec da'me adelnataĝaqui, choqoda'me joĝodayaqa naa'me adai'lidi', nataq'aen da'me ami qopitaĝanaqataqayaqa, choqoda'me ami choĝodenataĝanaĝayaqa, nataq'aen da'me ja ami 'te 'yoĝodenaĝayaqa.

1 Ts 5:14

Nataq'aen ami qadaqaya'olqa, yitaĝa ami jaqataĝalo da'me 'noota qom auojeyapegue'to jogaa'me choĝolaĝayaqa qaedi nach'e ena'am t'onataĝa'n, 'noota qom auañiyijeguem jogaa'me ja t'añi'y naa'me lai'li, nataq'aen alecochiiyalo jogaa'me yataqata qaya'te 'lañaĝa'j nataq'aen aneualaĝañi'ye' yema ga'me jiyaĝadipi.

2 Pedro 1:7

Nach'e ena'am avichoĝodeñi' gaa'me adaqayadi' qama'le yataqata adoqopichiya ena'uac.

Efesios 4:2

Ena'te ami 'yoĝodenaĝayaqa, dite da'me 'noota qom yataqata ami joĝodayaqa naa'me adai'lidi' nataq'aen da'me anapogaĝadeñi. 'Noota qom auodenataĝañetac nale, chiyaqayi da'me adoqopich'ii.

2 Corintios 6:6

Temaqaedi da'me uo'oe ena'uaque naa'me naajo', qalaĝaja jaloĝonaq da'me qaya'te lale'gue da'me qat'oyaĝac, jatetonaq da'me eja, 'uo da'me qadapogaĝadec nataq'aen qo'mi qopitaĝanaqataqayaqa. Ñe'me Dios Lepaqal 'me ja 'nalegue uetaue da'me qat'oyaĝac nataq'aen qadoqopita da'me eja.

Colosenses 1:11

Jajelaĝanoqot joñe'me qaedi en chiyaqayi da'me p'ajaye lañoqotaĝanaĝac da'me ami 'yañaqate't, qaedi naq'aeta da'me auaqanachichi ta'le anapogaĝadeñiyeguet ena'uac nataq'aen 'uo da'me at'añaĝaqui choqoda'me adamaiqui.

Gálatas 5:26

'Noota qom ja qo'mi 'te 'yoĝodenaĝayaqa, ena'te qo'mi chiyaqayilo da'me 'uo ga'me yalemataĝanaĝatac uotaĝa 'uo da'me lep'aguenataĝanaĝac ga'me qadaqaya, qom jenaĝa qadelnataĝac da'me qo'mi 'noote' ja jenaqa'am ga'me qadaqaya.

1 Corintios 4:6

Ami yaqaya'olqa, ami ja'aĝatema da'me dojo' jo'ne jayem 'yaĝatetac choqoñe'me Apolo, qaedi ami yecochiyalo queda'me qo'mi adaloqotenaĝanaĝaqui, da'me ami japaĝaguenaĝaque da'me ena'te anapaquiyalegue ga'me jo'ne joote qoyediñe joca'li, qaedi ja avi'yoĝodiñetac nataq'aen qaedi qaya'te a'uotañetac.

2 Timoteo 4:2

'Noota qom auapaĝaguenataĝaneque naa'me naajo' Dios 'laqataqa yemeda naa'me noloqo'ote, nataq'aen a'viyelaqatapelegue nale maqachaĝa am qonaquiaĝana, nataq'aen ena'am nale ja am 'te qonaquiaĝana. Aualoĝonalo gaa'me jiyaĝadipi da'me lejomaĝa'j nataq'aen da'me anavidijeguem, qama'le auapaĝague'n, ena'te adoualalo.

2 Timoteo 3:10

Qalaĝaja da'me am, joote auaconegueta yemeda daa'me yapaĝaguenataĝanaĝaco, nataq'aen da'me auadenaĝat da'me 'yoyaĝac nataq'aen ga'me jetaque ja'uo nale, da'me yepi'iyaĝac, da'me ñapogaĝadenaĝac, da'me yoqopich'i nataq'aen da'me qoyen 'yañaĝac qaedi yema jalo'oguet nale.

1 Pedro 2:1

Chane'eja 'noota qom aĝañidiñi ena'uaque naa'me yodapecache jo'ne ja 'noe'n. Ena'te auoqovinaĝañetac, uotaĝa ta'le ja ami 'te yataĝalo'te, uotaĝa ta'le 'uo ga'me adep'aguenataĝanaĝaqui uotaĝa ga'me ade'uenaĝanaĝaqui.

Tito 3:3

Qa'a joca'li nach'e ena'am qo'mi chiyoĝo's nataq'aen qoleguetaĝanaĝaiquipi; qadejometac ca'li nataq'aen qo'mi lecoñetae's yema gaa'me yodapecache 'me lamaico jena'me aleua. Jouaqatauelo ca'li gaa'me ja 'noe'n nataq'aen nep'aguenataĝanaĝaco, qo'mi qoniquiyatapegalo nataq'aen qo'mi quiyaĝanataqaiquipi.

1 Corintios 3:3

qa'a maliaĝa oquitapegue'to jodaa'me anejiyaĝauayaĝaqui lamaico. Ami p'aguenataĝanaĝayaqa nataq'aen mach'e ami da'me auapichitapega't, chane'eja nach'eda di'yoq q'aen queda'me maliaĝa oquitapegue'to da'me anejiyaĝauayaĝaco lamaico. ¿Qo'li ja naq'aeta?

Hechos 7:9

“Naajo' Jacob c'oqo'tepi, nach'enaua jachoyojoĝogueta 'me qadet'al, jo'ne lanoqole'j José yep'ague'n ca'li, qama'le yeme'n qaedi qoyauegue di'me Egipto. Qalaĝaja Dios ue'tajop ca'li ñe'me José,

2 Timoteo 2:25

'Uo da'me lapaĝaguenataĝanaĝac jo'ne ja 'yoĝodenaĝaic yanema jogaa'me jo'ne te'me nautetapegalo, qa'a uotaĝa yaloĝolo'te ñe'me Dios qaedi 'ñemaĝadiñe, 'niyelaĝadetot joñe'me nataq'aen male yataqachiñe qoye'n yateto'n da'me eja,

1 Timoteo 6:4

jenjo' jiyaĝaua yataqata 'yoĝodenaĝaic jo'ne yataqata qaya'te yayaten. 'Uo da'me loec da'me eetapega ja ena'ama gaa'me laqaya' da'me eetapega yema yayaten ga'me yelo'tagueta naa'me 'naqataqa; qama'le naqaena jenjo' chiyaqayi da'me nep'aguenataĝanaĝac, nojouena't, chayovida'a da'me male ja 'namaqatena't,

1 Corintios 8:1

Nayi ja'ateguet da'me jayem auenachiyec ga'me lapat jo'ne joote qoyanema gaa'me qop'iyapegalo jo'ne ch'e 'nonataqa. Yataqachiñe eja da'me dojo' 'naqatac: “Ena'uaque qo'mi jayatenaq da'me jo'ne yataqata eja.” Qalaĝaja da'me nayatenaĝanaĝac 'yetem ga'me jiyaĝaua da'me ma'te 'yoĝodenaĝaic; joda'me noqopich'i qamqa'me 'yañaqatet joga'me.

Romanos 1:29

Yataqachiñe nejaqachiguilo da'me 'letaĝaloĝo'j jogaa'me, da'me nequejeguetaĝa, nemite'tae jana'me laicaua, nataq'aen da'me ja no'enpi. P'aguenataĝanaĝayaqa, lataĝanaĝayaqa, loequiaĝaiquipi, qovinaĝanaĝaiquipi, denataĝanaĝaiquipi.

Santiago 4:5

'Uo da'me jo'ne 'yaĝatetac jonaa'me nedii's, eet'oi: “Yataqachiñe 'uo da'me lep'aguenataĝanaĝac ñe'me qadepaqal jo'ne qoyanaue jona'me qadauel.”

1 Corintios 4:18

Uo'oe gaa'me joote 'yoĝodenaĝayaqa da'me ami, qa'a joga'me lelnataĝa'j da'me ja yitaĝa ami jovitalo.

Romanos 13:13

'Noota qom onaĝaic nataq'aen yoqovita ga'me jauoqo queda'me jouaqaue ga'me yoqochiñe, ena'te auec'achiya ga'me neualaĝayaĝac jo'ne ja yataĝalegue, chayovida'a da'me ena'te ami taĝayaqa nataq'aen da'me ja no'en qom 'uo joga'me jetaque yejam, laqaya da'me 'noota ta'le qaya'te qadamanaĝa jo'ne ja no'en.

Colosenses 2:18

Achiya'agueta jogaa'me jo'ne eetojo' nale ga'me 'laqata'j: “Ami adejomiitac queda'me ja anetameñiyoto jogaa'me piyem laje'.” Nach'enaua jo'ne eetapela'ajalo uo'oe da'me lichoĝonaĝaco jo'ne nach'e ena'am ami auaqanachichi ta'le ami ua'ajopa, nataq'aen queda'me ni'yoĝodetedapega nale ga'me yauata, jouaĝat gaa'me ch'e jiyaĝaua lelnataĝaco.

Filipenses 1:15

Yataqata eja da'me uo'oe gaa'me eetedapega 'yaĝatetedac joñe'me Jesucristo, qalaĝaja ch'e jetaque jayem necotedapegue' da'me 'yonataĝanaĝac, qa'a ja jayem 'te 'yamaqate'n. Qalaĝaja uo'oe gaa'me laqaya' jo'ne yataqata 'noota da'me lelnataĝa'j,

2 Corintios 12:20

Jo'oyapega nale jenate'ta qom ami jec'atalo da'me ami jejapichiyalo, qama'te jauana ga'me at'oyaĝaqui jo'ne ja ja'amaqaten, nataq'aen jayem auañiya ga'me 'yoyaĝac jo'ne ja naqaega ta'le jetaque auañiya. Jo'oyapega ta'le ami jejomalo'te da'me aueloquitapega't, uotaĝa aualemataitapega't, 'uo da'me 'yotaĝac, nachinataĝanaĝac, novidaqataĝanaĝac, 'yoĝodenaĝac nataq'aen qaya'te niyamaĝa ami uetauelo.

1 Corintios 5:2

¡Ami qama'te ami 'yoĝodenaĝayaqa! Taqamachaĝa ami najaqachiguilo da'me adepocoĝoqui, chayovida'a auamaqayegue ga'me jo'ne ya'uo da'me dojo' 'me ami uetauelo nale ademiya'a't.

Mateo 27:18

Qa'a yetaden ca'li da'me qoyanegue ca'li yajouaĝat da'me lep'aguenataĝanaĝa'j.