1 Corintios 12:10 - Nuevo Testamento Toba Sombrero Negro

¹⁰ Uo'oe ga'me jo'ne qoyanema da'me lañoqotaĝanaĝa'j qaedi yauote da'me lec'alaqataĝanaĝa'j; laqaya' qoyanema da'me lañoqotaĝanaĝa'j qaedi dapaĝaguenataĝatec da'me 'laqataĝanaĝac ñe'me Dios; uo'oe gaa'me qoyanema da'me lañoqotaĝanaĝa'j qaedi yateto'n jach'e jogamaĝa chiyoĝogue ga'me nepaqa'li 'me ja no'en nataq'aen jach'e jogamaĝa chiyoĝogue ñe'me Dios Lepaqal; uo'oe gaa'me qoyanema da'me lañoqotaĝanaĝa'j qaedi yadenaĝa't gaa'me 'naqataqa laqaya', nataq'aen laqaya' qoyanema da'me lañoqotaĝanaĝa'j qaedi doqotenaĝatec gaa'me 'naqataqa laqaya' jo'ne qonenaĝatedegue.

Nuevo Testamento Toba Sur

¹⁰ Qataq huo'o na ÿanem da ishit da i'ot na n'añaxacpi mayi sa qaÿauanapega, qataq huo'o na ÿanem da i'axa't naua l'aqtaqa ñimayi. Qataq huo'o na ÿanem da ishit da ÿauatton nam saq cha'api da huo'otaq chochi tenataxanaxaic, huo'otaq nachiso so Espíritu Santo. Qataq huo'o na ÿanem da detaxaiguilo naua n'aqtaqa sa qaÿauangalo. Qataq huo'o na ÿanem da ÿaÿaten da i'axat ca naigui ne'enaua n'aqtaqa.

La'aqtaqa Ñim Lo'onatac 'Enauacna 2013

¹⁰ Qataq huo'o na ỹanem da na'añaxac da ỹo'ot na sa qaỹauanapega, qataq huo'o na ỹanem da ỹa'axa't naua na'aqtaqa maye chegoqo'oto Ñim Lo'onatac 'Enauacna. Qataq huo'o na ỹanem da ỹauatton nam saq cha'api da huo'otaq choche tenataxanaxaic da nachaxan, huo'otaq nacheso So Saqcha'a Na'añaxac Qui'itta. Qataq huo'o na ỹanem da detaxaiguilo naua na'aqtaqa maye sa qaỹaỹate'n. Qataq huo'o na ỹanem da ỹaỹaten da ỹa'axa't ca naiguilo ne'enaua na'aqtaqa.

1 Corintios 12:10 Referans Kwoze

1 Corintios 14:39

Chane'eja ami yaqaya'olqa, 'noota qom 'uo da'me adepagaĝaqui ta'le a'uaĝachetac da'me 'laqatac ñe'me Dios, nataq'aen ena'te auelaĝachitapeguem ga'me jo'ne jetaque yadenaĝa't naa'me 'naqataqa laqaya',

1 Juan 4:1

Ami yaqaya'olqa, ena'te anaqapaĝañiyegueta gaa'me jo'ne ami yapaĝague'n, dite da'me cha'li auapiyeñi jogaa'me, qom eja chiyoqodayi joñe'me Dios. Qa'a uo'oe gaa'me qayoĝode' jo'ne ueda'a jena'me aleua, jo'ne qovinaĝanaĝaiquipi jo'ne enapega'ajalo 'yaĝatetedac joñe'me Dios.

Marcos 16:17

Nataq'aen naajo' nañoqotaĝanaĝaco ami naequetapegue'to nataq'aen yema gaa'me jo'ne p'iida'a, qaedi ami lecochigueta: queda'me yenaĝat auamaqayigui jogaa'me payagodipi lepaqa'li; auadenaĝachi' da'me dalaĝayaqa 'naqataqa;

Gálatas 3:5

Dios joote ami yanema ñe'me Lepaqal nataq'aen ami yaloĝonalo da'me lañoqotaĝanaĝac qa'a chiyaqayi da'me auacoñiyeguet da'me nep'iquinataĝanaĝac jo'ne onaĝaic 'naqataĝanaĝac; ja chiyaqayi da'me oqui'teguelo daa'me namaĝajoĝonaĝaco.

Marcos 16:20

Jogaa'me lapaĝaguenataqa male eque' ca'li qaedi 'yaĝatetedac da'me 'naqataĝanaĝac jo'ne onaĝaic yema joga'me jiyaĝadipi; nataq'aen joñe'me Jaliaĝanec lecochiyalo jogaa'me, nataq'aen yauo'oe jodaa'me nañoqotaĝanaĝaco jo'ne p'ajodaye, jo'ne yotaua'n da'me 'naqataĝanaĝac.

Apocalipsis 2:2

Joote jayaten yema da'me auauoyi, nataq'aen jayaten da'me 'uo da'me laqalaic da'me jo'ne at'onataĝanaĝaqui, choqoda'me nach'e eta't da'me ja aĝañiñi, nach'e ena'am jayaten da'me ja auaqanachichi ta'le anapogaĝadeñiyegueta jogaa'me jiyaĝa'u jo'ne ja 'noe'n, qama'le nach'e ena'am jayaten da'me analoqochiñe nale jogaa'me jo'ne eetapela'ajalo Dios lamaĝa's qalaĝaja ja naqaegaua, qama'le auanomiya'a da'me nach'egaua jo'ne pecayaqa.

1 Ts 5:20

qama'le ena'te a'uotañi joga'me 'laqataĝanaĝa'j jogaa'me 'laqataĝanaĝanaqa ñe'me Dios.

1 Corintios 13:8

Da'me noqopich'i qaya'te loiquiaqa'; nach'e ena'am da'me uo'oe daa'me 'laqataĝanaĝaco ñe'me Dios, qalaĝaja yovita nale ga'me nolo' da'me male yenoĝodegue jogaa'me. Nach'e ena'am da'me uo'oe gaa'me 'naqataqa laqaya' 'me yoda'alo, qalaĝaja yovita ga'me nolo' nale ja yitaĝa qodomachiyalo. Nach'e ena'am 'uo da'me nayatenaĝanaĝac, qalaĝaja yovita da'me pal qomle.

Romanos 15:19

Qoyen uaĝayet da'me 'lañaĝac ga'me 'nanaqapi, nataq'aen gaa'me di'yo't nañoqotaĝanaĝaco, nataq'aen da'me 'lañaĝac ñe'me Dios Lepaqal. Chane'eja jachiyoqochi'ña di'me Jerusalén nataq'aen ga'me qoyode'talo noyaqapi chayovida'a Iliria. Yataqachiñe yemet'a't da'me japaĝaguenataĝanec da'me onaĝaic 'laqataĝanaĝac ñe'me Cristo.

Romanos 12:6

Qa'a da'me lichoĝodenataĝanaĝac ñe'me Dios mach'e chiyoqochigui da'me qo'mi qoyanema yodapecache q'aen ga'me qanemeyaĝac, naq'aeta ga'me jo'ne ñe'me naloqotenaĝa'teguet onolqa'tape. Chane'eja qom Dios qo'mi yanema da'me qo'mi 'laqataĝanaĝanaqa qama'le ja'aĝataqatac qom naq'aeta da'me qadepe'e jo'ne qo'mi uetauelo.

Hechos 19:6

Qama'le ca'li Pablo yachalo'te naa'me loua' jogaa'me, nach'e ena'ama novida'ñalo ñe'me Dios Lepaqal, qama'le nenaĝatedegue gaa'me 'naqataqa laqaya', nataq'aen 'yaĝa'tape gaa'me chiyoqodijeguem 'me Dios 'laqataqa.

Hechos 11:28

Qama'le 'uo ga'me lenaĝat Ágabo, nechachiñe ca'li, nataq'aen da'me yojaĝanaĝan ñe'me Dios Lepaqal, 'yaĝatetac da'me 'uo qomle ga'me noqouaĝa yema jena'me aleua, nach'eda yepaque'tegue ca'li gaa'me noloqo'ote da'me lejaliaĝa ñe'me Claudio.

Hechos 5:3

Pedro enaac: —Ananías, ¿toqoch'e auajeta ta'le Satanás am nomat nataq'aen am 'yetec da'me auoqovin ñe'me Dios Lepaqal jo'ne ja 'nalegue, da'me auen colaĝaye jaga'me lajo'vi ga'me a'naleua?

Hechos 1:8

Qalaĝaja, qom ñe'me Dios Lepaqal ami neda'ñalo, qama'le auacoñiyeguet qomle da'me adañoqotaĝanaĝaqui, nataq'aen jayem a'uaĝachetac, a'uaqataĝañetapema ga'me Jerusalén laje'pi, nataq'aen ena'uaque gaa'me neda'ña di'me Judea nataq'aen di'me Samaria, chayovida'alo gaa'me lael jena'me aleua jo'ne yataqachiñe qayada'aguelo.

Juan 16:13

Qalaĝaja qom novi' ñe'me Dios Lepaqal jo'ne yataqatelegue, nach'eñe jo'ne ami yauegouelo yema naa'me naajo' jo'ne ejoda, qa'a ja 'yaĝatetac da'me mach'e 'naĝatetapela't, dite da'me 'yaĝatetac yema ga'me jo'ne domachiya, nataq'aen ami yayatenaĝanaĝaneque gaa'me uo'oe jo'ne di'yo't qomle.

Juan 14:12

Eja da'me ami ja'aĝatema: ga'me jo'ne jayem p'iya'a nach'e ena'am yauo'oe naa'me 'nonataqa jo'ne joote jauo'oe, nataq'aen yitaĝa yauo'oe qomle gaa'me 'nonataqa laqaya' jo'ne yataqachiñe let'adayaqa, yajouaĝat da'me male jec'ata di'me neta'ña joñe'me Taĝadena'.

Lucas 24:49

Qama'le ami ñamaĝa'ñalo qomle ga'me jo'ne joote jayem 'yaĝatem ñe'me Taĝadena'. Qalaĝaja, ami cha'li ovi'ta jena'me jenjo' Jerusalén, chayovida'a auacoñiyeguet da'me nañoqotaĝanaĝac jo'ne chiyoĝogue di'me piyem.

Hebreos 2:4

Joñe'me Dios nach'e ena'am yauo'oe gaa'me 'lanaqa jo'ne qo'mi naloĝolo'te, gaa'me 'lanaqa onaĝayaqa choqoda'me ye't daa'me ja di'yo't nach'e ena'am da'me jalcote ja qoyauanalo, qama'le ñe'me Dios Lepaqal male qo'mi yanema gaa'me nañoqotaĝanaĝaco jo'ne yodapecache, qa'a nach'e naq'aeta da'me dojo' jo'ne mach'e 'lamaqatenataĝanaĝac joñe'me.

Hechos 11:27

Jaa'me jaajo' noloqo'ote, uo'oe gaa'me Dios 'laqataĝanaĝanaqa jo'ne chiyoqoda'ña di'me Jerusalén da'me yec'adeta di'me Antioquía.

1 Corintios 11:4

Nataq'aen gamachaqaega jiyaĝaua ya'uo laqailapo' qom netametac uotaĝa qom dapaĝaguenataĝatac, joga'me male ja 'nonaĝachigui ñe'me laqaic jo'ne Cristo.

1 Corintios 14:13

Chane'eja ga'me jo'ne yadenaĝa't gaa'me 'naqataqa laqaya', 'noota ta'le nachoĝodenot ñe'me Dios qaedi nach'e ena'am yanem da'me nañoqotaĝanaĝac jo'ne yechoĝo't gaa'me yelo'tegueta gaa'me 'naqataqa laqaya'.