Zekâya 1:4 - MUKANDA WA MYIDI MUKULU

⁴ Kanulondi malu avua bankambua benu benza. Bambi bavua bababela ku kale mu dina dianyi, bua balekele malu abu mabi ne ngenzelu yabu mibi. Kadi kabavua basue kubateleja. Kabavua bitabe.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kanuikadi bu muakadi batatu benu, bobo mene bakambilabo kudi baprofete ba diambedi ne, Yehowa wa misumba udi wamba ne, Alukilai bienu kundi ne lekelai kulonda bienzedi bienu bibi ne malu mabi enu. Kadi Yehowa udi wamba ne, Bobo kabakangunvuila, kabakateleja matshu abo kundi.

Zekâya 1:4 Referans Kwoze

Misambu 78:8

Nenku, kabakulonda kabidi ngenzelu ya bankambua babu ivua mibi, ya bantu batomboke, bena mpala ibidi, kabayi balamate Mvidi Mukulu.

Yezekiyele 33:11

Nanku, telejayi mudibu banuambila kudi Maweja-Nangila Mvidi Mukulu udi ne muoyi. Tshiena musue bua bantu babi bafue nansha. Ndi njinga amu ne: balengeje nsombelu yabu, bikale ne muoyi. Nanku ndi nnulomba nuenu bena Izrayele ne: kanuenji kabidi bibi to! Nudi basue kufua bua tshinyi?”

Yirmeya 35:15

Meme kunutumina bantu banyi bavule, bambi, bua banuambile ne: ‘Muntu yonsu wa kunudi adilengeje. Enzayi malu mimpe. Kanulamatshi mvindie ya bantu ba bisamba bikuabu bua kuyitendelela. Nenku nenusombe mu buloba bumvua munupeshe nuenu ne bankambua benu.’ Kadi kanuvua banteleje ne ntema, kanuvua bangumvue nansha.

Zekâya 1:3

Kadi nupingane kundi, meme Maweja-Nangila; nenku nempingane kunudi. Meme ndi nnulaya nanku.

1 Petro 1:18

Nudi bamanye muvuabu banupikule ku nsombelu wa patupu, uvua bankambua benu banushile. Ki mbanupikule ku bintu bia lupitapita, bu mudi tshiamu tshia mpawungi, nansha tshiamu tshitoke tshia mushinga mukole.

Bienzedi 26:20

Bangabanga meme kulongesha mu Damase ne mu Yerushalayime, pashishe mu ditunga dijima dia Yudeya, ne mu matunga a bantu ba bisamba bikuabu. Mvua mulombe bantu bonsu, bua bandamune ngenzelu yabu, bapingane kudi Mvidi Mukulu, baleje ku malu mimpe adibu benza, mudibu badilengeja.

Bienzedi 3:19

Nanku nudilengeje, nupingane kudi Mvidi Mukulu, bua anujimijile mibi yenu.

Mika 2:6

Bamue badi bangamba ne: “Lekela kuakula nanku! Udi ukolesha malu! Bilumbu biudi utuasa mbia patupu!

Amosa 5:24

Nukuate mudimu bua bakose nsambu pa yoyi; bua malu mempe adi bantu benzelangana, ikale bu misulu idi yuwula mayi tente, ipasalala, kayiyi ikama dituku nansha dimue.

Osheya 14:1

Nebanyoke bena Samariya bua buenzayi buabu, bualu mbatombokele Mvidi Mukulu wabu. Nebafue mu myita ne bana babu, nebatundule bakaji babu badi ne mafu.

Yirmeya 44:16

— Udi wamba ne: ndi nnuambila malu mu dina dia Maweja-Nangila. Kadi tudi tubenga kukuteleja.

Yirmeya 26:5

Nulame malu adibu banuambila kudi bambi bena mudimu banyi. Mvua munutumine bambi matuku onsu, kadi kanuvua babateleje to.

Yirmeya 18:11

— Yirmeya, mpindiewu ambila bena Yuda ne badi basombe mu Yerushalayime ne: “Maweja-Nangila udi wamba ne: ndi mupangadike bua kununyoka. Ndi nnulongoluela dikenga. Muntu yonsu alekele kuenza malu mabi. Nukudimune malu enu, enzayi amu malu mimpe.”

Yirmeya 3:12

Nanku, ndi nkutuma bua uye kuela mbila luseke lua ku mutu kua ditunga ne: Wewe Izrayele muena tshiendenda, pingana. Tshiena mukufikile kabidi munda to. Bualu ndi ne luse. Tshiena nshala ne lukuna kashidi to. Meme Maweja-Nangila ndi njadika nanku.

Yeshaya 31:6

Nuenu bena Izrayele, pinganayi kudi Maweja-Nangila, unuvua balengulule bikole.

Nehemya 9:30

Bidimu bia bungi, wewe kubafuila luse. Bambi bebe kupeta Mueyelu webe, kubela bantu bebe, kadi nanshabu kubateleja. Ke wewe kubafila mu bianza bia bantu benyi.

Nehemya 9:26

Kadi bavua ne tshishiku. Nanku bobu kukutombokela, kubenga diyi diebe, kushipa bambi bebe, bavua bababela bua bapingane kuudi. Ke muvuabu bakuenzela bibi, bakupenda misangu ne misangu.

Nehemya 9:16

Kadi bankambua betu bavua bantomboji. Bavua baditambisha bikole, babenga kuitaba mikenji yebe.

Ezela 9:7

Tshikondu tshia bankambua betu too ne mpindiewu, tshisamba tshietu tshivua tshienza bibi bitambe. Ke pavuabu batukengesha, bakengesha bakalenga betu ne batuangaji betu, kudi bakalenga ba bisamba bikuabu. Bavua batuluisha, baya netu ku bupika, banyanga bintu bietu, babakuatshisha bundu, bu mudibu benza ne lelu mene ewu.

2 Kulondolola 34:21

— Nuye kukonka Maweja-Nangila buanyi meme, bua bena Izrayele, ne bua bena Yuda bonsu badi bashale ne muoyi, bua tumanye tshitudi mua kuenza, bua malu onsu adibu bafunde mu mukanda udibu bangule ewu. Bualu, bankambua betu kabavua bakumbaja mikenji ivuabu bafundamu to. Ke padi Maweja-Nangila mutufikile munda bikole.

2 Kulondolola 30:7

Kanulondi buenzayi bua batatuenu, nansha bua bana benu bavua batombokela Maweja-Nangila, Mvidi Mukulu wa bankambua babu. Maweja-Nangila uvua mubabutule bu munudi bamanye bajadike.

Yirmeya 4:1

Maweja-Nangila udi wamba ne: Izrayele, wewe mudilengeje, udi mua kupingana kundi. Wewe mumushe mvidie mibi indi tshiyi musue kumona, kuakunyemakana kabidi to.

Yirmeya 23:22

Bu bobu babuele mu tshipangu tshianyi, bavua mua kuambila bantu banyi malu onsu amvua muambe. Nanku bavua mua kuambuluisha bantu bua badilengeje.

Yezekiyele 20:18

“Mvua mukandike bana babu mu tshipela ne: Kanulondi meyi ne mikenji bivua bankambua benu badielela. Kunukukuidi mvidie yabu mibi imvua mubenge. Tshianana nudi nupia mikiya.

Yezekiyele 33:4

Padi muntu mumvue mpungi, ulengulula, baluishi bamukuate, bamushipe, yeye nkayende mmudikebele lufu.

Zekâya 7:7

Ku kale, bambi bavua bamane kunubela mushindu umue mu dina dia Maweja-Nangila. Tshikondu atshi, bena Yerushalayime, ne bena bimenga bivua bibanyungulule, bavua basomba talalaa. Ke tshikondu kabidi tshiwa buloba bua kuinshi mu ditunga, ne bua luseke ludi diba dibuelela, ne bantu ba bungi.

2 Kulondolola 30:6

Bantu bava Izkiya mutume abu, kuendakanabu mu buloba bua bena Izrayele ne bua bena Yuda. Mikanda ivuabu nayi ayi, bavua bayitua tshiala kudi mukalenga Izkiya ne bakulu ba mu ditunga diende. Bilondeshile bulongolodi bua mukalenga Izkiya, bantu abu bavua bamba ne: — Nuenu bena Izrayele bavua bapanduke ku mvita ya bena Ashure, pinganayi kudi Maweja-Nangila Mvidi Mukulu wa Abrahame, wa Izake ne wa Yakobe. Diba adi, Yeye neapingane kunudi.

Yirmeya 3:14

Maweja-Nangila udi wamba ne: Nuenu bana bavua bambenge, pinganayi. Meme ke mfumuenu. Nensungule muntu umue mu tshimenga etshi, bantu babidi mu musoku wawa, bua kubapingaja mu Siyone.

Yirmeya 25:8

Maweja-Nangila wa bukole buonsu udi wamba ne: “Kanuvua bateleje tshindi ngamba.

Yezekiyele 14:6

Ke paudi ne bua kumanyisha bena Izrayele ne: “Maweja-Nangila Mvidi Mukulu, udi unulomba ne: nudilengeje, nubenge mvidie yenu, nulekele malu enu onsu mabi.”

Danyele 9:6

Katuvua bateleje bivua bambi bena mudimu bebe, bambile bakalenga betu, bamfumu betu, batatuetu, ne bantu bakuabu bonsu, pavuabu babamanyishe malu mu dina diebe.