1 Corintios 1:27 - Nuevo Testamento Toba Sombrero Negro

²⁷ Qalaĝaja, Dios 'yatetelo'te gaa'me jo'ne jenjo' aleua qo'enapegalo chiyoĝo's qaedi qoya'uo lepocoĝo'j jogaa'me yatenaĝanaĝayaqa nach'e naq'aeta Dios 'yatetelo'te gaa'me jo'ne jena'me aleua qo'enapegalo choĝolaĝayaqa qaedi qoya'uo lepocoĝo'j jogaa'me ñoqotaĝanaĝayaqa.

Nuevo Testamento Toba Sur

²⁷ Chaqdata da ñi Dios lca'aguishic nam qaÿamata'ac da qaica ca ÿaÿajnapec, cha'ayi nshitaique da i'aloqchit na ÿajnaxanaxaicpi. Qataq lca'aguishic na qaÿamata'ac da saqca ca l'añaxac, cha'ayi nshitaique da 'aloxogui lauel naq'en na 'añaxaicpi.

La'aqtaqa Ñim Lo'onatac 'Enauacna 2013

²⁷ Na'aictaxa da na shiỹaxauapi maye huetalec ana 'alhua, 'eetega da qaica ca qauaỹaañiỹapec qataq qaica ca qami' naiguilo, qalaxaye Ñim Lo'onatac 'Enauacna maiche qami' lca'agui'she, da yaqto' na 'eetega da ỹaanaxanaxaicpi, maiche nauattoola't da qaica ca ỹaỹaanapec.

1 Corintios 1:27 Referans Kwoze

Santiago 2:5

Ami yaqaya'olqa jo'ne ñauotaĝa'u, anaquiaĝañiya da'me dojo': Dios en liquiyac ga'me jiyaĝaua jo'ne qaya'te leuoyaĝac, qama'le en neuoyac da'me nepe'e, qama'le nach'e ena'am da'me en yaconeguet da'me jo'ne mach'e en loĝot jo'ne nejaliaĝa, da'me jo'ne joote 'yaĝatema gaa'me jo'ne eja da'me yataqachiñe noqopideta joñe'me.

Mateo 11:25

Jo'me jojo' nolo', Jesús enaac: —Nayi am 'ñonaĝachigui, am Taĝadena', Lejaliaĝanec di'me piyem nataq'aen jena'me aleua, qa'a auoĝochi'ñejopa jogaa'me yatenaĝanaĝayaqa nataq'aen tadenataĝanaĝayaqa naa'me naajo' uo'oe, qama'le aualoĝonalo joga'tae'me 'najodolqa.

1 Corintios 1:20

Chane'eja, ¿Jach'e jogamaĝa yiyamaĝade'n jogaa'me jo'ne quetedapegue' da'me layatenaĝanaĝac jena'me aleua, jogaa'me yatenaĝanaĝayaqa, joga'me judiopi napaĝaguenoqo'tpi nataq'aen jogaa'me jo'ne yayate'n da'me necoyatapega't nale? ¡Yataqachiñe eja Dios yaloĝonalo queda'me layatenaĝanaĝac jena'me aleua mach'e chiyoĝojoĝoc!

Lucas 21:15

qa'a naqayem jo'ne ami janema qomle ga'me at'aqataqadi' jo'ne ami najaqachiguilo da'me adayatenaĝanaĝaqui, qama'le qaya'te gamachaqaega gaa'me ami nautenalo yaqanatet ta'le napogaĝadeneguet uotaĝa yaqanatet ta'le nautenaĝaneguet ga'me 'laqatac.

2 Corintios 4:7

Ca'li Dios qo'mi yanema da'me onaĝaic 'naqataĝanaĝac, nach'eda neuoyaĝac onaĝaic jo'ne uetaue da'me qat'oyaĝac, jenaqa'am jaga'me taĝaiqui 'me ch'e aleua, qaedi yaloĝon da'me dojo' nañoqotaĝanaĝac jo'ne chiyaqayi ñe'me Dios, qama'le ja naqaqo'mi ta'le mach'e chiyaqayilo queda'me ja qo'mi 'te t'añi'y.

Mateo 21:16

Chane'eja eedapega ñe'me Jesús, enapega't: —¿Qo'li auomachiyalo naa'me 'laqataqa naa'me naajo'? Jesús 'yategueta: —Jaja'a, jomachiyalo. Qalaĝaja, ¿qo'li ja auec'achiñe daa'me nedii's jo'ne 'yaĝatetedac da'me dojo'? Eet'oi: «Joote jiyamaĝateta'ajalo gaa'me nalaco qaedi am 'nonaĝachidegue ga'tae'me ñoqolqapi nataq'aen ga'tae'me maliaĝa uanoque'tape.»

2 Corintios 10:10

Uo'oe gaa'me enapega't ja damitelo'te gaa'me yediijel nataq'aen vichaĝagueta, qalaĝaja qaya'te 'yañaĝac nale yataqachiñe ja'aqataĝatac, nataq'aen ja yataqachiñe jayaten da'me yojaĝac, ja jayem 'te yoqoch'em gamachaqaega.

Mateo 9:9

Jesús ec, ca'e ga'me ue'ta, qama'le yauana ñe'me jiyaĝaua lenaĝat Mateo, netaue ga'me nejetenaĝaiqui ñe'me jaliaĝanec jo'ne Roma le'ec. Jesús enaac: —Jayem oquegue. Chane'eja Mateo ñijeguem qama'le equegue.

Hechos 17:18

Nach'e ena'am uo'oe gaa'me yatenaĝanaĝayaqa jo'ne epicureopi choqogaa'me estoicopi, paja'a necotedapegue' ñe'me. Uo'oe gaa'me enapega't: —¿Jach'e ga'me 'yaĝatetac dojo' jaĝaic? Nataq'aen laqaya' enapega't: —Ena'am ta'le aqataĝanaĝaic gaa'me qop'iyapegalo jo'ne chiyoqodayi. Naq'aeta da'me 'laqata'j qa'a Pablo 'yaĝatetac da'me onaĝaic 'naqataĝanaĝac 'me 'yaĝatetac ñe'me Jesús nataq'aen queda'me 'niyelaĝajeguem ca'li.

Hechos 7:54

Ca'li domachiyalo naa'me naajo', qama'le de'uoya'ape nataq'aen yejeda'ajalo naa'me lodaitel da'me yauaĝadelegue ñe'me Esteban.

Hechos 7:35

“Mate mane'e jogaa'me ja yacoteguet ñe'me Moisés nataq'aen eedapega ca'li: «¿Jach'e ga'me en am qadejaliaĝanec nataq'aen qanec'atenoqo't?», Dios yamaq ca'li ena'am ga'me jaliaĝanec nataq'aen dec'alaqataĝanac, nach'eñe ñe'me piyem le'ec ca'li naloĝoneguet ena'am ta'le yavic jaga'me yaĝat.

1 Corintios 1:21

Dios yauanalo ga'me aleua laje'pi queda'me ja yacota da'me mach'e layatenaĝanaĝa'j qaedi yateto'n joñe'me, chane'eja ñe'me jetaque t'onataĝana da'me qat'aqataĝanaĝac jo'ne ena'am ta'le chiyoĝojoĝoc qaedi nec'aledegue gaa'me jo'ne p'iida'a.

1 Corintios 2:12

Qo'mi qamqa'me joote jayatenaq ga'me jo'ne Dios qo'mi yanema, qa'a ñe'me Lepaqal jo'ne joote jaconaĝaguet ja chiyaqa'ña jena'me jenjo' aleua dite da'me chiyoqo'ot joñe'me Dios.