Zekâya 10:5 - MUKANDA WA MYIDI MUKULU

⁵ Nebikale bilobu. Nebadiate badi babaluisha, bu mudibu badiata bitotshi mu njila. Nebaluangane nanku, bualu Maweja-Nangila udi nabu. Baluishi badi babanda pa tubalu, nebafue bundu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nebikale bu bena bukitu mu nvita badi badiata badi nʼabo lukuna mu bitahikidi bia misesu; nebaluangane nvita bualu bua Yehowa udi nʼabo, nebafuishe babandi ba ha nyima ha tuhalu bundu.

Zekâya 10:5 Referans Kwoze

Agayi 2:22

Nengumushe bakalenga mu nkuasa yabu. Nenshipe makalenga pa buloba. Nentonkole matempu a nwita, ne badi baendesha. Nyama ya tubalu neyifue. Badi babandapu nebakuluke, bafue ku miele yabu.

Zekâya 12:8

Pashishe Maweja-Nangila neambuluishe bena Yerushalayime: badi kabayi ne bukole munkatshi muabu, nebapete bukole bu bua Davide. Ndelanganyi ya Davide neikale bu Mvidi Mukulu wabu, bu mudi mutumibue wa Maweja-Nangila udi wenda kumpala kuabu.

Zekâya 9:13

Yuda neangambuluishe bu buta bua mvita, Efrayime neikale bu mukete. Siyone, nentume bantu bebe, bua kuluishabu bena Ngreke. Nebangambuluishe bua kuluangana mvita, bu mudi muele wa myita wambuluisha muluanganyi wa bukitu.”

Misambu 20:7

Mpindiewu ndi mumanye mudi Maweja-Nangila, wambuluisha mukalenga udiye mujidile, umuandamuina mu nzubu wende wa mu diulu, wenza malu a dikema bua kumusungidila.

2 Timote 4:7

Ndi muluangane mvita mimpe. Ndi mujikije mutantshi wonsu umvua ne bua kunyema. Ndi mulame ditaba too ne ku ndekelu.

2 Korente 10:4

Bia mvita bitudi uluangana nabi, kabiena bia bantu ba panu. Kadi bidi bia mvita bikole bitudi bapete kudi Mvidi Mukulu, bitudi mua kubutula nabi nzubu ivuabu bakoleshe ne bimana. Tudi tu-vingutula nabi meji a dishima.

Bienzedi 7:22

Ke muvuabu balongeshe Moshe malu onsu avua bena Ejipitu bamanye. Kuenzaye muntu uvua mumanye mua kuakula ne kulongolola malu.

Luke 24:19

Yezu kubakonka ne: — Malu adi menzekemu mmalu kaayi? Balongi kumuandamuna ne: — Malu avua menzekele Yezu wa mu Nazarete. Uvua muambi wa bukole. Uvua mubuleje ku midimu ivuaye wenza, ne ku miaku ivuaye wakula. Mvidi Mukulu, ne bantu bonsu, kumuanyisha.

Matayi 4:3

Diabolu kusemena kudiye, umuambila ne: — Pawikala Muana wa Mvidi Mukulu, ambile mabue aa andamuke mampa.

Zekâya 14:13

Dituku adi, Maweja-Nangila neabakuatshishe bowa bikole. Nebatandangane ya bungi, muntu yonsu nealuishe muena mutumba nende.

Zekâya 14:3

Pashishe Maweja-Nangila nealuishe bisamba ebi, bu mudiye muluishe baluishi ba bantu bende mu bikondu bionsu.

Zekâya 12:4

Dituku adi, nenkuatshishe tubalu tuabu bowa bukole, nempadishe babandi ba pa tubalu ne bowa. Nentabalele bena Yuda, kadi nemfofamije tubalu tua bantu ba bisamba bikuabu. Meme ndi ngamba nanku.

Mika 7:10

Pamona baluishi betu malu aa, bundu nebubakuate. Bualu bavua batukonka ne: “Maweja-Nangila Mvidi Mukulu wenu, tshidiye wenza ntshinyi?” Nebabadiate mu makasa, bu bitotshi bia mu njila, tuetu netubandile malu aa!

Amosa 2:15

Muena buta bua mikete, kakutua mukolu panshi. Udi ne lubilu lupite, kakupanda to. Nansha udi ubanda pa nyama wa kabalu, kakunyema nansha.

Yezekiyele 38:15

Neutume mu ditunga diebe dia ku mutu wa ditunga. Neulombole biluilu bia bantu ba bisamba bionsu. Bonsu nebabande pa nyama ya tubalu. Nenuenze tshiluilu tshinene tshia bantu ba bungi.

Yeshaya 41:12

Neukebe bantu bonsu, bavua bakuluisha, kuyi ubamona. Bonsu bavua baluangana nebe, nebajimine.

Yeshaya 25:10

Tshianza tshia Maweja-Nangila, tshidi tshilama bimpe mukuna wa Siyone!” Kadi nebadiatakaje bena Mowabe. bu bisosa bidibu badiata ku makasa, mu tshiina tshia bufuke.

Yeshaya 10:6

Meme kubatuma bua kuluisha tshisamba tshidi tshimbenga. Meme kubambila bua kubunda tshisamba tshidi tshimfikisha munda. Meme kuanyisha bua biibe, bapawule bantu aba, babadiatakaje bu bitotshi bia mu njila.

Yeshaya 8:9

Bena bisamba bia bende, nansha nuenu batua ndondu, nenutshine amu kutshina. Nuenu bena matunga adi kule, telejayi: nansha nuenu ne bia mvita, bowa nebunukuate.

Misambu 45:3

Bulenga bua mpala webe mbupite bua bantu bakuabu. Mishiku yebe idi yakula amu miaku ya meji. Mvidi Mukulu mmukuele lupemba kashidi.

Misambu 33:16

Mukalenga kena upandila mu mvita bua bungi bua basalayi bende. Tshilobu kena utshimuna bua dikanda diende nansha.

Misambu 18:42

Nansha bela mbila, muntu kena ubambuluisha. Nansha batendelela Maweja-Nangila, kena ubitaba.

2 Samuele 22:43

Ndi mbavingutula, mbashiya bu lupuishi. Ndi mbadiata bu bitotshi bia mu misesu.

2 Samuele 22:8

Ke buloba kuzakala. Bitaku bia diulu kunyunga. Diulu ne buloba kutenkakana, bualu Maweja-Nangila uvua ne tshiji.

1 Samuele 16:18

Muena mudimu mukuabu kuamba ne: — Ndi mumanye muntu, muana wa Ishayi, muena mu Betleyeme. Udi mumanye mua kuimba lunkombe bimpe. Udi kabidi muntu wa mushinga mukole, mumanye mvita, mumanye mua kuakula ne meji. Udi ne mpala muimpe mutambe. Kabidi Maweja-Nangila udi nende.

Yoshua 10:42

Kukuataye matunga aa. Kutshimunaye bakalenga abu anu musangu umue. Bualu Maweja-Nangila Mvidi Mukulu wa bena Izrayele nkayende ke uvua uluila bena Izrayele mvita.

Yoshua 10:14

Katshia ne katshia, bualu bua mushindu ewu kabuvua buanji kuenzeka to; kabidi kabuakuenzeka matuku adi kumpala. Maweja-Nangila kukumbaja tshivua muntu mumulombe. Nanku yeye nkayende uvua uluila bena Izrayele mvita.

Dielulula 20:1

Nuenu baye kuluangana mvita ne bantu badi ne tubalu, kabidi ne matempu a mvita, nansha ne baluishi bapite bena mvita benu ku bungi, kanubatshinyi to. Bualu Maweja-Nangila Mvidi Mukulu wenu, uvua munupatule mu Ejipitu, udi munkathi muenu.

Didimanyisha 19:17

Pashishe meme kumona mutumibue muimane mu diba. Uvua wela nyunyi yonsu ivua ibuuka mulu mule diyi dikole ne: “Luayi, nusangile bonsu mu tshibilu tshinene tshia Mvidi Mukulu!

2 Timote 4:17

Kadi Mfumu uvua pabuipi nanyi. Uvua munkoleshe mu maboku, bua mmone mua kukobola Lumu lua Disanka amu mudilu, kulumvuija bantu bonsu ba bisamba bikuabu. Mvidi Mukulu mmumpandishe mukana mua nyama wa ntambue.

Bienzedi 18:24

Muena Yuda mukuabu, mulelela mu Aleksandriya, dina diende Apolose, kufikaye mu Efeze. Uvua ngamba malu, mumanye Mikanda ya tshijila bilenga.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Misambu 44:5

Wewe Mvidi Mukulu ke udi Mukalenga wanyi, udi uludika bantu bebe bua batshimune.

Yeshaya 41:25

Ndi mujule muntu, ufumina luseke ludi diba dipatukila. Muntu awu udi ufika luseke lua ku mutu kua ditunga. Badi batela dina diende, luseke ludi diba dipatukila. Udi udiatakaja balombodi ba maloba, mudibu badiata bitotshi, mudi mufumbi wa ngesu, udiata diima, udibeta.

Mika 5:8

“Eyowa, luisha baluishi bebe, ubashipe, ubasunsule!

2 Bakalenga 9:33

Yehu kubela diyi ne: — Sakilayi mukaji awu panshi! Kusakilabu Yezabele pa dididishi. Kudishindaye panshi. Mashi ende kutampakana ku bimana ne ku nyama ya tubalu. Yehu kudiatakaja tshitalu atshi ne ditempu.

Yeshaya 31:1

Bantu badi baya mu Ejipitu bua kukeba diambuluisha, mbena diakabi! Badi batekemena ku nyama ya tubalu, ne ku matempu mavule a bena Ejipitu, ne ku babandi babu ba pa tubalu, bualu badi bilobu. Kadi kabena bakeba Mvidi Mukulu wa tshijila wa Izrayele. Kabena bakeba lungenyi kudi Maweja-Nangila.