1 Corintios 13:13 - Nuevo Testamento Toba Sombrero Negro

¹³ Chane'eja uo'oe naajo' tres jo'ne qaya'te loiquiaqa't: da'me nepe'e, da'me najoĝonataĝanaĝac nataq'aen joda'me noqopich'i. Qalaĝaja da'me yataqachiñe p'ajaye naa'me naajo' tres mach'e noqopich'i.

Nuevo Testamento Toba Sur

¹³ Qaq ÿoqo'oyi da npi'iÿaxac qataq da aquitaxac qataq da nsoxoyic ÿataqta qaica ca loga't. Qalaxayi da ÿoqta ÿacteec ne'enaua tres, nachida da nsoxoyic.

La'aqtaqa Ñim Lo'onatac 'Enauacna 2013

¹³ Qaq ỹoqo'oye da npi'iỹaxac qataq da aquitaxac qataq da nsoxoyec ỹataqta qaica ca loga't. Qalaxaye da ỹoqta ỹactec ne'enaua tres, nachera da nsoxoyec.

1 Corintios 13:13 Referans Kwoze

1 Corintios 16:14

Nataq'aen yema ga'me auauoyi, 'noota qom 'uo da'me adichoĝodenataĝanaĝaqui.

Colosenses 3:14

Anapaquiyalo'te naa'me naajo' qom anaviquila't joda'me adoqopich'ii, nach'eda necoñeteguet da'me yataqatelegue naqayayaĝac.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

Filipenses 1:9

Ñachoĝodetapecot joñe'me Dios qaedi nach'e eta't en nichiquetedaye da'me anoqopich'iya't, qaedi yataqata qoyayaten nataq'aen qaya'te ami qoyec'ateneque,

1 Timoteo 1:5

Nataq'aen joga'me paquetapega jenjo' 'yelopaĝac: 'noota ta'le noqopitetapega't onolqa'tape jogaa'me, qa'a yataqata eja 'uo da'me loqopich'i jo'ne chiyaqayi ga'me mach'e lai'li jo'ne yataqata onaĝaic, chayovida'a da'me 'uo joga'me lepe'e' jo'ne yataqata eja.

1 Juan 2:10

Ñe'me jo'ne noqopita ga'me laqaya, nach'eñe uetaue da'me yoqochiñe nataq'aen qaya'te ga'me chiyaqayi q'aen ta'le chiyaqaje'mot.

1 Ts 5:8

qalaĝaja da'me qo'mi jo'ne mach'e qadoĝot joga'me nolo', 'noota ta'le nach'e eta't jauoqo joga'me yataqata 'noota jo'ne qoyiyamaĝaden, ja jadenaĝataq jogaa'me taĝayaqa. 'Noota qom janaĝadiñi da'me qadepe'e choqoda'me qadoqopich'i nach'e ena'am ta'le quejaĝanaĝai, nataq'aen 'noota qom ñaĝat'onaĝa'ña da'me qadajoĝonataĝanaĝac queda'me qo'mi qonec'alaĝatedegue, nach'e ena'am ta'le jaĝa'to jo'ne laicaua.

2 Corintios 5:10

Qa'a ena'uaque qo'mi jajoyaqa'aguet qomle ñe'me Cristo, jo'ne nach'eñe qanec'atenoqo't. Nach'eñe nimitapiye qomle gaa'me qat'onataqa, qama'le qo'mi yanema ga'me qanejetenaguec qom qadalo'taguet, uotaĝa qo'mi yanema ga'me qane'uaĝanaguec.

1 Corintios 8:3

Qalaĝaja gamachaqaega jo'ne noqopita ñe'me Dios, ñe'me Dios yataqachiñe yateton joga'me.

Colosenses 1:27

Nach'egaua jogaa'me jo'ne Dios jetaque yatetonaĝanaĝaneque joda'me p'ajaye lelnataĝac jo'ne jetaque ya'uo yemata'a't yema ga'me noyaqapi 'me uetedalegue jena'me aleua. Dojo' lelnataĝac jo'ne jetaque ya'uo nach'eda da'me lec'alaqataĝanaĝac ñe'me Cristo, joñe'me jo'ne ami uetauelo, nach'eñe jo'ne adeuataqataĝanaĝaqui 'me chiyaqayi da'me auacoñiyeguet qomle da'me mach'e at'onaĝaqui.

1 Pedro 1:21

Chiyaqayi joñe'me Cristo, da'me ami male auep'iiya'a ñe'me Dios, 'me 'niyelaĝachijeguem joñe'me, yachiyaqaue di'me napa'lpi 'lachaqa', qama'le yanem da'me 'lonaĝac qaedi male auep'iiya'a joñe'me Dios jo'ne anaquichitapega.

1 Juan 3:9

Gaa'me Dios lec'oqo'tepi ja quetedalegue da'me loe'j, qa'a ue'tajopa da'me 'noyaĝac jo'ne Dios yanema. Qama'le qaya'te loeco jogaa'me, qa'a mach'e lec'oqo'tepi joñe'me Dios.

1 Juan 3:3

Nataq'aen ena'uac joga'me ue'tajop da'me dojo' najoĝonataĝanaĝac joñe'me Cristo, 'noota qom ja en 'te 'nalegue da'me 'loyaĝac joga'me, nach'e naq'aeta queda'me ja 'nalegue joñe'me Cristo.

1 Juan 2:14

Ami yalaqapi, queda'me joote ami janema da'me 'yaqatac qa'a auatetoñi joñe'me Qadet'a. Ami 'yaĝaiquipi, queda'me joote ami janema da'me 'yaqatac qa'a auatetoñi joñe'me jo'ne jalchi'ena 'uo joca'li yemta. Ami joĝodipi, queda'me joote ami janema da'me 'yaqatac qalaqach'ele ami 'uañaĝayaqolqa, nataq'aen da'me joote auacoñiyegueta daa'me 'laqataqa ñe'me Dios, nataq'aen queda'me joote anomachi joñe'me payac.

Hebreos 6:19

Jenjo' qadeuataqataĝanaĝac naqaeda da'me qo'mi 'yañaĝachidiñe qaedi nach'e eta't da'me qo'mi t'añi'y, ena'am joga'me lequet jaga'me licota da'me qoyecoñeteguet ga'me cadeena jo'ne laicaua qaedi nach'e eta't en namachiñe. Chane'eja da'me qadeuataqataĝanaĝac ena'am ta'le 'youategue joga'me ualoĝo lae jo'ne lapadenaĝat ga'me tamenaĝaiqui 'me na'ague di'me piyem qaedi male jenoĝonaĝauo'o.

2 Timoteo 1:7

Qa'a ñe'me Dios Lepaqal ja e'n 'te qo'mi qolanaqayaqa, mac da'me e'n qo'mi ñoqotaĝanaĝayaqa, nataq'aen e'n ñoqopitaĝan chayovida'a da'me onaĝaic qat'onataĝanaĝac.

Hebreos 6:11

Da'me qo'mi yataqata 'uo da'me qadamaic ta'le onolqa'tape da'me ami nach'e eta't oquitalegue da'me adaloĝonataĝanaĝaqui chayovida'a qom yovita ga'me nolo' jo'ne p'ategue, qaedi yataqata yepaquichigui yema da'me mach'e adeuataqataĝanaĝaqui.

2 Corintios 5:15

Chane'eja qom Cristo yeleu queda'me qo'mi nep'aĝanegueta, qama'le 'noota qom da'me qat'oyaĝac ja yitaĝa ena'am ta'le mach'ega nec'aletaye, dite ñe'me Cristo, jo'ne yeleu ca'li nataq'aen 'niyelaĝajeguem qaedi qo'mi yanema da'me qat'oyaĝac jo'ne dalaĝaic.

1 Corintios 14:1

Oqui'tegue da'me noqopich'i ladic, nataq'aen 'noota qom auepichiya'a da'me jetaque anaviquila't ga'me jo'ne Dios Lepaqal yanegue, qaedi auaqanachichi ta'le a'uaĝachetac da'me 'laqataĝanaĝac ñe'me Dios.

1 Corintios 3:14

Qa'a yema ga'me jiyaĝaua qom ja yaviyaĝat ga'me 'lonatac, qama'le yaconeguet qomle ga'me lajo'vi.

1 Juan 2:24

Chane'eja, 'noota qom aviyamaĝachiyouelo naa'me adai'lidi' da'me 'naqataĝanaĝac jo'ne eja, 'me auomachiiya jo'ne chiyoqo'tagueta gaa'me noloqo'ote ca'li yemta auacoñiyeguet da'me adepi'i. Qom naq'aeta queda'me dojo' netayelo jonaa'me adai'lidi', qama'le nach'e ena'am oquitalegue queda'me auoqochi'taguet joñe'me Dios Lec'oĝot, nataq'aen joñe'me Qadet'a.

Lucas 22:32

qalaĝaja joote ñachoĝodetapecot ñe'me Dios queda'me am ñachoĝodetapelegue qaedi ja qaya da'me adepe'e. Qama'le am, qom jayem a'niyeloqot, qama'le alecochiyalo naa'me adaqaya'olqa qaedi 'nañaĝatela'ajalo.

Lucas 10:27

Ñe'me paĝaguenataĝanaĝaic daa'me Dios lamaĝajoĝonaĝaco 'yateguet: —Eet'oi: «Adoqopita ñe'me Adejaliaĝanec jo'ne Anedios, auemata na'me adauel, auemata na'me adepaqal, auemata da'me at'añaĝac nataq'aen auematalegue da'me adelnataĝac.» Nataq'aen: «Adoqopita ga'me adaqaya nach'e naq'aeta nale anoqopitela't.»

Hebreos 10:39

Da'me qo'mi qamqa'me ja ji'iyelaĝajoĝogue ga'me joote jachiyoĝojoĝoguet qama'le ja jajoqo'taguet ga'me ua'a da'me male qo'mi qoyala't, dite da'me 'uo da'me mach'e qadepe'e qama'le yataqata jovidaqa'a da'me nec'alaĝa.

1 Corintios 8:1

Nayi ja'ateguet da'me jayem auenachiyec ga'me lapat jo'ne joote qoyanema gaa'me qop'iyapegalo jo'ne ch'e 'nonataqa. Yataqachiñe eja da'me dojo' 'naqatac: “Ena'uaque qo'mi jayatenaq da'me jo'ne yataqata eja.” Qalaĝaja da'me nayatenaĝanaĝac 'yetem ga'me jiyaĝaua da'me ma'te 'yoĝodenaĝaic; joda'me noqopich'i qamqa'me 'yañaqatet joga'me.

Romanos 15:13

'Noota qom ñe'me Dios 'me chiyaqayi da'me neuataqataĝanaĝac, ami nejaqachiguilo q'ae'n da'me ami made'tape, da'me 'nemaĝac ami uetauelo, ami jo'ne auep'iiya'a joñe'me. Nataq'aen ami yanema ga'me alidaq 'me najoĝonataĝanaĝac 'me chiyaqayi da'me 'lañaĝac ñe'me Lepaqal jo'ne ja 'nalegue.

Hebreos 10:35

Chane'eja ena'te aĝañiñi qomle da'me adeuataqataĝanaĝaqui, qa'a nach'eda jo'ne ami novidaĝa'talo qomle ga'me adomataĝanaĝaqui let'adaic.

Colosenses 1:5

Dojo' yajouaĝat da'me anaquichi'ta ga'me jo'ne jalchi'ena qoyiyamaĝatetac qaedi ami qoyanema qomle da'me oviya'ague di'me piyem, da'me jo'ne auomachiiya ca'li ami qo'yaĝatema da'me yataqatelegue jo'ne 'laqataĝanaĝac ñe'me Dios.

1 Ts 1:3

Nataq'aen queda'me jouaqa'tot joñe'me Qadet'a Dios, nach'e eta't jenataqa'ta joda'me yataqata ja aĝañiñi jena'me jenjo' jo'ne adepi'i, da'me onaĝaic adoqopich'i nataq'aen da'me yataqata ami 'uañaĝayaqa nale te'me 'uo ga'me ami qoyachalo'te jo'ne ja no'en, qa'a jouaĝat da'me yataqata auache'ta joñe'me Jaliaĝanec Jesucristo.