1 Corintios 12:13 - Nuevo Testamento Toba Sombrero Negro

¹³ Qa'a joca'li qo'mi qonachilaĝa'n, nach'eñe ñe'me Dios Lepaqal qo'mi 'yeteque da'me ena'am ta'le onolec da'me qat'oyaĝac, joga'me griegopi nach'e ena'am joga'me judiopi, jogaa'me nelataqa nataq'aen jogaa'me yiyamaqachidiñe, qama'le Dios qo'mi ena'uac yecodelo'te nach'eñe ñe'me mach'e Lepaqal.

Nuevo Testamento Toba Sur

¹³ Cha'ayi 'enauaque qomi' nai'ctaxa da qomi' judío lashi', huo'otaq sa qomi' judío lashi', huo'otaq qomi' nlataqa, huo'otaq sa qomi' nlataqa, co'ollaq qomi' qanachilaxa'n, nachi so Espíritu Santo qomi' ÿauaxaÿaxana't da 'eeta'am naq'en da 'oonolec n'oquiaxac. Qaq 'enauac da shinaqta qomi' qanÿomaxanguilo so 'oonolec Espíritu.

La'aqtaqa Ñim Lo'onatac 'Enauacna 2013

¹³ Cha'aye qomi' huo'o na judío le'ec, qataq huo'o na saishet. Qataq huo'o na nlatacpi, qataq huo'o na huesochiguiñi. Qalaxaye 'enauac qomi' qanachelaxanguilo So Saqcha'a Na'añaxac Qui'itta, da yaqto' 'oonolec ca qara'amqaanataxanaxac qataq 'oonolec da qaro'ocỹaxac. Qaq ñi 'oonolec da shenaqta, Ñim Lo'onatac 'Enauacna ỹami' So Saqcha'a Na'añaxac Qui'itta.

1 Corintios 12:13 Referans Kwoze

Efesios 4:5

Onolec joñe'me Qadejaliaĝanec, nataq'aen onolec da'me qadepe'e ladic, chayovida'a da'me onolec da'me nachilaĝanataĝanaĝac.

Colosenses 3:11

Male qaya'te lajo'viyaĝac da'me am griego uotaĝa am judío, uotaĝa ta'le 'uo ga'me nichaĝajoĝonaĝac uotaĝa ta'le qaya, uotaĝa ta'le am yaqa'a le'ec uotaĝa viaĝa le'ec, uotaĝa ta'le am nelatac uotaĝa ja am 'te nelatac. Nach'eñeta ñe'me Cristo jo'ne yemata'a't yema nataq'aen ena'uaque uetauelo.

Gálatas 3:28

Chane'eja male ja p'ajaye da'me ami judiopi uotaĝa ja ami 'te judiopi, qom ami nelataqa uotaĝa uojotedañi, uotaĝa ami le'emdipi uotaĝa ami yauodipi, qa'a ena'uaque ami qoyapetenegueta ñe'me Cristo qama'le ena'uac nalo'ta't.

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

Romanos 3:29

Ñe'me Dios, ¿qo'li nach'edata Nedios jogaa'me judiopi? ¿Qo'li ja nach'e ena'am yema jena'me aleua laje'pi? Qa'ejo' nach'e ena'am jaĝa'te yema joga'me jiyaĝadipi.

Hechos 1:5

Yataqachiñe eja queda'me Juan dachilaĝanataĝanec ga'me noĝop; qalaĝaja ja cop'a qama'le ami qonachilaĝaneque joñe'me Dios Lepaqal jo'ne ja 'nalegue.

Juan 4:10

Jesús 'yateguet: —Ta'le auayaten ga'me jo'ne Dios am yanem nataq'aen jayem auayaten da'me am jiyaĝatapecot qaedi jayem aniyomaĝan, qama'le ga'me aviyaĝanaque qama'le am janem ga'me noĝop jo'ne nec'alaĝaiqui.

Lucas 3:16

Qalaĝaja Juan ena'uaque enapegalo jogaa'me: —Jayem, eja da'me male ami ñachilaĝañilo ga'me noĝop; qalaĝaja 'uo qom'te ñe'me jo'ne jayem napacalegue jo'ne yataqata p'ajaye nataq'aen ja jalo'oguet ta'le jejodegue gaa'me lapela'te leque'te. Nach'eñe ami nachilaĝaneque qom'te joñe'me Dios Lepaqal uotaĝa ga'me dole'.

Mateo 3:11

“Eja queda'me jayem male ami ñachilaĝañilo ga'me noĝop queda'me ami ñepoda'tape qaedi a'viyelaqaiyot joñe'me Dios; qalaĝaja ñe'me jo'ne novi' qomle jayem najoyalegue jo'ne jayem napacalegue, qama'le ja jalo'taguet da'me ch'e yechequetelegue ta'le jachi'y gaa'me lapela'te. Nach'eñe ami nachilaĝaneque qom'te joñe'me Dios Lepaqal nataq'aen ga'me dole'.

Efesios 5:26

qama'le qo'mi 'yaĝatema da'me 'laqataĝanaĝac qaedi male yataqata e'n qo'mi loqo'te nataq'aen da'me qo'mi e'n yoqovite' da'me qo'mi qonachilaĝa'n,

Juan 4:14

qalaĝaja joga'me jo'ne niyomigui ga'me noĝop jo'ne mach'e janegue, ja yitaĝa ta'le 'niyelaĝa ga'me noĝop lamaic. Qa'a joga'me noĝop jo'ne mach'e janegue ja yitaĝa em, qama'le ena'am ga'me ladic joga'me noĝop jo'ne nec'alaĝaiqui, chayovida'a ga'me jiyaĝaua taue da'me 'loyaĝac jo'ne ja 'naidena'a.

Juan 3:5

Jesús male 'yateguet: —Eja da'me am ja'aĝatem: joga'me jo'ne ja niyiñe q'aen ga'me noĝop nataq'aen ñe'me Dios Lepaqal ja yaqanatet ta'le taue da'me lejaliaĝa joñe'me Dios.

Juan 1:33

Jayem maliaĝa ja jayaten ca'li jach'e jogamaĝa eeta, qalaĝaja ñe'me jo'ne jayem yamaĝalegue da'me jachilaĝanataĝañgui jena'me noĝop joote jayem enapega: «Da'me dojo' 'uo qomle 'me auana, ñe'me jo'ne nenochi'ña ñe'me Yepaqal, nach'eñe joñe'me jo'ne dachilaĝanataĝañgui joñe'me Yepaqal.»

Colosenses 1:27

Nach'egaua jogaa'me jo'ne Dios jetaque yatetonaĝanaĝaneque joda'me p'ajaye lelnataĝac jo'ne jetaque ya'uo yemata'a't yema ga'me noyaqapi 'me uetedalegue jena'me aleua. Dojo' lelnataĝac jo'ne jetaque ya'uo nach'eda da'me lec'alaqataĝanaĝac ñe'me Cristo, joñe'me jo'ne ami uetauelo, nach'eñe jo'ne adeuataqataĝanaĝaqui 'me chiyaqayi da'me auacoñiyeguet qomle da'me mach'e at'onaĝaqui.

Efesios 3:6

Qama'le jena'me jenjo' 'lonataĝanaĝac ñe'me jo'ne yataqata ja qoyayaten ca'li, mach'e jenjo' jo'ne enaac: chiyaqayi da'me joote ye'et ca'li joñe'me Jesucristo, yema ga'me ja judiopi male yaqanate't ta'le yacoteguet jena'me nec'alaĝa, nataq'aen yacoteguet yema joga'me ca'li qo'yaĝatetac mach'e 'laqataqa ñe'me Qadet'a jo'ne yanouelo dia'me Israel laje', nataq'aen male onolec jena'me lec'oqo'tepi. Onolec da'me jauoqo da'me jaconaĝaguet jena'me jenjo' 'naqataĝanaĝac jo'ne onaĝaic.

Gálatas 3:23

Ca'li maliaĝa ja di'yoq da'me dojo', daa'me namaĝajoĝonaĝaco yataqachiñe ena'am jaga'me coñetaĝanaĝaiqui jo'ne jouaqatoue da'me qaya'te qadadiguegue, chayovida'a jauanaĝa queda'me jouenaqataque da'me jep'iyaqa ñe'me Jesucristo.

1 Corintios 10:2

Chane'eja, ena'uaque jogaa'me yoqoteteda'aguet di'me Moisés qa'a ena'am ta'le chiyaqayi ga'me piyem lo'oc nataq'aen ga'me noĝop let'a da'me qonachilaĝa'n.

Juan 6:63

Ñe'me Dios Lepaqal nach'eñe jo'ne ya'uo da'me nec'alaĝa, qama'le ja ena'am da'me jo'ne ch'e anejiyaĝauayaĝaqui 'me qaya'te 'noota ta'le chiyaqayi. Qama'le ami janema da'me dojo' 'yaqatac qaedi ñe'me Dios Lepaqal ya'uo da'me adec'alaĝaqui.

Efesios 6:8

Qa'a joote auayachiñe queda'me yema gaa'me lalemaĝaje'te jo'ne yataqata yiyamaĝatetedac ga'me 'lonata'j, ñe'me Qadet'a ya'uo qomle da'me nejetenague'j.

Romanos 4:11

Qama'le ca'li yoĝo'yi da'me yaconeguet ga'me 'nanaĝajet ñe'me Abraham, ena'am ta'le 'nanec uotaĝa ena'am ta'le qo'yamelegue da'me joote Dios yateton da'me yataqatelegue nataq'aen chimaqachiñe qa'a chiyaqayi da'me lepe'e. Nach'eda naq'aeta da'me Abraham chiyoqotelegue da'me male let'a't ena'uaque jogaa'me jo'ne 'uo da'me lepe'e', mate mane'e ja yacoteguet da'me 'nanaĝajet; qama'le naq'aeta da'me Dios nach'e ena'am yatetonegueta da'me yataqatelo'te q'ae'n jogaa'me.

Juan 1:16

Chane'eja da'me chiyaqayi da'me mach'e leyalaqataĝanaĝac let'adaic, male ena'uaque da'me qo'mi joote jaconaĝaguet da'me qanichoĝodenataguec jo'ne dalaĝaic 'me napacalegue da'me jo'ne 'uaechiñe.

Romanos 3:22

Chiyaqayi da'me jep'iyaqa ñe'me Jesucristo, Dios e'n yataqatelo'te ena'uaque jogaa'me p'iida'a. Chane'eja qaya'te yaguegue, uotaĝa judiopi uotaĝa ja judiopi.