1 Corintios 1:2 - Nuevo Testamento Toba Sombrero Negro

² ami janema da'me qadamaic, ami jo'ne yataqachiñe Dios lec'oqo'tolqa 'me oñiya'ña di'me Corinto, ami jo'ne joote yoqovite' qa'a auacoñiyeguet ñe'me Cristo Jesús, nataq'aen ami qoyiyaĝanalo qaedi ami qoyapetenegueta joga'me Dios lec'oqo'tepi 'me ja 'nalo'te nach'e ena'ama ena'uaque jogaa'me jo'ne napi'ñalo naa'me ale'u lael 'me 'yaĝatetedac da'me lenaĝat ñe'me Jesucristo mach'e Qadejaliaĝanec nataq'aen joga'me Dios lec'oqo'tepi 'me ja 'nalo'te.

Nuevo Testamento Toba Sur

² Qaq nagui qami' samaxalo ana ÿide, qami' ÿaqaÿañicpi mayi qau'amaqchiñiitac ñi Dios, mayi qoñiitaña na la ciudad Corinto. Qami' lalamqa'te ñi Dios, cha'ayi qan'ayiitau'a so Cristo Jesús. Ñi Dios iÿaxana da ÿauotaique da qui'itta naq'en da qanachaalataxaqui, nataq'en 'enauac na neta'alo naua lÿa't 'ale'u mayi nqouagaxaueetacot so qadataxala' Jesucristo, som lataxala' namayipi, nataq'en qomi'.

1 Corintios 1:2 Referans Kwoze

Romanos 1:7

Dios ami noqopitalo, nataq'aen ami qoyapetenegueta gaa'me Dios lec'oqo'tepi. 'Noota qom Dios mach'e Qadet'a nataq'aen ñe'me Qadejaliaĝanec Jesucristo ami yanema da'me anichoĝodenataguequi nataq'aen da'me at'emaĝaqui.

1 Corintios 1:30

Qalaĝaja nach'eñe ñe'me Dios ami yapetenegueta joñe'me Cristo Jesús, qama'le nach'eñe Cristo qo'mi yanema da'me layatenaĝanaĝac ñe'me Dios. Qama'le da'me Cristo ya'uo ca'li chiyaqayi da'me ena'am ta'le qo'mi e'n yataqatelo'te ñe'me Dios; Cristo qo'mi 'yatetelo'te qaedi maqachaĝa ja qo'mi 'te 'nalo'te nataq'aen qo'mi yaĝayaĝa'n qaedi ja jaĝaue da'me ja no'en.

Hechos 26:18

Am jamaĝalo jogaa'me qaedi a'uatedegue naa'me 'lae'te nataq'aen yaĝadegue ga'me 'lalaĝa, dite joga'me 'yoqochiñe; qaedi male ja quetegue ñe'me Satanás, dite joñe'me Dios; nataq'aen qaedi jayem p'iida'a qama'le qoyapalaĝa't jodaa'me loeco, nataq'aen qaedi qoyapetenegueta qomle ga'me Dios c'oqo'tepi.»

Hebreos 13:12

Qama'le nach'e ena'am ñe'me Jesús qoyen p'aye ga'me noic da'me 'uo da'me lachoĝodec ca'li yeleu, qaedi qodoĝotaĝaneque gaa'me loeco ga'me jiyaĝadipi, yajouaĝat da'me naliñi qoyen jaga'me mach'e letauo'.

1 Ts 4:7

Qa'a auayachiñe joñe'me Qadet'a qo'mi yiyaĝanalo qaedi yataqata ja 'nalegue da'me qat'oyaĝac. Chane'eja ena'te oquiyegue joga'me yataqata ja no'en.

Hebreos 10:10

Chane'eja ñe'me Dios joote qo'mi e'n yoqovite' q'ae'n, yajouaĝat da'me 'lonatac joñe'me Jesucristo jo'ne yoqo'cha da'me lelnataĝac joñe'me Dios, qama'le 'yaĝateuo da'me mach'e 'loyaĝac qaedi qoyalat. Ch'e onolec da'me nalataguec, qaedi nale'en da'me qo'mi yoqovite' q'ae'n.

2 Corintios 4:5

Nale japaĝaguenataĝanaq ja mach'e qo'mi ñapaĝaguenaqatapela't. Ja naq'aeta, dite da'me ja'aĝataqatac queda'me Jesucristo mach'e Qadejaliaĝanec, nataq'aen naqaqo'mi ami ñechataqata'ñijopa da'me ami yecochaĝalo, qa'a qolaĝague joñe'me Jesucristo.

Hechos 9:14

Qama'le nayi nec'ata jena'me jenjo', jo'ne uo'oe gaa'me lajoĝolatel, 'me lediijel ga'me lejaliaĝanaqa ga'me tamenaĝaiqui lo'olpi, qaedi qo'mi yecoñe't, ena'uaque qo'mi jo'ne ja'aĝataqatac da'me adenaĝat.”

Apocalipsis 19:16

Jojo'me lapoto en uetalegue nataq'aen jena'me loteta jo'ne 'uo ga'me nediijec 'me ualegue 'me lenaĝat laqaya jo'ne eetac: “Lejaliaĝane'j ena'uaque gaa'me nejaliaĝanaqa nataq'aen yataqata yaguegue da'me lañoqotaĝanaĝac.”

Judas 1:1

Jayem Judas 'me jayem lalemaĝajet joñe'me Jesucristo, nataq'aen jayem lanoqolec joñe'me Santiago, ami janema naa'me naajo' yedii's, da'me ami jo'ne ami noqopitalo joñe'me Qadet'a Dios nataq'aen ami netelalo joñe'me Jesucristo, qa'a joote ami yiyaĝanalo joñe'me Qadet'a, ami yiyota'alo qaedi yataqachiñe ami e'n lec'oqo'tepi.

Hebreos 2:11

Qa'a joñe'me jo'ne yauecoto joga'me jiyaĝadipi joñe'me Dios, choqogaa'me jiyaĝa'u jo'ne qoyaue'j, 'uo ñe'me onolec jo'ne Let'a' ena'uac, nach'eñe ñe'me Dios. Chane'eja joñe'me Jesús ja nepocoĝolegue da'me dojelo'te jogaa'me jiyaĝa'u, enaac: “Nach'egaua mach'e yaqaya'.”

2 Timoteo 1:9

Dios joote qo'mi nec'alaĝatedegue nataq'aen nach'eñe qo'mi yiyaĝanalo qaedi jouaqauelo gaa'me lec'oqo'te jo'ne ja 'nalo'te. Jouaĝat taĝa da'me qat'onataĝanaĝac, mac joñe'me Dios nach'eñe lelnataĝac da'me dojo', qa'a joote qo'mi noqopitalo ca'li maliaĝa ja ye'et jena'me aleua, qama'le qo'mi yamaĝalo joñe'me Cristo Jesús.

1 Timoteo 3:15

qaedi qom jayem copa'teguet, yataqata joote auayaten ga'me aua'uo nale ouauelo jogaa'me Dios lec'oqo'tepi, jo'ne nach'enaua c'oqo'tepi 'me 'nonaĝachidegue joñe'me Qanedios jo'ne ja pal, nataq'aen naqaenaua jo'ne neteleta nataq'aen de'uotalegue nale jena'me yataqata eja.

2 Ts 1:1

Mach'e qo'mi Pablo, Silvano nataq'aen Timoteo, yataqata t'adaic jena'me qadamaic ami jamaĝajaĝalo, ami qadaqaya'olqa p'etaqadayaqa jo'ne Tesalónica laje', naqa'ami jo'ne Dios lec'oqo'tepi nataq'aen da'me ademii'teguet ñe'me Qadejaliaĝanec Jesucristo:

1 Ts 1:1

Mach'e qo'mi, jayem Pablo, choqoñe'me Silvano, chayovida'a ñe'me Timoteo, qadamaic ami janemaĝama, da'me ami p'etaqadaiquipi jo'ne at'achaqadi' di'me noic Tesalónica, jo'ne yataqata ademii'teguet ñe'me Dios Qadet'a choqoñe'me Qadejaliaĝanec Jesucristo. 'Noota qom Dios ami yanema da'me anichoĝodenataguequi nataq'aen da'me at'emaĝaqui.

Efesios 5:26

qama'le qo'mi 'yaĝatema da'me 'laqataĝanaĝac qaedi male yataqata e'n qo'mi loqo'te nataq'aen da'me qo'mi e'n yoqovite' da'me qo'mi qonachilaĝa'n,

2 Corintios 1:1

Jayem Pablo 'me jayem lamaĝajec ñe'me Cristo Jesús, qa'a naq'aeta da'me loequenataĝanaĝac ñe'me Dios. Ami jep'iye'tape nayi, nach'e ena'am ñe'me qadaqaya Timoteo, da'me ami qadaqaya' p'etaqadaiquipi jo'ne Dios lec'oqo'tolqa 'me oñiya'ña di'me Corinto, nataq'aen uoja'aegaua qadaqaya' 'me neda'ña di'me aleua jo'ne Acaya.

1 Corintios 8:6

qalaĝaja qo'mi qamqa'me jayatenaq queda'me 'uo ñe'me Dios jo'ne onolec, mach'e Qadet'a jo'ne 'netoqo't ena'uaque gaa'me uo'oe, nataq'aen qo'mi yanema da'me qat'oyaĝac jeloqot'ot joñe'me. Nach'e naq'aeta queda'me onolec ñe'me Jaliaĝanec Jesucristo nach'eñe necochoqo't ñe'me Dios joca'li ye'et jena'me aleua nataq'aen ena'uaque gaa'me uo'oe, qama'le da'me qo'mi joda'me qat'oyaĝac chiyoĝoguet joñe'me.

Romanos 10:12

Ga'me judiopi le'ec ja napacalegue ga'me ja judiopi le'ec, qa'a nach'eñe ñe'me Jaliaĝanec nataq'aen lejaliaĝane'j ena'uac jogaa'me, nataq'aen ja jematatapeguem da'me 'uo ga'me yanem ga'me jo'ne 'yaĝatetac joñe'me.

Romanos 3:22

Chiyaqayi da'me jep'iyaqa ñe'me Jesucristo, Dios e'n yataqatelo'te ena'uaque jogaa'me p'iida'a. Chane'eja qaya'te yaguegue, uotaĝa judiopi uotaĝa ja judiopi.

Hechos 22:16

Nayi, ena'te anayaloĝoden. Oñijeguem qama'le auaconeguet da'me nachilaĝanataĝanaĝac nataq'aen aneyoediñe ga'me adoeco, da'me a'uamaqaten joñe'me Jesús mach'e Adejaliaĝanec.»

Hechos 18:1

Ca'li yem da'me dojo', Pablo ca'e di'me Atenas qama'le yec'ata di'me Corinto.

Hechos 15:9

Dios ja qo'mi 'te ye'tema da'me qaedi qo'mi yodapecache jogaa'me nataq'aen qo'mi, qa'a nach'e ena'am yoqovite' q'ae'n da'me lepe'e' naa'me lai'li.

Hechos 10:36

Dios dojapegue'to ca'li jogaa'me israelpi c'oĝo'tepi, yechoĝotetapema da'me 'naqataĝanaĝac jo'ne 'nemaĝac 'me chiyaqayi ñe'me Jesucristo, mach'e Lejaliaĝane'j yema ga'me jiyaĝadipi.

Hechos 9:21

Ena'uaque gaa'me jo'ne domachita ca'li yataqachiñe yoqochetem ca'li, nataq'aen enapega't: —¿Qo'li ja naqaena jena'me yecaa'tape gaa'me jo'ne 'yaĝatetedac ñe'me Jesús 'me ueteda'a di'me Jerusalén? ¿Qo'li ja nach'ena jo'ne nec'ata jena'me jenjo' qaedi yaue'j nataq'aen yanouelo gaa'me lejaliaĝanaqa ga'me tamenaĝaiqui lo'olpi?

2 Timoteo 2:22

Chane'eja oca'e da'me lamai'j jenaa'me joĝodipi, nataq'aen auelaque da'me chimaqachiñe, ena'te aĝañi da'me adepe'e, adoqopitalo gaa'me adaqaya', chayovida'a da'me auaconeguet jena'me 'nemaĝac; oquetapegue'to jogaa'me uetedaue da'me yoqovichiguilo naa'me lai'li jo'ne yiyaĝatot nale joñe'me Jaliaĝanec.

Gálatas 1:2

Ami yaqaya'olqa 'me p'etaqadaiquipi jo'ne at'achaqadi' di'me aleua jo'ne Galacia: jayem nataq'aen jogaa'me jayem ueteda'ajop jo'ne qadepi'iyaĝa'u ami janemaĝama da'me qadep'iyenataĝanaĝac.

Hechos 9:13

Ca'li domachiya da'me dojo', qama'le Ananías enaac: “Jaliaĝanec, qayoĝode' gaa'me 'yaĝatetedac ñe'me jiyaĝaua nataq'aen ena'uaque gaa'me ja 'noe'n jo'ne 'yeteque ga'me neda'ña di'me Jerusalén jo'ne mach'e ac'oqo'tepi.

Romanos 8:28

Jayatenaq ñe'me Dios da'me yaqataĝata'ajalo gaa'me uo'oe 'me chiyaqayi ga'me liyamaĝa'j jogaa'me jo'ne noqopideta joñe'me, nach'egaua yiyaĝanalo joca'li joñe'me da'me jetaque nec'alaĝatedegue.

1 Corintios 10:32

Ena'te auauoyi gamachaqaega jo'ne chiyaqayi ta'le dalemata'tape jogaa'me adaqayadi', ga'me judiopi uotaĝa ga'me griegopi, uotaĝa gaa'me mach'e adaqayadi' jo'ne adepi'iyaĝa'udi',

1 Corintios 12:27

Chane'eja 'noota, naqa'ami mach'e Cristo 'loyaĝac, nataq'aen onolqa'tape ami ena'am ta'le ademiya'eguet da'me 'loyaĝac ñe'me Cristo.

1 Timoteo 2:8

Chane'eja, nale yema'a't gaa'me p'etaqadayaqa, 'uaediñe jepaquetapegalo ta'le gaa'me le'mi nodidijeguem naa'me loua' da'me yauote ga'me netamenaĝa'j. 'Noota qom yoqovichiguilo gaa'me lai'li, nataq'aen 'noota ta'le ja dalemata'y nataq'aen ja dapete'tape.

2 Timoteo 2:19

Qalaĝaja Dios joote ya'uo joga'me 'uaechiñe nataq'aen eja jo'ne qoyediñe ca'li: “Joñe'me Jaliaĝanec yateto'n jogaa'me mach'e lec'oqo'te”, nataq'aen enaac: “Yema jogaa'me 'nonaĝachidegue joñe'me Jaliaĝanec, 'noota qom queda'e da'me ja no'en.”