1 Corintios 1:10 - Nuevo Testamento Toba Sombrero Negro

¹⁰ Ami yaqaya'olqa, ñe'me Qadejaliaĝanec Jesucristo jayem namaĝaquena qaedi ami ñachoĝodenoto queda'me 'noota ta'le adaloi'ta't nale 'uo ga'me anenaĝachiyegue. 'Noota qom ja yodapecache naa'me ademiyapelo'te, dite ta'le ena'uaque ami ademi'ta't, nataq'aen 'noota qom ena'uaque ami onolec ga'me adelnataĝaqui.

Nuevo Testamento Toba Sur

¹⁰ Qami' ÿaqaÿa't, qami' sedolguete da l'enaxat so qadataxala' Jesucristo da qami' saqatalo da ÿataqta 'oonolec da qadtaxaÿaxaqui. Sa ishit da qaucolaqaitagui. Chaqdata da qaica ca ÿaqpeuga, 'oonolec da qadhuennataqai qataq ca qoñiitapeguec.

La'aqtaqa Ñim Lo'onatac 'Enauacna 2013

¹⁰ Qami' ỹaqaỹañicpi, qami' seroleguete da le'enaxat So Qarataxala' Jesucristo da qami' ñachoxoreetoiguilo da ỹataqta qanaỹaañeta't. Saishet da qaucolaqaitagui. Nachaqrata da qaica ca ỹaqpegueuga, 'oonolec ca qarhuennataqai qataq ca qoñiitapeguec.

1 Corintios 1:10 Referans Kwoze

1 Corintios 12:25

qaedi da'me qat'oyaĝac ja mach'e niyaqa'a ga'me qadoĝojet, dite da'me onolqa'tape naa'me qadoĝoje'te da'me qat'oyaĝac necochiyapega't.

Romanos 12:16

'Noota qom onolqa'tape ami adaloi'ta't qaya'te neyota'ya. Ena'te ami 'yoĝodenaĝayaqa, dite da'me aueñe'tem da'me adaloyetapegueta joga'me jo'ne jaleca da'me letadenataĝanaĝac. Ena'te aueñetapela't ami yatenaĝanaĝayaqa.

2 Corintios 13:11

Ami yaqaya'olqa, queda'me nach'e jana'ña ga'me 'yaqatac nayi, jepaquetapega ta'le ami made'tape, aueloyaque da'me liyamaĝac joda'me at'oyaĝaqui. Auacoñiyeguet da'me at'añaĝaqui nataq'aen adaloitapega't da'me adajoĝoqui nataq'aen da'me 'nemaĝac. Ñe'me Dios 'me chiyoqo'ot da'me noqopich'i choqoda'me 'nemaĝac, nach'eñe jo'ne nach'e eta't ami uetauelo.

1 Corintios 11:18

Da'me 'uaeñe jayem qo'yaĝatem queda'me nale ademiya'a't, qama'te mach'e ami ja adaloi'ta't, qama'le jeetapega naq'aeta.

Filipenses 1:27

Nach'edata da'me yataqata aviyamaĝachetac da'me anejiyaĝauayaĝaqui, oquitapegue' da'me 'laqatac joñe'me Cristo, uotaĝa da'me yitaĝa ami jec'atalo uotaĝa ja naq'aeta, qa'a jetaque jomachiya queda'me nach'e eta't a'nañaĝachela't, yataqata onolec joda'me auauoyi nataq'aen onolec joda'me adeloiquiaĝaqui, nach'eda da'me ademiyalegue da'me adepi'i jo'ne chiyaqayi da'me 'naqataĝanaĝac jo'ne onaĝaic.

Romanos 16:17

Ami ñachoĝodenoto, ami yaqaya'olqa, qaedi aueloi'tegueta jogaa'me jo'ne chiyaqayilo da'me nelagaĝac choqogaa'me naqalaico nataq'aen nauteta da'me napaĝaguenataĝanaĝac jo'ne ami auacoñiyeguet ca'li. 'Noota qom oquiya'ae jogaa'me,

2 Corintios 5:20

Chane'eja nach'e qo'mi lamaĝa's ñe'me Cristo qaedi ja'aĝataqatac joñe'me, nataq'aen ena'am ta'le nach'eñe ñe'me Dios ami nachoĝodetapecoto qaedi anaquiaĝañiya da'me qat'aqataĝanaĝac. Qama'le ñe'me Cristo qo'mi 'yelopeque da'me ami ñachoĝodenaqatapecoto qaedi auacoñiyeguet da'me 'lemaĝac ñe'me Dios jo'ne ami yanema.

1 Corintios 4:16

Qama'le ami ñachoĝodenoto queda'me oquiyegue ga'me jayem auec'achiñiyec.

Hechos 4:32

Ena'uaque joga'me p'etaqadaiquipi jo'ne jalcote nach'ega nale ga'me nometeguet nataq'aen lelnataĝa'j. Qaya'te gamachaqaega eetapega mach'e loĝot ga'me jo'ne te'me yauana, dite da'me nach'e ena'am loĝo't gaa'me jiyaĝa'u laqaya'.

Juan 17:23

queda'me jayem male jouetauelo jogaa'me nataq'aen da'me am nach'e eta't jayem oue'tajop, qaedi yataqata nalo'ta't naa'me. Chane'eja qom naq'aeta qama'le yema joga'me aleua laje'pi male nomeda'a da'me jayem anamaĝaquena, nataq'aen da'me adoqopitalo naa'me, nach'e ena'am da'me yataqata jayem adoqopita.

1 Ts 5:13

'Noota qom yataqata auoqochiyalo nataq'aen yataqata adoqopichiyalo, qa'a jouaĝat joda'me 'lonatac jo'ne 'yetedac. Nataq'aen 'noota qom yataqata anemaĝadiñiyapega't.

Romanos 12:1

Chane'eja, ami yaqaya'olqa, yajouaĝat da'me lichoĝodenataĝanaĝac ñe'me Dios, ami ñachoĝodenouelo da'me 'noota qom mach'e ami auec'achiya joñe'me Dios ena'am ta'le najaqajec jo'ne nec'aletaye, ja 'nalegue jo'ne jama ga'me laetayaĝac 'me qoyanem ñe'me Dios. Naqaena jena'me 'nemaĝac 'me yataqatelegue auañem joñe'me.

Juan 10:19

Mane'e ca'li domachita jogaa'me judiopi da'me dojo', qama'le yitaĝa ua'a da'me yodapecache naa'me lelnataĝaco.

1 Pedro 2:11

Ami yaqaya'olqa, ami jo'ne aueñiya'ama jogaa'me ja 'lachaqa'tena 'me ch'e oquitalegue jenjo' aleua, ami ñachoĝodenoto da'me ena'te auauoyi ledaqa't naa'me lamaico ga'me anejiyaĝauayaĝaqui jo'ne deloiquitedapegue' da'me at'oyaĝaqui.

2 Timoteo 4:1

Da'me yaqataĝac am janem nayi, queda'me yataqata qo'mi yec'ate'tape joñe'me Dios choqoñe'me Cristo Jesús, jo'ne qomle male 'niyelaq, male ena'am ga'me jaliaĝanec t'adaic jo'ne ya'uo lec'atenaĝanaĝac jogaa'me nec'aletedaye choqodia'me joote yele'u, qama'le nejaliaĝatelo'te yema jogaa'me jiyaĝadipi.

Filipenses 3:16

Nach'edata da'me dojo' jo'ne qoyouetaque: 'noota qom qolaqa'tegue da'me qadepe'e ladic jo'ne joote jedaqalegue.

2 Corintios 10:1

Mach'e jayem Pablo ami ñachoĝodenoto, yajouaĝat da'me qademe'teguet ñe'me Cristo jo'ne joĝodaic nataq'aen choĝodenataĝanaĝaic, mate mane'e 'uo ga'me eetapega nale ami jouetauelo da'me yataqachiñe jayem uategaĝaic, qalaĝaja mane'e da'me jayem qaya'a qama'te ena'am ta'le jayem vichaqaic.

Juan 7:43

Chane'eja male ua'a da'me yodapecache jonaa'me lelnataĝaco jogaa'me jiyaĝadipi queda'me yajouaĝat ñe'me Jesús.

Marcos 2:21

“Qaya'te en laulaĝanaĝat ga'me dalaĝaic qom toijec ga'me loĝot, qa'a ga'me laulaĝanaĝat 'viya't qomle qama'le colqa'ague ga'me loĝot jo'ne toijec; chane'eja nichiguegue q'aen ga'me lauac.

Mateo 9:16

Qaya'te en laulaĝanaĝat ga'me dalaĝaic qom toijec ga'me loĝot, qa'a ga'me laulaĝanaĝat 'viya't qomle qama'le colqa'ague ga'me loĝot jo'ne toijec; chane'eja nichiguegue q'aen ga'me lauac.

1 Timoteo 5:21

Da'me yaqataĝac am janem nayi queda'me yataqata qo'mi yec'ate'tape joñe'me Dios choqoñe'me Jesucristo nataq'aen jogaa'me ja 'nalo'te piyem laje', qaedi yataqata oquetapegue'to naa'me yamaĝajoĝonaĝaco. Qama'le ena'te aua'uo adiquiyac uotaĝa adoqopich'i ta'le onolec ga'me auanem.

2 Ts 2:1

Qama'le nayi, ami yaqaya'olqa, ga'me 'liyelaĝajoĝoc joñe'me Qadejaliaĝanec Jesucristo, uotaĝa ga'me nolo' jo' qomle male jouaqa'tajop joñe'me, ami ñachoĝodenoqoto

Gálatas 4:12

Ami yaqaya'olqa, ami ñachoĝodenoto qaedi jayem auadenaĝachi, nach'e naq'aeta da'me ami jadenaĝa't ca'li ami jouetauelo. Ami ja naqaeda ta'le ami chiyaqayilo ga'me ja no'en 'me jayem a'vichiyec.

2 Corintios 6:1

Da'me qo'mi male je'etaq ga'me 'lonatac ñe'me Dios; qo'che' ami ñachoĝodenaqatapecoto qaedi ena'te aualajaĝañiya yema da'me loqopich'i ñe'me Dios jo'ne ami yaloĝonalo.

Romanos 15:30

Qalaĝaja ami ñachoĝodenouelo, ami yaqaya'olqa, qaedi jayem alecochiiya, jayem aualoĝoñilegue ñe'me Dios, qa'a ami uetauelo da'me lañoqotaĝanaĝac ñe'me Qadejaliaĝanec Jesucristo nataq'aen da'me loqopich'i ñe'me Dios Lepaqal.

Juan 9:16

Qama'le uo'oe gaa'me fariseopi jo'ne enapega't: —Joga'me jo'ne ya'uo da'me dojo' ja chiyaqaje'ma ñe'me Dios, qa'a nach'ega ja yayaten ga'me nolo' jo'ne niyamaqatac. Qalaĝaja uo'oe gaa'me laqaya' jo'ne enapega't: —Ga'me jiyaĝaua jo'ne loeco lo'o, ¿qo'li yaqanatet ta'le ya'uo da'me dojo' 'nanec jo'ne yaloĝon? Qama'le ua'a ca'li da'me male yodapecache naa'me lelnataĝaco.

Romanos 1:13

Ami yaqaya'olqa, jepaquetapega ta'le auayachiñe da'me uaĝa'aegue jetaque ja'uo da'me yeuoĝoc qaedi ami jauanalo, qalaĝaja chayovida'a nayi nach'e eta't jayem nedalegue ga'me jo'ne jayem nauaneguet nale. Da'me yamaic, ena'am ta'le jetaque jatoĝon ga'me jalayaĝac ñe'me Dios Lepaqal 'me ami uetauelo, ena'am da'me joote jatoĝon gaa'me ale'u lael laqaya'.

1 Corintios 1:11

Qa'a quelqaya gaa'me jo'ne neteda'ña di'me 'lachaqa' ñe'me Cloe jayem t'aqataĝatem da'me ami 'yaĝa'tape, ami yaqaya'olqa, jo'ne mach'e ami da'me 'uo da'me anecotaĝaqui.

1 Corintios 3:3

qa'a maliaĝa oquitapegue'to jodaa'me anejiyaĝauayaĝaqui lamaico. Ami p'aguenataĝanaĝayaqa nataq'aen mach'e ami da'me auapichitapega't, chane'eja nach'eda di'yoq q'aen queda'me maliaĝa oquitapegue'to da'me anejiyaĝauayaĝaco lamaico. ¿Qo'li ja naq'aeta?

2 Corintios 13:9

Qo'che' jaconaĝaguet da'me qadamaic nale qo'mi choĝolaĝayaqa, qom yataqata ami 'uañaĝayaqa. Qama'le jaldata qolaqatalegue da'me qanetamenaĝac qaedi auovidiya'a da'me yataqachiñe ami yataqatelo'te.

1 Pedro 5:10

Qalaĝaja qom yenoĝodegue jogaa'me noloqo'ote da'me 'uo da'me adachoĝodequi qama'le joñe'me Dios male ami 'yañaqateneque, nataq'aen da'me en ami 'uañaĝayaqa choqoda'me ami yanema da'me jo'ne yataqatelegue. Qa'a nach'eñe ñe'me Dios 'uo da'me loqopich'i let'adaic chane'eja ami yiyaĝanalo qaedi ademii'teguet joñe'me Jesucristo qama'le ovitaue da'me jo'ne mach'e 'lonaĝa jo'ne qaya'te loiquiaqa'.

Marcos 3:24

Qom ja nalo'ta'ajalo jogaa'me jo'ne dajoya'agueta joga'me laute'upi qama'le ja yaqanate't ta'le nechata'agueta jogaa'me.