Yowele 2:21 - MUKANDA WA MYIDI MUKULU

²¹ Wewe buloba, kutshinyi kabidi, usanke, bualu Maweja-Nangila udi wenza malu manene.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Wewe buloba, kutshinyi nansha! Wikale ne disanka ne musangelu, bualu bua Yehowa wakuenza malu manene!

Yowele 2:21 Referans Kwoze

Yeshaya 54:4

Kutshinyi to. Kuena ufua kabidi bundu to. Kabakukupetula kabidi to. Nebakunemeke. Neupue muoyi bundu buuvua nabu ku bunsongakaji buebe. Kuakuvuluka kabidi kapeja ka diba diutshivua mukamba.

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Yirmeya 33:3

Umbikile meme, nenkuandamune. Nenkujinguluile malu manene masokoka audi kuyi mumanye to.

Yeshaya 35:1

Tshipela ne buloba bume nebileje disanka diabi. Ditunga divua ne minanga nedisangale, nedimeneshe bilongu

1 Samuele 12:16

Mpindiewu dilongololayi, nutangile tshishima tshinene tshidi Maweja-Nangila musue kuenza, nuenu bamone.

Zekâya 8:15

Kadi mpindiewu ndi mujadike bua kunuela lupemba, nuenu bena Yerushalayime, ne bena ditunga dia Yuda dijima. Nanku kanutshinyi kabidi.

Yowele 2:20

Baluishi benu badi batumina ku mutu kua ditunga, nembipate mutantshi mule, ku maloba a bipela ne minanga. Nengimanshe bena mvita babu badi benda kumpala mu Mayi manene a luepu; badi kunyima nembimanshe mu Mayi manene a pankatshi. Bitalu biabu nebinunke bibi, bantu kabayi mua kueyela bimpe. Nanku bantu bonsu bawa bakuenzela malu mabi mapite, nebajimine.

1 Samuele 12:24

Kadi nuenu, nuitabe bumfumu bua Maweja-Nangila, numuenzele mudimu muenu muonsu, kabidi ne muoyi mujima. Nuvuluke bishima binene bionsu bidiye munuenzele.

Dielulula 4:32

Mpindiewu nudikonke bua malu onsu avua menzeke kale, kabayi banji kunulela, katshia Mvidi Mukulu wafuka bantu pa buloba. Nuele meji ku bionsu bivua bienzeka pa buloba bujima. Malu makole a mushindu ewu akavua menzeke anyi? Bantu bakavua bumvua lumu lua malu a nunku anyi?

Misambu 98:8

Misulu ya mayi ikume bikashi, ne mikuna yonsu yele pamue mbila ya disanka,

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Osheya 2:21

Izrayele, nenkusele, ushale muena kuanyi kashidi. Biuma bindi nkusela nabi, ke dikulamata dianyi, ke bilenga bindi nkuenzela, ke dinanga dindi nkunanga nadi, ke luse lundi nkufuila.

Yeshaya 44:23

Eyowa, Maweja-Nangila udi muenze bualu. Diulu, leja disanka diebe patoke. Bidi mu kandondu ka buloba, imbayi ne meyi makole. Nuenu mitshi idi mu metu, nuenu kabidi mikuna, elayi mbila ya disanka. Bualu Maweja-Nangila udi upandisha bantu bende. Udi uleja lumu luende, padiye usungidila bena Izrayele.

Yeshaya 55:12

Nenupatuke mu Babilone, nusanke. Nebanupingaje kuenu mu bupole. Diba adi mikuna minene ne mikese, neyele mbila ya disanka. Mitshi yonsu ya mu mpata neituute bikashi kumpa la kuenu.

Misambu 71:19

Mvidi Mukulu, buakane buebe budi butua mulu, butua panshi. Udi muenze malu a dikema! Mvidi Mukulu wanyi, kakuena udi mufuanangane nebe.

Yowele 2:26

Nenudie, nenukute. Nenuntumbishe meme Maweja-Nangila Mvidi Mukulu wenu, udi unuenzela malu a kukema. Tshiena mua kufuisha bantu banyi bundu kabidi musangu nansha umue.