1 Corintios 1:23 - Nuevo Testamento Toba Sombrero Negro

²³ qalaĝaja qo'mi ja'aĝataqatac queda'me Cristo yeleu ca'li qoyep'elegue jaga'me sodoso, chane'eja ena'am ta'le nepocoĝoc ga'me judiopi, nataq'aen ga'me jo'ne ja judiopi eetedapega qo'mi chiyoĝo's.

Nuevo Testamento Toba Sur

²³ Qalaxayi qomi' sa'axataqtac da n'aqtaguec so Cristo co'ollaq qaiuaxaneuo. Na judío l'ecpi da hua'axaÿa de'eda n'aqtaxanaxac, nachi ÿataqta da'aguelec. Qaq nam saq judío l'ecpi da hua'axaÿa, nachi 'eeta'am naq'en da chochi 'oopashic.

La'aqtaqa Ñim Lo'onatac 'Enauacna 2013

²³ Qalaxaye qomi' sa'axataqtac da na'aqtaguec So Cristo co'ollaq qaiuaxaneuo. Na judiopi da hua'axaỹa de'era na'aqtaxanaxac, nache ỹataqta inogoqchet. Qaq nam saq judiopi da hua'axaỹa, nache 'eeta'am naqa'en da choche 'oopashec.

1 Corintios 1:23 Referans Kwoze

1 Corintios 2:14

Qalaĝaja ga'me jiyaĝaua jo'ne ja ue'tajop ñe'me Lepaqal joñe'me Dios ja yaqanatet ta'le 'youategueta gaa'me uo'oe jo'ne chiyoqo'oto joñe'me, qa'a ga'me en lelnataĝac queda'me ch'e chiyoĝojoĝoc, ja yaqanatet ta'le yayaten da'me yataqachiñe lajoĝoc da'me dojo', qa'a ga'me ch'e jiyaĝaua ja yaqanatet ta'le naloqoten ga'me jo'ne chiyaqayi ñe'me Dios Lepaqal qom ja naqaeñe uetaue ga'me.

1 Pedro 2:8

Qama'le nach'e ena'am jenjo' 'naqatac laqaya eet'oi: “Nach'ena na'me qa' jo'ne en dapolegaĝa'n ga'me jiyaĝadipi, Na'me qa' jo'ne en 'naqadiñe jogaa'me.” Qa'a jogaa'me dapolegaĝa'n yajouaĝat da'me ja yoqochideta na'me 'naqataĝanaĝac. Qama'le nach'eda da'me jo'ne chiyaqayi da'me ne'uaĝanague'j.

1 Corintios 2:2

Qa'a ca'li ami jouetauelo, da'me mach'e yelnataĝac jetaque onolec ga'me ami japaĝagueneque: joda'me 'naqataĝanaĝac 'me 'yaĝatetac queda'me Jesús mach'e Dios Liquiyac, qalaĝaja nach'ena yeleu ca'li netaye jaga'me sodoso.

Gálatas 5:11

Ami yaqaya'olqa, ta'le japaĝaguenataĝatapec da'me auoviñetaque da'me auacoñiyeguet da'me nichaĝajoĝonaĝac, qama'le gaa'me yaute'upi male ja jayem 'te yecaatedac nataq'aen da'me yapaĝaguenataĝanaĝac jo'ne 'yaĝatetac da'me leleuaĝa ñe'me Cristo male ja yalemataĝanaĝa'n jogaa'me.

1 Corintios 1:18

Ga'me jo'ne qoyapalaĝa't qom'te eetedapega ch'e chiyoĝojoĝoc da'me leleuaĝa ñe'me Cristo ca'li qoyep'elegue jaga'me sodoso, qalaĝaja qo'mi jo'ne qadec'alegue qomle jayatenaq queda'me jenjo' 'naqataĝanaĝac mach'e lañoqotaĝanaĝac joñe'me Dios.

Lucas 2:34

Chane'eja Simeón nach'e ena'am netamelo'te jogaa'me, qama'le t'aqataĝanem jañe'me María, jo'ne lat'e ñe'me Jesús: —Cha'apega, jenjo' notolec qoyajoĝo'tague qaedi gaa'me Israel laje' uo'oe gaa'me 'uaĝadiñe nataq'aen uo'oe gaa'me ñidijeguem. Nach'eñe 'nanec, qalaĝaja uo'oe qayoĝode' jo'ne 'yota'n.

Gálatas 6:14

Jayem qamqa'me nach'edata 'uo da'me ñi'yoĝodenaĝac da'me jaconeguet da'me jo'ne chiyaqayi da'me leleuaĝa ñe'me Qadejaliaĝanec Jesucristo. Qa'a jouaĝat da'me leleuaĝa ñe'me, male ja jen 'te p'ajaye ga'me jo'ne jenjo' aleua 'me ja no'en jayem yachalegue. Ena'am da'me jenjo' aleua joote jeleualegue.

Mateo 13:57

Qama'le ja 'yamaqate'n ta'le yoqochideta joñe'me. Qalaĝaja Jesús enapegalo jogaa'me, enaac: —Ena'uaque gaa'me Dios 'laqataĝanaĝanaqa yataqata qo'nonaĝachidegue nale, qalaĝaja gaa'me mach'e 'lachaqa't laje'pi nataq'aen ga'me mach'e laqaya' ja 'yamaqate'n joñe'me.

Mateo 11:6

Qama'le ¡made'tapolqa gaa'me jo'ne nach'e eta't jayem p'iida'a!

Efesios 3:8

Da'me jayem, ena'am ta'le jayem jaqayi, ja jalo'ogueta gaa'me Dios lec'oqo'tepi laqaya', qalaĝaja Dios yataqata jayem nichoĝodichi'ña, qaedi male ja'aĝatema jena'me jenjo' 'laqatac jo'ne yataqata onaĝaic jogaa'me ja judiopi, ja'aĝa'tape yema jogaa'me Jesucristo lichoĝodenataĝanaĝaco jo'ne yataqata alidaq.

Gálatas 3:1

Ami Galacia laje', ¡yataqachiñe ja ami 'te damite' qaedi maqachaĝa auetadenataĝañi! ¿Jach'e jogamaĝa ami yeda'n? Naqayem joote ami janema ga'me yoqotenaĝanaĝac jo'ne yataqachiñe di'yoqo'tegue, ga'me eeta da'me leleuaĝa ñe'me Jesucristo ca'li qoyep'elegue jaga'me sodoso.

2 Corintios 4:5

Nale japaĝaguenataĝanaq ja mach'e qo'mi ñapaĝaguenaqatapela't. Ja naq'aeta, dite da'me ja'aĝataqatac queda'me Jesucristo mach'e Qadejaliaĝanec, nataq'aen naqaqo'mi ami ñechataqata'ñijopa da'me ami yecochaĝalo, qa'a qolaĝague joñe'me Jesucristo.

1 Corintios 1:28

Dios 'yatetelo'te ga'me qo'yota'tape jogaa'me jo'ne qo'enapegalo ja p'ajodaye qaedi pa'l q'ae'n gaa'me jo'ne qo'enapegalo p'ajodaye.

1 Corintios 1:21

Dios yauanalo ga'me aleua laje'pi queda'me ja yacota da'me mach'e layatenaĝanaĝa'j qaedi yateto'n joñe'me, chane'eja ñe'me jetaque t'onataĝana da'me qat'aqataĝanaĝac jo'ne ena'am ta'le chiyoĝojoĝoc qaedi nec'aledegue gaa'me jo'ne p'iida'a.

1 Corintios 4:10

Qo'mi, queda'me qolaĝague ñe'me Jesús, ena'am ta'le qo'mi chiyoĝo's, ami qamqa'me ami yatenaĝanaĝayaqa queda'me oquiyegue ñe'me Jesús; qaya'te qat'añaĝac qalaĝaja ami qamqa'me ami 'uañaĝayaqa; ami qo'nonaĝachiguilo nale, qalaĝaja qo'mi qamqa'me qo'mi qo'yota'tape nale.

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.