1 Corintios 12:9 - Nuevo Testamento Toba Sombrero Negro

⁹ Uo'oe gaa'me yataqata p'iida'a joñe'me Dios, nataq'aen uo'oe gaa'me qoyanema da'me lañoqotaĝanaĝac da'me e'n yemedegue jogaa'me leuaĝayaqa.

Nuevo Testamento Toba Sur

⁹ Huo'o na ÿanem da lta'adaic da lpi'iÿaxac, chigoqchigui naq'en so Espíritu, qataq huo'o na ÿanem da ishit da nataden na dalolaxaic.

La'aqtaqa Ñim Lo'onatac 'Enauacna 2013

⁹ Huo'o na ỹanem da lta'araic da lpi'iỹaxac, chegoqchigui naqa'en So Saqcha'a Na'añaxac, qataq huo'o na ỹanem da ishet da nataren na sa no'onpi.

1 Corintios 12:9 Referans Kwoze

2 Corintios 4:13

Daa'me nedii's jo'ne qoyedidiñe ca'li eet'oi: “Jep'iya'a ca'li ñe'me Dios, qo'che' nayi male jojetac.” Qo'mi nataq'aen jep'iyaqa ñe'me Dios, qo'che' ja'aĝataqatac da'me onaĝaic 'naqataĝanaĝac.

Efesios 2:8

Chane'eja ami joote qonec'alaĝatedegue, jouaĝat da'me auacoñiyeguet da'me loqopich'i ñe'me Dios. Qaya'te da'me ami 'uo ga'me eetapega dajelaĝanec da'me nec'alaĝa; ja naq'aeta, yejamaq da'me ch'e qo'mi qoyanema, ñe'me Dios yataqata qo'mi paquetapegalo.

1 Corintios 13:2

Nataq'aen qom 'uo da'me yañoqotaĝanaĝac qaedi ja'aĝatetac da'me 'laqataĝanaĝac ñe'me Dios, nataq'aen qom jayate'n ena'uaque jogaa'me 'lonataĝanaĝaco ñe'me Dios, nataq'aen jayate'n ena'uaque gaa'me uo'oe, nataq'aen qom t'adaic da'me yepe'e qaedi jaqanatet ta'le jedaĝat ga'me qajoĝonaĝa, qalaĝaja qom qaya'te yoqopich'i, qama'le ja jayem 'te p'ajaye.

Hebreos 11:33

Yemeda joñaa'me yataqata p'iida'a joñe'me Dios, qama'le noma't gaa'me noyaqa laqaya', nataq'aen chimaqachiñe da'me lejaliaĝa'j, qama'le yacoteguet da'me jo'ne Dios joote 'yaĝatema. Qama'le nach'e ena'am da'me e'n qoyapadiñguilo naa'me nedegaqa'te jogaa'me jauaĝayaqa,

1 Corintios 12:30

¿Qo'li ena'uaque ami 'uo da'me adañoqotaĝanaĝaqui qaedi yemedegue joga'me leuaĝaiquipi? Aja'y. ¿Qo'li ena'uaque ami auayachiñe ta'le auadenaĝachi joga'me 'naqataqa laqaya'? Aja'y. Qom 'uo ga'me yadenaĝa't naa'me 'naqataqa laqaya', ¿qo'li ena'uaque ami auaqanachichi ta'le auechoĝochi'tape ga'me yelotede'eguet jogaa'me 'naqataqa laqaya'? Aja'y.

1 Corintios 12:28

Qama'le Dios yanema onolqa'tape ga'me mach'e 'lonataĝanaĝa'j q'ae'n: 'uaeñe uo'oe gaa'me yanema da'me qaedi namaĝa's, laqaya' yanema da'me qaedi aqataĝanaĝayaqa, laqaya' yanema da'me qaedi paĝaguenataĝanaĝayaqa, laqaya' yanema da'me lañoqotaĝanaĝa'j qaedi yaloĝo'n ga'me ja qoyauanapega, laqaya' yanema da'me lañoqotaĝanaĝa'j qaedi yemedegue q'ae'n joga'me leuaĝayaqa, laqaya' qoyayatenaĝaneque da'me qaedi lecochiyalo jogaa'me jo'ne 'uo da'me louenaĝanaĝa'j, laqaya' qoyanema da'me qaedi dauegaqataĝana'ape, uo'oe gaa'me qoyanema da'me qaedi yadenaĝa't da'me 'naqataqa laqaya'.

Marcos 16:18

auacoñiyalo joga'me nanayaqapi; nataq'aen qom aniyomiyigui gamachaqaega 'uenaĝanaĝat jo'ne dalataĝanac, qama'te ja ami 'te yala't; choqoda'me qom auachiyalo'te naa'me adoua'adi joga'me leuaĝaiquipi qama'le yemedegue jogaa'me.”

Hechos 5:15

Qoyedode'ga ga'me leuaĝaiquipi da'me loqoeyaĝac, qoyachetalo'te ga'me lela'te nataq'aen 'lochaĝala'te qaedi da'me Pedro tae'di qama'le uotaĝa ch'e lepaqal ga'me tatelo'te jogaa'me.

Lucas 10:9

anec'alaĝachidegue ga'me leuaĝaiquipi jo'ne uetedaue ga'me, nataq'aen aueñiyaac jo': «Joda'me lejaliaĝa ñe'me Dios joote ami nadi'talo.»

Lucas 9:2

Yamaĝalo'te jogaa'me qaedi 'yaĝatetedac joda'me lejaliaĝa joñe'me Dios nataq'aen qaedi e'n yemedegue joga'me leuaĝaiquipi.

Marcos 6:13

Nataq'aen yamaĝadegue jogaa'me jalcote gaa'me payagodipi, nataq'aen yecodelo'te ga'me qoneyoĝonapiye jo'ne li'i jaga'me olivo jala gaa'me laqai'go joga'me jalcote leuaĝaiquipi, qama'le e'n yemedegue jogaa'me.

Mateo 21:21

Jesús 'yategueta: —Eja ami ja'aĝatema queda'me qom eja 'uo da'me adepi'i nataq'aen ja auoqoleguechi, qama'le ja nach'edata da'me auaqanachichi ta'le auauoyi da'me dojo' jo'ne je'etem jaga'me higuera, dite da'me qom aueñiyapega jenjo' qajoĝonaĝa: «Oca'e na'me oneta'ña, añgui jena'me noĝop», qama'le naq'aeta da'me yepaquichigui.

Mateo 10:8

Anec'alaĝachidegue jogaa'me yeleua'ape, a'niyelaĝachiidijeguem jogaa'me joote yele'u, aueñi yoqovite' jogaa'me nolaĝa polio' lalataqa nataq'aen auamaqayidegue jogaa'me payagodipi lepaqa'li. Dojo' nañoqotaĝanaĝac ami qoyanema nayi: qaya'te lajo'vi ta'le oquiyot. Chane'eja ena'te auauoyi lajo'vi da'me auec'alaqataĝañi.

Hechos 10:38

Auayachiñe queda'me Dios en nejaqachigui da'me lañoqotaĝanaĝac nataq'aen ñe'me Lepaqal 'me yanem ñe'me Jesús jo'ne Nazaret le'ec, nataq'aen queda'me Jesús ya'uo da'me 'noota ca'li, nataq'aen en yemedegue ga'me jiyaĝadipi ena'uaque ga'me jo'ne 'uo da'me lachoĝode'j 'me yepataqatedañe da'me lañoqotaĝanaĝac ñe'me payac. Dojo' yaqanatet da'me ya'uo qa'a ue'tajop joñe'me Dios.