Zekâya 10:1 - MUKANDA WA MYIDI MUKULU

¹ Tendelelayi Maweja-Nangila, anulokeshile mvula a mbedi. Yeye ke udi utuma mavuba a mvula. Neanulokeshile mvula wa bungi, neameneshe ntete bua muntu yonsu apete biakudia mu madimi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Lombai Yehowa nvula mu tshikondo tshia nvula mishishe. Yehowa udi uhenyisha miele ya nvula, udi ulokeshila bantu nvula ya bungi, udi umeneshila muntu yonso midioko mu budimi buandi.

Zekâya 10:1 Referans Kwoze

Yeshaya 44:3

Bualu nempuekeshe mayi mu ditunga didi kadiyi mayi. Nempatule tusulu mu buloba buume. Nengitshikije Mueyelu wanyi pa bana bebe. Nengele ndelanganyi yebe lupemba.

Yakobe 5:7

Bana hetu, ikalayi ne lutuulu too ne pafika Mfumu. Monayi mudi tshidime windila ne lutuulu biakudia bidibu nabi dikenga menemene, too ne diba didi buloba mua kubipatula. Udi utekemena mvulambedi ne wa ndekelu.

Yezekiyele 36:37

“Meme Maweja-Nangila Mvidi Mukulu, ndi ngamba ne: Nengitabe bua bena Izrayele basengelele bua meme kubambuluisha. Nembavudije, bikale bungi bu tshisumbu tshia mikoku.

Yeshaya 30:23

Maweja-Nangila neanulokeshile, mvula bua maminu, anudi bakuna mu buloba, atoloke bimpe. Nenku nenunowe pa madimi enu ntete mivule, kabidi mimpe. Dituku adi, bimuna bienu nebikale ne biakudia bivule mu mpata mialabale.

Misambu 65:9

Pa buloba bujima bantu badi bakatshila, malu a dikema audi wenza. Kudi diba dipatukila, ne kudidi dibuelela, bonsu badi bela mbila ya disanka.

Dielulula 28:23

Diulu nedikale dikole bu tshiamu tshikunze pa mitu yenu. Buloba nebuikale bushile bu tshiamu ku makasa enu.

Yowanane 16:23

Pafika dituku adi, kanuakunkonka kabidi bualu to. Ndi nnujadikila ne: Tatu neanupeshe tshionsu tshinuamulomba mu dina dianyi.

Mika 5:7

— Bena Izrayele badi bashala ne muoyi munkatshi mua bisamba bia bungi, nebikale ne bukole bu bua nyama wa ntambue munkatshi mua nyama ya muitu, nansha munkatshi mua tshisumbu tshia mikoku. Muaba onsu udiye upita, udi uyikuata, uyisunsula, kakuyi muntu umunyengayi.

Amosa 4:7

Mvua mukandike mvula bua kaloki, tshikondu tshivua bia pa madimi bikengela mayi. Mvua mulokeshe mvula mu tshimenga kampande, mu tshimenga tshikuabu, mvua mumukandike. Budimi bumue buvua bupete mayi mavule, bukuabu buvua bufuba ne munanga.

Osheya 10:12

Nuenu benza malu mimpe, nebanuenzelewu. Nudime budimi bupiabupia. Tshikondu tshiakumbanyi tshia nuenu kupingana kundi meme Maweja-Nangila, too nepangafika bua kunusungidila.

Yezekiyele 34:26

Nenganyishe bua mikoku isombe pabuipi ne mukuna wanyi wa tshijila. Nendokeshe mvula mukumbane pa tshikondu tshiende.

Yirmeya 14:22

Ku mvidie yonsu ya patupu ya pa buloba, udi mua kulokesha mvula mvidie kaayi? Tshibuashibuashi nkayatshi katshiena mua kulokesha mvula, kadi amu wewe Maweja-Nangila. Mvidi Mukulu wetu, tudi bakutekemena, bualu amu wewe ngudi wenza malu onsu.

Yirmeya 10:13

Maweja-Nangila kutuma diyi dikole, mayi kusangila pamue mu diulu, mavuba manene kubandawu, atumine ku ndekelu kua diulu ne buloba, miele kuela, mvula kuloka, bipepele kupatuka mu mayeba abi.

Yeshaya 5:6

Nebushale lububa: muntu nansha umue kena mua kusolela budimi abu, muntu kena mua kubuipidila kabidi Meba ne mingonga nebitolokemu. Nenkandike mavuba, bua mvula kalokedi kabidi mu budimi ebu.”

Nsumuinu 16:15

Mimuemue pa mpala wa mukalenga idi isanguluja bantu. Muoyi wende wa kalolu udi bu mvula udi utalaja buloba.

Misambu 104:13

Udi ulokesha mvula wa muebe mu diulu, udi utabalela buloba bua buikale ne mayi makumbane.

Yirmeya 51:16

Yeye mutume amu diyi mayi adi unguila mu diulu, mavuba manene adi abanda afuma ku muelelu kua buloba. Mikenya idi ipenya, ileja mvula njila. Mpepele idi ipatuka mu mayeba a Maweja-Nangila.

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

1 Korente 3:6

Mvua mukune maminu, Apolose kuamiamina mayi. Kadi Mvidi Mukulu ke udi wamenesha.

Osheya 6:3

Tuenzayi muetu muonsu bua kumanya Maweja-Nangila, tukumbaje bidiye musue. Difika diende ndimane kujadika, anu bu mudi butuku butshia misangu yonsu. Neafike bua kutuambuluisha, bu mudi mvula mbedi uloka, bua kutalaja buloba.”

Misambu 72:6

Bukalenga buende bulengelele bantu, bu mudi mvula uloka mu madimi, walengeja, bu mudi mvula wa mudimbi utotesha buloba, ubufukisha.

Yobe 29:23

Bantu bavua bangindila bu mudibu bindila mvula. Bavua bantekemena bu mudibu batekemena mvula wa kumpala.

Misambu 135:7

Udi ubandisha mavuba ku ntengu ya buloba, ulokesha mvula wa mipenya, utuma tshipepele tshikole.

Yirmeya 5:24

Kadi nuvua mua kuamba ne: “Tudi mua kunemeka bumfumu bua Maweja-Nangila Mvidi Mukulu wetu. Bualu udi utupa mvula amu pa diba diende. Kabidi ku tshidimu tshionsu udi ukuata mudimu, bua bintu bia mu madimi bipie diba diakane.”