1 Corintios 10:6 - Nuevo Testamento Toba Sombrero Negro

⁶ Naajo' uo'oe jo'ne 'nonataqa joca'li nach'enaua ena'am ta'le 'nanaqa jo'ne qo'mi yapaĝague'n, qaedi ja jepitaqa'a ga'me ja no'en, naq'aeta gaa'me joca'li.

Nuevo Testamento Toba Sur

⁶ Qaq 'enauac de'eda huaigui somayipi nachida da qanapaxaguenataguec, da yaqto' sa ishit da soqopitaqa'a ca sa ÿaÿamaxañi, 'eeta'am da 'eetec somayipi.

La'aqtaqa Ñim Lo'onatac 'Enauacna 2013

⁶ Qaq 'enauac de'era huaigui somayepi nachera da qanapaxaguenataguec, da yaqto' saishet da seqopitaqa'a ca sa ỹaỹamaxañi, 'eeta'am da 'eetec somayepi.

1 Corintios 10:6 Referans Kwoze

Judas 1:7

Nataq'aen anetoviñetac di'me noic jo'ne Sodoma nataq'aen di'me Gomorra choqogaa'me noyaqa laqaya' jo'ne leje'gue joca'li. Ena'ama jaajo' piyem laje', nach'egaua gaa'me noyaqa male qoye'n naloqotenaĝanaĝaiqui, yajouaĝat da'me nemedoue da'me nequejeguetaĝa, queda'me najetedoue daa'me namaĝanaĝaco jo'ne ja yauaqa'aguet da'me jo'ne mach'e 'loyaĝa'j qoyen. Chane'eja ñe'me Dios ye'uaĝa'n jogaa'me, qama'le male uetedoue da'me lachoĝode'j jo'ne dole' 'me qaya'te loiquiaqa'.

1 Corintios 10:11

Naajo' 'nonataqa jo'ne di'yoĝoma dia'me jachiyojoĝogueta 'me qadapidi nach'enaua ena'am ta'le ch'e 'nanaqa, nataq'aen joote qoyedidiñe ena'am ta'le qo'mi qoyapetena'ata, qo'mi jo'ne jouaqatouelo naajo' p'atedegue noloqo'ote.

Hebreos 4:11

Chane'eja da'me qo'mi, 'noota qom 'ñañaĝataq qaedi jañoĝotaq da'me jenoĝonaĝauo'o da'me 'nomataĝaiqui joñe'me Dios, qaedi qaya'te ta'le onolec jo'ne ja yenoĝoneuo'o yajouaĝat da'me que'teguelo jogaa'me jo'ne ja p'iida'a joñe'me Dios.

2 Pedro 2:6

Ñe'me Dios nach'e ena'am ya'uo da'me en lachoĝode'j ga'me laje'pi gaa'me noyaqa jo'ne Sodoma choqodi'me Gomorra, qama'le yolaĝachiguilo, yigouelo chayovida'a en yejamaq ga'me jalo, qaedi nach'ega 'me qoyen naloqotenaĝanaĝaiqui jo'ne di'yoĝoma qoyen jogaa'me loeco lo'ol, qaedi yayate'n jach'e ga'me eeta ga'me mach'e ne'uaĝanague'j jo' qomle.

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

Romanos 5:14

Qalaĝaja chiyoqotelegue ca'li gaa'me noloqo'ote da'me 'uo di'me Adán chayovida'a ca'li 'uo di'me Moisés, da'me dojo' neleuaĝa nejaliaĝatelo'te gaa'me jo'ne tauelo gaa'me loeco, mate mane'e da'me loe'j jogaa'me ja naqaeda da'me ta'le chiyoĝotayi da'me yenoĝon ga'me onolec namaĝajoĝonaĝac, naq'aeta ga'me ya'uo ca'li di'me Adán, jo'ne nach'edi lequi'i ñe'me na'ya quena.

Hebreos 9:24

Qa'a ñe'me Cristo ja taue ga'me tamenaĝaiqui jo'ne 'lonata'j jogaa'me jiyaĝa'u, ga'me jo'ne ch'e lequi'i ga'me tamenaĝaiqui jo'ne yataqatelegue, dite da'me yec'adije'ma di'me piyem, nach'edi di'me jo'ne ua'ague nayi, da'me male dajoya'aguet joñe'me Dios qaedi qo'mi nachoĝodetapelo'te.