1 Corintios 1:21 - Nuevo Testamento Toba Sombrero Negro

²¹ Dios yauanalo ga'me aleua laje'pi queda'me ja yacota da'me mach'e layatenaĝanaĝa'j qaedi yateto'n joñe'me, chane'eja ñe'me jetaque t'onataĝana da'me qat'aqataĝanaĝac jo'ne ena'am ta'le chiyoĝojoĝoc qaedi nec'aledegue gaa'me jo'ne p'iida'a.

Nuevo Testamento Toba Sur

²¹ Qaq ñi Dios mayi ÿaÿateetalec cam i'ot, ñimayi sa ÿashinem nam huetalecna da huo'otaq ÿachigoxotchigui da maichi lauattonaxanaxac da ÿauatton ñimayi. Chaqdata da ÿauotaique da nca'alaxateec na i'amaqten ñimayi, chigoqchigui naq'en de'eda n'aqtaxanaxac mayi 'ico' 'oopashic naq'en na laÿipi.

La'aqtaqa Ñim Lo'onatac 'Enauacna 2013

²¹ Qaq Ñim Lo'onatac 'Enauacna maye ỹataqta ỹaanaxanaxaic Ñimaye saishet da ỹashenem na shiỹaxauapi ana'ana 'alhua da ỹauatton Ñimaye da ỹachegoxotchigui da maiche lauattonaxanaxac. Nachaqrata da lhuennataxac da nca'alaxatec na ỹa'amaqten de'era qara'aqtaxanaxac maye sa'axataqtac na'aictaxa da qoỹeetega choche 'oopashec.

1 Corintios 1:21 Referans Kwoze

Lucas 10:21

Qanach'ega ua'a ca'li, ñe'me Dios Lepaqal najaqachigui q'aen ñe'me Jesús da'me lamaic, qama'le enaac: “Am 'ñonaĝachigui, Taĝadena', Jaliaĝanec di'me p'ajeguem piyem nataq'aen jena'me aleua, qa'a aualoĝonalo dojo' jogaa'me ja t'añi'y gaa'me uo'oe jo'ne auoĝochi'ñejopa gaa'me yatenaĝanaĝayaqa nataq'aen tadenataĝa'n. Eja, Taĝadena', qa'a naq'aeta da'me jo'ne auepaquetapega.

Mateo 11:25

Jo'me jojo' nolo', Jesús enaac: —Nayi am 'ñonaĝachigui, am Taĝadena', Lejaliaĝanec di'me piyem nataq'aen jena'me aleua, qa'a auoĝochi'ñejopa jogaa'me yatenaĝanaĝayaqa nataq'aen tadenataĝanaĝayaqa naa'me naajo' uo'oe, qama'le aualoĝonalo joga'tae'me 'najodolqa.

Efesios 3:10

Qama'le nayi male 'uo jena'me jenjo' Dios lec'oqo'tepi jo'ne qoyemata'a't, qama'le chiyaqayi da'me dojo' male qoyayatenaĝanaĝaneque yema gaa'me jaliaĝanaqa jo'ne piyem laje' da'me eeta da'me layatenaĝanaĝac let'adaic joñe'me Dios jo'ne qaya'te nalo'taguet.

1 Corintios 1:24

Qalaĝaja gaa'me jo'ne Dios yiyaĝanalo, naqaegaua ga'me judiopi uotaĝa ga'me griegopi, jayatenaq da'me Cristo mach'e lañoqotaĝanaĝac nataq'aen layatenaĝanaĝac ñe'me Dios.

Romanos 1:28

Qa'a queda'me ja jetaque yatetoteguet ñe'me Dios, joñe'me yegue'm jogaa'me yemegueta gaa'me jomayaqa lelnataĝaco, qaedi ye't ga'me jo'ne yepaquetedapega.

Romanos 11:33

¡Yataqachiñe qaya'ñgui da'me leuoyaĝac ñe'me Dios, nataq'aen da'me layatenaĝanaĝac nataq'aen da'me latetonaĝanaĝac! Qaya'te yaqanatet da'me doqotenaĝanec naa'me yauapiye, uotaĝa ta'le qoyovita da'me qoyayate'n naa'me ladico.

Lucas 12:32

“Ena'te at'oiyi, ami yaqaya'olqa; ja ami 'te lama'ejoda, qalaĝaja ñe'me Adet'ai yepaquetapega ta'le ami yanema da'me lejaliaĝa.

Juan 12:31

Nayi male 'uo da'me nec'ateneguec jena'me aleua laje'pi, male qoyamaĝaye ñe'me jo'ne damaĝajoĝonac jena'me aleua chayovida'a nayi.

1 Corintios 1:18

Ga'me jo'ne qoyapalaĝa't qom'te eetedapega ch'e chiyoĝojoĝoc da'me leleuaĝa ñe'me Cristo ca'li qoyep'elegue jaga'me sodoso, qalaĝaja qo'mi jo'ne qadec'alegue qomle jayatenaq queda'me jenjo' 'naqataĝanaĝac mach'e lañoqotaĝanaĝac joñe'me Dios.

1 Corintios 1:23

qalaĝaja qo'mi ja'aĝataqatac queda'me Cristo yeleu ca'li qoyep'elegue jaga'me sodoso, chane'eja ena'am ta'le nepocoĝoc ga'me judiopi, nataq'aen ga'me jo'ne ja judiopi eetedapega qo'mi chiyoĝo's.

1 Corintios 1:25

Qa'a qom Dios ya'uo ga'me jo'ne ena'am ta'le chiyoĝojoĝoc, ñe'me eja queda'me yataqachiñe yatenaĝanaĝaic, da'me layatenaĝanaĝac napacalo'te gaa'me ch'e jiyaĝa'u; nataq'aen nale ñe'me Dios ena'am ta'le qaya'te 'lañaĝac, ñe'me eja queda'me yataqachiñe ñoqotaĝanaĝaic, da'me lañoqotaĝanaĝac napacalo'te gaa'me ch'e jiyaĝa'u.

1 Corintios 1:27

Qalaĝaja, Dios 'yatetelo'te gaa'me jo'ne jenjo' aleua qo'enapegalo chiyoĝo's qaedi qoya'uo lepocoĝo'j jogaa'me yatenaĝanaĝayaqa nach'e naq'aeta Dios 'yatetelo'te gaa'me jo'ne jena'me aleua qo'enapegalo choĝolaĝayaqa qaedi qoya'uo lepocoĝo'j jogaa'me ñoqotaĝanaĝayaqa.

1 Corintios 2:14

Qalaĝaja ga'me jiyaĝaua jo'ne ja ue'tajop ñe'me Lepaqal joñe'me Dios ja yaqanatet ta'le 'youategueta gaa'me uo'oe jo'ne chiyoqo'oto joñe'me, qa'a ga'me en lelnataĝac queda'me ch'e chiyoĝojoĝoc, ja yaqanatet ta'le yayaten da'me yataqachiñe lajoĝoc da'me dojo', qa'a ga'me ch'e jiyaĝaua ja yaqanatet ta'le naloqoten ga'me jo'ne chiyaqayi ñe'me Dios Lepaqal qom ja naqaeñe uetaue ga'me.

1 Corintios 4:10

Qo'mi, queda'me qolaĝague ñe'me Jesús, ena'am ta'le qo'mi chiyoĝo's, ami qamqa'me ami yatenaĝanaĝayaqa queda'me oquiyegue ñe'me Jesús; qaya'te qat'añaĝac qalaĝaja ami qamqa'me ami 'uañaĝayaqa; ami qo'nonaĝachiguilo nale, qalaĝaja qo'mi qamqa'me qo'mi qo'yota'tape nale.

1 Corintios 6:2

¿Qo'li ja auayachiñe queda'me nach'ega ga'me Dios c'oqo'tepi ja cop'a qomle da'me ya'uo nec'atenaguec ena'uac ga'me 'uo jena'me aleua? Qama'le qom naqa'ami auauoyi da'me nec'atenaguec yema ga'me 'uo jena'me aleua, ¿toqoch'e ja auaqanachichi da'me anemichiyaque ga'me chiyaqayi da'me anecotaĝaqui jo'ne ja let'adaic?

1 Corintios 11:32

mate mane'e ñe'me Jaliaĝanec 'uo ga'me qo'mi ye'uaĝaneque, qama'le qo'mi yapaĝague'n, qaedi ja qo'mi 'te qoyapetenegueta ga'me aleua laje'pi qom qoyegue'm joga'me.

Gálatas 1:15

Qalaĝaja Dios jalcote jayem noqopita, qama'le chiyoqo'teguet ca'li maliaĝa ja ñiyiñe, jayem 'yatetelegue qaedi jo'onataĝaneuo'o joñe'me. Uoja'eda jayem yatetonaĝaneguet ñe'me c'oĝot qaedi ja'aqataĝanema ena'uaque gaa'me jiyaĝadipi jena'me aleua da'me onaĝaic 'naqataĝanaĝac jo'ne 'yaĝatetac joñe'me. Ca'li di'yoq da'me dojo' qama'le ja jachoĝoya gamachaqaega qaedi jayem yapaĝaguen,

Gálatas 4:8

Ca'li jona'li auatetoñi ñe'me Dios, qamaliaĝa ami lelataqa jogaa'me qop'iyapegalo jo'ne ja ejoda.

Efesios 1:9

qama'le qo'mi yaloĝonalo jena'me jenjo' lelnataĝac jo'ne ja di'yoq ca'li yemta 'uo jena'me jenjo' aleua, ga'me jo'ne jetaque ya'uo 'me chiyaqayi da'me qoyalat ñe'me mach'e Liquiyac.

Colosenses 1:19

Qa'a ñe'me Dios jetaque yanaue joñe'me Lec'oĝot ena'uac da'me nediosyaĝac,

Hebreos 1:14

Qa'a ena'uaque jogaa'me piyem laje' nach'egaua jo'ne nepaqa'li 'me t'onataĝadeuo'o joñe'me Dios, qa'a joñe'me nach'eñe jo'ne yamaĝalo'te da'me lecochiyalo joga'me jiyaĝadipi jo'ne qonec'alaĝatedegue.

Hebreos 2:3

Qama'le nayi, ¿teua'atoqo' qo'mi yaĝa'n ga'me qane'uaĝanaguec, qom ja qadetela da'me nec'alaĝa let'adaic? Qa'a nach'eñe joñe'me Jaliaĝanec jo'ne 'uaechiñe da'me 'yaĝatetac da'me dojo' nec'alaĝa, qama'le jogaa'me jo'ne joote domachita da'me 'naqatac male qo'mi yaloĝonalo da'me naqaeda da'me jo'ne eja.

Hebreos 7:25

Qo'che' yataqata yaqanatet ta'le nach'e eta't da'me nec'alaĝatedegue joga'me jiyaĝadipi, jogaa'me jo'ne 'yamaqate'n joñe'me da'me jetaque yec'adeta joñe'me Dios. Qa'a naqaeñe jo'ne nach'e eta't da'me nec'aletaye, qama'le nach'e eta't da'me nachoĝodetapelo'te jogaa'me.

Santiago 4:4

¡Ja ami 'te yataqatelo'te! ¿Qo'li ja auayachiñe joda'me qom anoqopicheguet jena'me ua'ña jena'me aleua qama'le nach'e ami jo'ne laute'u joñe'me Dios? Gamachaqaega jo'ne en lelnataĝac da'me noqopita nataq'aen da'me 'yamaqate'n jena'me jo'ne ua'ña jena'me aleua, nach'ega 'viyelaĝaguet da'me en lauteua joñe'me Dios.

Santiago 5:15

Nataq'aen qom yataqachiñe 'uo da'me adepi'i da'me anetameñi qama'le joga'me jo'ne yeleuac paja'a da'me yemegue, qama'le joñe'me Jaliaĝanec yañijeguem. Qama'le qom uo'oe jogaa'me loeco nach'e ena'am qoyapalaĝa't.

Santiago 5:20

qama'le auayachiñe da'me dojo': gamachaqaega jo'ne ya'uo da'me en 'niyelaĝauo ga'me loeco lo'o da'me te'me ta'ya ga'me naq'aec jo'ne ja no'en, qama'le nach'ega jo'ne nec'alaĝategue da'me te'me 'uo da'me leleuaĝa, qama'le nach'e ena'am en qoyapalaĝa't gaa'me loeco jo'ne jalcote.