Yuda 1:21 - MUKANDA WA MYIDI MUKULU

²¹ Nuvuluke kashidi ne: Mvidi Mukulu udi utunanga Nutekemene luse lua Mfumu wenu Yezu Kristu, ludi lunupetesha muoyi wa kashidi.

Mukanda wa Nzambi Dihungila Dikulukulu ne Dihungila Dihia-dihia 2003

²¹ nudilame mu dinanga dia Nzambi, nutekemene luse lua Mukelenge wetu Yesu Kilisto tô ne ku muoyo wa tshiendelele.

Yuda 1:21 Referans Kwoze

1 Yone 4:16

Tuetu tudi bamanye, bitabe kabidi dinanga didi Mvidi Mukulu mutunange nadi. Mvidi Mukulu udi dinanga. Muntu udi unanukila mu dinanga, udi ushala munda mua Mvidi Mukulu, Mvidi Mukulu kabidi udi ushala munda muende.

2 Petro 3:12

Nuindile dituku dia Mvidi Mukulu. Nuenze muenu muonsu bua difike lukasa. Bushuwa dituku adi kapia nekoshe diulu. Bia mulu nebienguluke ku ndimi ya kapia.

Ebrewu 9:28

Ke muvuabu balambula Kristu musangu umue bua kujimija mibi ya bantu ba bungi. Neamueneke musangu muibidi, ki mbua kujimija mibi, kadi mbua kusungila badi bamuindila.

Didimanyisha 12:11

Bana betu mbamutshimune ku bukole bua mashi a Muana wa mukoku, ne ku bukole bua malu malelela avuabu bambe, bajadike. Bavua bajinga kufila muoyi wabu; nansha bua kufua bavua amu bitabe.

2 Tesalonike 3:5

Mfumu unzulule mioyi yenu, bua nuakidile Mvidi Mukulu udi ununanga, nuakidile kabidi Yezu udi ufila lutulu.

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.

Yowanane 14:21

Muntu udi ulama mikenji yanyi, uyitumikila, ke udi munnange. Muntu udi munnange, Tatu wanyi neamunange. Meme kabidi nemmunange, nendileje kudiye.

2 Timote 4:8

Mpindiewu tshidi tshinshadile tshidi amu bua meme kupeta nsala wa lumu. Mfumu, udi ukosa nsambu pa yoyi, neangele ka lumbandi dituku dia Tshilumbuluilu. Kakungela amu meme nkayanyi. Kadi neele kabidi bantu bonsu badi bindila ne dinanga diba didiye mua kumueneka.

2 Timote 1:2

Timote, muananyi munanga, ndi nkutumina mukanda ewu, nkujingila ne: dinanga, luse, ne bupole, bia kudi Mvidi Mukulu Tatu ne Mfumu wetu Yezu Kristu bishindame munda muebe.

Rome 8:39

nansha makole a mulu, nansha a pa buloba, nansha tshifukibua tshikuabu, kashidi kakuena tshintu nansha tshimue tshidi mua kutupandulula ne Mvidi Mukulu uvua muleje mu Yezu Kristu Mfumu wetu mudiye utunanga.

Rome 5:21

Nenku bu muvua bubi bupetela bukole kudi lufu, ke mudi kabidi dinanga dia Mvidi Mukulu dipetela bukole, pa-vuaye mutubingishe kudi Mfumu wetu Yezu Kristu, bua kutufikisha kudiye ku muoyi wa tshiendelele.

1 Yone 5:18

Tudi bamanye ne: muana wa Mvidi Mukulu nansha umue kena utungunuka ne dienza dia malu mabi, bualu Muana wa Mvidi Mukulu udi umulama. Nanku Muena bubi kena mua kumuenzela bualu.

Rome 5:5

Ditekemena adi kadiena ditushima to. Bualu Mvidi Mukulu mmumuangalaje dinanga diende mu mioyi yetu, ku bukole bua Mueyelu wa Tshijila uvuaye mutupeshe.

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Yuda 1:24

Mvidi Mukulu udi mua kunulama bimpe, bua kanuponyi mu bubi. Udi mua kunufikisha kabidi, kanuyi kalema, muoyi muwule tente ne musangelu, muaba unudi mua kumona butumbi buende.

1 Yone 5:21

Bana banyi, kanubuelakanyi ne mvidie ya dishima!

2 Timote 1:18

Mfumu anuambuluishe, bua dituku dia Tshilumbuluilu Mvidi Mukulu amufuile luse. Wewe kabidi udi mumanye bimpe bungi bua midimu ivuaye mungenzele mu Efeze.

Yowanane 1:17

Mvidi Mukulu uvua mutuelele mikenji idi Moshe mutumanyishe. Kadi dinanga ne bulelela mbifika kudi Yezu Kristu.

Yobe 14:14

Kadi muntu mumana kufua, udi mua kubika tshiakabidi anyi? Uvua amu mua kuikala ne lutulu mu matuku atshidiye ukuata mudimu panu, utekemena too ne paudi ufika, bua kunjula.

1 Timote 1:2

Timote, muananyi menemene mu ditaba, ndi nkufundila mukanda ewu, nkujingila ne: dinanga, luse, ne bupole, bia kudi Mvidi Mukulu Tatu ne Mfumu wetu Yezu Kristu, bishindame mu muoyi webe.

2 Timote 1:16

Mfumu asankishe bena diku dia Onesifore, bualu uvua munsambe misangu ya bungi. Kavua mumvue bundu bua pamvua mu lukanu.

Yuda 1:1

Meme Yuda, muena mudimu wa Yezu Kristu, ne muanabu ne Yakobe, ndi mfundila bonsu badi Mvidi Mukulu mubikile, badiye Yeye Tatu wetu unanga, badi Yezu ulama bimpe, mukanda ewu.

Yuda 1:22

Bantu batshidi bela mpata, nubafuile luse.