1 Corintios 10:11 - Nuevo Testamento Toba Sombrero Negro

¹¹ Naajo' 'nonataqa jo'ne di'yoĝoma dia'me jachiyojoĝogueta 'me qadapidi nach'enaua ena'am ta'le ch'e 'nanaqa, nataq'aen joote qoyedidiñe ena'am ta'le qo'mi qoyapetena'ata, qo'mi jo'ne jouaqatouelo naajo' p'atedegue noloqo'ote.

Nuevo Testamento Toba Sur

¹¹ Qaq 'enauac de'eda huaigui som hua'au qadta'alpi, damayi qoÿiyiñi da naloqnaxanaxat da qaÿauotaique qomi' qaÿaqatalo nagui da souaqtaiguilo naua pa'atreec na'axa'te.

La'aqtaqa Ñim Lo'onatac 'Enauacna 2013

¹¹ Qaq 'enauac de'era huaigui som hua'au qarta'alpi, damaye qoỹiyiñi da naloqnaxanaxat da qaỹauotaique qomi' qaiqatalo nagui da souaqtaiguilo naua pa'atre'c na'axa'te.

1 Corintios 10:11 Referans Kwoze

Romanos 15:4

Qa'a ena'uaque gaa'me qoyediñe joca'li gaa'me noloqo'ote 'me joote yenoĝodegue, qoyedidiñe qaedi qo'mi yapaĝague'n, qaedi chiyaqayilo jogaa'me male qanañaĝaden nataq'aen da'me qo'mi qoloyaĝanate't qaedi 'uo da'me qadeuataqataĝanaĝac.

Romanos 13:11

Male jouaqatauelo naa'me noloqo'ote jo'ne p'atedegue, qalaĝaja da'me ami ena'am ta'le maliaĝa a'uochetac, qalaĝaja nayi 'noota ta'le aneloyiye, qa'a male qoyoqo'ta ga'me nolo' qomle joñe'me Dios male qo'mi nec'alaĝatedegue, ja ena'am ca'li yemta jep'iyaqa joñe'me Jesús.

1 Juan 2:18

Ami yalaqapi, male yovideta gaa'me noloqo'ote jo'ne p'atedegue, nataq'aen joote auomachiiya queda'me 'uo ga'me na'taquena jo'ne nautena joñe'me Cristo. Qama'le nayi uo'oe gaa'me qayoĝode' jo'ne nautetedapega joñe'me Cristo: qo'che' jayatenaq queda'me male yovideta gaa'me noloqo'ote jo'ne p'atedegue.

1 Corintios 9:10

dite da'me naqaqo'mi uenate'talo. Tade'to' qoyediñe da'me namaĝajoĝonaĝac joca'li qa'a jouaĝat qo'mi. Chane'eja ga'me jo'ne yolaĝat jena'me aleua, 'noota ta'le 'uo da'me leuataqataĝanaĝac da'me ua'ajop lae ga'me chiyaqayi da'me 'lonataĝanaĝac, nach'e naq'aeta ga'me yiyota'a ga'me trigo lo'oc, 'noota ta'le nach'e ena'am 'uo da'me leuataqataĝanaĝac.

Filipenses 4:5

'Noota qom ami qoyayate'n nale da'me yataqata ami choĝodenataĝanaĝayaqa, qa'a joñe'me Qadejaliaĝanec 'niyelaq jo' qomle.

Romanos 4:23

Qama'le da'me dojo' jo'ne Dios yatetoneguet, ja nach'edita di'me Abraham da'me qoyediñe;

Hebreos 10:25

Ena'te jaĝanajoĝoye da'me qadema'a't, qaedi ja jenaqa'ama gaa'me jo'ne joote yaĝadegue, dite da'me 'noota qom onolqa'tape 'yañaqate't gaa'me laqaya'; yataqata jauoqo da'me dojo' qom jauanaĝa da'me male qo'mi nadi'talo ga'me nolo' da'me 'niyelaq joñe'me Qadejaliaĝanec.

Hebreos 10:37

Qa'a da'me qoyediñe jo'ne Dios 'laqatac eet'oi: “Ja uayaloĝoguet da'me male novi' joñe'me jo'ne jetaque naequena. ¡Ja nayaloĝodela't!

1 Corintios 7:29

Ami yaqaya'olqa, ami jayataĝadeneque: ja cop'a qomle novideda'aquena gaa'me p'atedegue noloqo'ote. Chane'eja gaa'me jo'ne ja jamaĝayaqa, yataqachiñe 'noota ta'le yacoteguet da'me ena'am ga'me jamaĝaic.

Mateo 13:39

nataq'aen ñe'me nauteua jo'ne yaañi jaga'me cizaña nach'eñe payac. Ga'me naqataĝanaĝac nach'ega loiquiaqa' jena'me aleua nataq'aen jogaa'me datoĝo'n da'me qonaqat jala ga'me nanec nach'egaua piyem laje'.

Mateo 13:40

Nach'e naq'aeta qomle jaga'me cizaña qolapona't qaedi qoyigoue, qama'le naq'aeta qomle da'me loiquiaqa'yaĝac jena'me aleua.

Romanos 13:12

Joote qo'mi nedalo'te da'me pi'yaq, yamta'le da'me nete'. Chane'eja jaĝanaĝadiñi gaa'me 'lonataqa da'me 'lalaĝa, qama'le janaĝaiñe da'me yoqochiñe, ena'am ga'me coico le'ec yaqataĝata't nale 'uo ga'me nalada't.

1 Corintios 10:6

Naajo' uo'oe jo'ne 'nonataqa joca'li nach'enaua ena'am ta'le 'nanaqa jo'ne qo'mi yapaĝague'n, qaedi ja jepitaqa'a ga'me ja no'en, naq'aeta gaa'me joca'li.

Gálatas 4:24

Naajo' dojolqa uo'oe joca'li qo'mi lecochiyalo ta'le jenaq qadec'atenaqa, qa'a gaa'me dojole yauo' laloĝoqui' qoye'n gaa'me dojolqa yamaĝataĝac. Agar laloĝoqui qoyen ga'me yamaĝataĝac 'me qoyanegue chiyaqa'ña di'me qajoĝonaĝa lenaĝat Sinaí, chane'eja ena'uaque gaa'me c'oqo'tepi uetedaue da'me nelataqapi da'me niyidiñe.