1 Corintios 13:2 - Nuevo Testamento Toba Sombrero Negro

² Nataq'aen qom 'uo da'me yañoqotaĝanaĝac qaedi ja'aĝatetac da'me 'laqataĝanaĝac ñe'me Dios, nataq'aen qom jayate'n ena'uaque jogaa'me 'lonataĝanaĝaco ñe'me Dios, nataq'aen jayate'n ena'uaque gaa'me uo'oe, nataq'aen qom t'adaic da'me yepe'e qaedi jaqanatet ta'le jedaĝat ga'me qajoĝonaĝa, qalaĝaja qom qaya'te yoqopich'i, qama'le ja jayem 'te p'ajaye.

Nuevo Testamento Toba Sur

² Qataq aÿim da huo'otaq sa'axattac da l'aqtac ñi Dios, qataq saÿaten 'enauac nam lataxacpi mayi saq cha'a, qataq semata'a't 'enauac na nauattonaxanaxacpi, qataq da ipi'iÿaxac mashi ivi' da seshit da ñoqochinaxat aca qasoxonaxa, qalaxayi da qaica ca isoxoyic, nachi ñaqaiyita qaica ca shinec.

La'aqtaqa Ñim Lo'onatac 'Enauacna 2013

² Da qaica ca isoxoyec, nache qaica ca naigui da sa'axattac da la'aqtaxanaxac Ñim Lo'onatac 'Enauacna qataq da sheetega da saỹaten nam saqcha'a lapaxañipi Ñimaye. Nataqa'en qaica ca naigui da ipi'iỹaxac Ñim Lo'onatac 'Enauacna, na'aictaxa da ishet da nqochenaxat aca qaỹoqotcheguemec 'alhua.

1 Corintios 13:2 Referans Kwoze

1 Juan 4:8

Joga'me jo'ne qaya'te loqopich'i qamqa'me maliaĝa ja yateton joñe'me Dios, qa'a da'me noqopich'i chiyoĝoguet joñe'me Dios.

1 Corintios 13:3

Nataq'aen qom yema janegue ga'me jauana, nataq'aen qom ñemenouelo joga'me qadaute'upi qaedi qoyigoue da'me 'yoyaĝac, qalaĝaja qom qaya'te yoqopich'i qama'le qaya'te jayem chiyaqayi.

Mateo 17:20

Jesús enaac: —Qa'a ami yataqachiñe jaleca da'me adepi'i. Ami jayataĝadeneque ta'le eja 'uo da'me adepi'i, mate mane'e ena'am onole peta 'me mostaza jala, qama'le aueñiyapega jenjo' qajoĝonaĝa: «Oca'e jenjo', auec'ata ga'me aleua laqaya», qanach'e nichic ga'me qajoĝonaĝa. Qaya'te auaqalañitac.

1 Corintios 16:22

Qom 'uo ga'me ja noqopita ñe'me Jaliaĝanec, joote qoyachetalegue ga'me ne'uaĝanaguec jo'ne yataqachiñe t'adaic. ¡Am Qadejaliaĝanec, ja anayaloĝoden da'me auanaequena!

Mateo 21:21

Jesús 'yategueta: —Eja ami ja'aĝatema queda'me qom eja 'uo da'me adepi'i nataq'aen ja auoqoleguechi, qama'le ja nach'edata da'me auaqanachichi ta'le auauoyi da'me dojo' jo'ne je'etem jaga'me higuera, dite da'me qom aueñiyapega jenjo' qajoĝonaĝa: «Oca'e na'me oneta'ña, añgui jena'me noĝop», qama'le naq'aeta da'me yepaquichigui.

Efesios 3:4

Chane'eja qom auec'achiñe jena'me jenjo' yediijec, male auayachiñe jena'me jenjo' ja'aĝatetac jo'ne Dios lelnataĝac, jo'ne nataq'aen joote ye'et ca'li ñe'me Jesucristo.

1 Corintios 13:1

Qom jayaten ta'le jadenaĝa't daa'me 'laqataqa joga'me jiyaĝa'u nataq'aen daa'me 'laqataqa jogaa'me piyem laje', qalaĝaja qom qaya'te yoqopich'i, qama'le gaa'me 'yaqataqa qaya'te yelo'teguet, jena'am jaga'me qataqui, uotaĝa ga'me natoviaĝatajec jo'ne qoyatoviaĝan nale.

Gálatas 5:16

Qo'che' ami jaqateque da'me auoqochiiya ñe'me Dios Lepaqal qama'le ja auauoyi lamaic ga'me ja no'en ta'le a'vichi.

Colosenses 1:26

Dojo' yelo'teguet joda'me lelnataĝac jo'ne jetaque ye'et ñe'me Dios chiyoqo'tegueta gaa'me 'uoidi jo'ne 'uaechidiñe, qalaĝaja qaya'te joca'li ga'me jiyaĝaua ta'le yaloĝona. Qalaĝaja nayi male yataqachiñe yaloĝonalo joga'me mach'e lec'oqo'tepi.

Gálatas 6:3

Qom 'uo ga'me nepetapela't p'ajaye, qom ja naq'aeta, qama'le ch'e noqovila't.

Gálatas 5:22

Qalaĝaja ñe'me Lepaqal ñe'me Dios qo'mi noqopitaĝanaĝaneque jogaa'me qadaqaya'olqa, nach'e eta't jouaqataue da'me qo'mi made'tape nataq'aen jouaqataue da'me qat'emaĝac da'me jouaqa'tajopa gaa'me qadaqaya'. Qo'mi e'n ñapogaĝadenaq nataq'aen qo'mi qopitaĝanaqataqayaqa, nataq'aen nach'e eta't 'noota ga'me je'etaĝaque jogaa'me qadaqaya', jep'iyaqa ñe'me Dios.

1 Corintios 12:28

Qama'le Dios yanema onolqa'tape ga'me mach'e 'lonataĝanaĝa'j q'ae'n: 'uaeñe uo'oe gaa'me yanema da'me qaedi namaĝa's, laqaya' yanema da'me qaedi aqataĝanaĝayaqa, laqaya' yanema da'me qaedi paĝaguenataĝanaĝayaqa, laqaya' yanema da'me lañoqotaĝanaĝa'j qaedi yaloĝo'n ga'me ja qoyauanapega, laqaya' yanema da'me lañoqotaĝanaĝa'j qaedi yemedegue q'ae'n joga'me leuaĝayaqa, laqaya' qoyayatenaĝaneque da'me qaedi lecochiyalo jogaa'me jo'ne 'uo da'me louenaĝanaĝa'j, laqaya' qoyanema da'me qaedi dauegaqataĝana'ape, uo'oe gaa'me qoyanema da'me qaedi yadenaĝa't da'me 'naqataqa laqaya'.

1 Corintios 7:19

Qa'a ñe'me Dios ja naqaeda pacapegue' ta'le joote qo'mi qo'yaneque ga'me nichaĝajoĝonaĝac uotaĝa maliaĝa qaya, dite da'me yataqachiñe jeyamaĝata' daa'me lamaĝajoĝonaĝaco.

1 Timoteo 3:16

Qaya'te noqoleguetaĝanaĝac da'me jenjo' 'lonataĝanaĝac jena'me jenjo' qadepe'e ladic jo'ne yataqata t'adaic nataq'aen onaĝaic: Cristo naequena ca'li qaedi yadenaĝat da'me qanejiyaĝauayaĝac, qalaĝaja onolec joñe'me da'me qoyen yataqata eja joñe'me Lepaqal, nataq'aen yema joga'me piyem laje' yauata ca'li. Qama'le qo'yaĝatema yema gaa'me jiyaĝadipi, nataq'aen jena'me aleua laje'pi 'yamaqaten da'me dojo', nataq'aen da'me joote qoyavije'ma di'me 'lachaqa' joñe'me Dios.

Efesios 6:19

Nach'e ena'am jayem auajelaĝañilegue, qaedi joñe'me Dios jayem yanem da'me 'yañaĝac da'me ja'aĝatetac da'me mach'e 'laqataĝanaĝac jo'ne ja di'yoq ca'li.

1 Corintios 4:1

Jalcote 'noota da'me qo'mi auenache'talo, qo'mi jo'ne lecochaĝa'u ñe'me Cristo, nataq'aen qo'mi qo'yelopeque da'me qaedi jaloĝonaq da'me 'laqataĝanaĝac ñe'me Dios.

Romanos 16:25

'Noota qom 'ñonaĝataĝaye ñe'me Dios, jo'ne yaqanatet da'me ami t'añidañe q'ae'n. Nach'e naq'aeta da'me onaĝaic 'naqataĝanaĝac jo'ne ami ja'aĝatema nataq'aen da'me napaĝaguenataĝanaĝac jo'ne 'yaĝatetac ñe'me Jesucristo. Dojo' uaĝayet da'me jo'ne Dios yaloĝon, jo'ne ja yaloĝonapiye't, nach'eda qoyoĝochiñe chiyoqo'teguet joca'li maliaĝa qaya jena'me aleua.

Romanos 11:25

Ami yaqaya'olqa, jepaquetapega ta'le ami auayachiñe da'me yoequenataĝanaĝac 'me ja yaloĝonapiye't ñe'me Dios; qaedi ja a'naĝachitapela't ami yatenaĝanaĝayaqa; joga'me Israel c'oqo'tepi ja yemeda jogaa'me ta'le ja damite', ch'e lae jogaa'me, qalaĝaja jaldata qom ena'uaque yenoĝodeuo jogaa'me jo'ne ja Israel c'oqo'tepi.

Mateo 21:19

Ga'me ladic, yela'a jaga'me epaq jo'ne higuera, qama'le uayoĝo'ta, qalaĝaja ja yauana jaga'me jala, nedo'ta't jana'me layoqote. Chane'eja enapega jaga'me higuera: —¡Chiyoqochiñe nayi ja yitaĝa aueco'o! Qanach'e ua'a da'me paja'a daqaqa jaga'me higuera.

Mateo 13:11

Jesús 'yategueta jogaa'me: “Da'me ami qamqa'me Dios ami yatetonaĝaneque ga'me ja di'yoq jo'ne lajoĝoc da'me lejaliaĝa jodi'me piyem; qalaĝaja jogaa'me ja naq'aeta.

2 Corintios 12:11

Jayem ena'am ta'le je'n jalaĝayaqa't da'me 'yoyaĝac, qalaĝaja ami jayem auaviquiyigue da'me dojo' qaedi ja'uo. Jayem 'uo da'me jañoqotet ena'am gaa'me eetapela'ajalo namaĝa's p'ajodaye, chane'eja naqa'ami toqo' da'me jayem a'nonaĝachigui.

1 Corintios 14:39

Chane'eja ami yaqaya'olqa, 'noota qom 'uo da'me adepagaĝaqui ta'le a'uaĝachetac da'me 'laqatac ñe'me Dios, nataq'aen ena'te auelaĝachitapeguem ga'me jo'ne jetaque yadenaĝa't naa'me 'naqataqa laqaya',

1 Corintios 8:4

Chane'eja da'me qoyalic ga'me lapat jo'ne joote qoyanema nale ga'me qonetametapecoto nequi'il: jayatenaq queda'me qaya'te gamachaqaega lajo'viyaĝac ga'me nequi'i jo'ne uetalegue jena'me aleua, nataq'aen jaldata da'me onolec ñe'me Dios, qaya'te laqaya.

Hechos 13:1

Joga'me p'etaqadaiquipi jo'ne neda'ña di'me Antioquía uo'oe ca'li gaa'me Dios 'laqataĝanaĝanaqa nataq'aen paĝaguenataĝanaĝayaqa. Nach'eñe Bernabé, Simón (jo'ne nach'e ena'am qoyenaqatetapec ñe'me Ledaĝaic), Lucio jo'ne Cirene le'ec, Menahem (jo'ne naquetaje'me' ca'li ñe'me Herodes, nach'eñe jo'ne nejaliaĝatelegue di'me Galilea) nataq'aen Saulo.

Romanos 15:14

Ami yaqaya'olqa, mach'e jayem da'me ena'am ta'le ami jela'alo da'me yataqachiñe nejaqachiguilo da'me adichoĝodenataĝanaĝaqui nataq'aen da'me adayatenaĝanaĝaqui, choqoda'me auayachiñe da'me mach'e ami anapaĝagueñiyapega't.

1 Corintios 11:4

Nataq'aen gamachaqaega jiyaĝaua ya'uo laqailapo' qom netametac uotaĝa qom dapaĝaguenataĝatac, joga'me male ja 'nonaĝachigui ñe'me laqaic jo'ne Cristo.

1 Corintios 13:8

Da'me noqopich'i qaya'te loiquiaqa'; nach'e ena'am da'me uo'oe daa'me 'laqataĝanaĝaco ñe'me Dios, qalaĝaja yovita nale ga'me nolo' da'me male yenoĝodegue jogaa'me. Nach'e ena'am da'me uo'oe gaa'me 'naqataqa laqaya' 'me yoda'alo, qalaĝaja yovita ga'me nolo' nale ja yitaĝa qodomachiyalo. Nach'e ena'am 'uo da'me nayatenaĝanaĝac, qalaĝaja yovita da'me pal qomle.

1 Corintios 14:4

Ga'me jo'ne yadenaĝa't gaa'me 'naqataqa laqaya', joga'me di'yoĝom da'me dojo' qaedi mach'e liyamaĝac; qalaĝaja ga'me jo'ne 'yaĝa'tape naa'me 'laqataqa ñe'me Dios joga'me yanema ga'me 'lañaĝa'j yema jogaa'me laqaya'olqa 'me p'etaqadaiquipi.

1 Corintios 14:29

Nataq'aen 'noota ta'le dojolqa uotaĝa trejolqa 'yaĝatetedac da'me 'laqatac ñe'me Dios, nataq'aen 'noota qom gaa'me jiyaĝa'u laqaya' naloqote'n gaa'me 'laqataqa qom naqaeñe ñe'me Dios chiyaqayi ga'me nenaĝategue.

1 Corintios 15:51

'Uo ga'me ami jechoĝotema, ga'me jo'ne ja qoyaloĝon ca'li: qom novi' ga'me loiquiaqa'yaĝac jena'me aleua, da'me qo'mi ja yema da'me qadeleu, qalaĝaja ena'uaque qo'mi 'uo ga'me qo'mi qoneleguemaĝadeta jo'ne dalaĝaic.