Yowele 2:1 - MUKANDA WA MYIDI MUKULU

¹ Elayi mpungi mu Siyone, elayi mbila pa mukuna wa tshijila wa Mvidi Mukulu! Nuenu bonsu bena ditunga, nuzakale, bualu dituku didi Maweja-Nangila ufika munda dikadi pabuipi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Elai mpungi mu Siona, elai mbila mu mukuna wanyi wa tshijila! Bena buloba ebu bonso bazakale; bualu bua dituku dia Yehowa didi diamba kulua, didi ha buihi!

Yowele 2:1 Referans Kwoze

1 Petro 4:7

Nshikidilu wa bionsu ukadi pabuipi. Nusombe ne meji, batabale, bua numone mua kutendelela.

Yowele 2:15

Elayi mpungi mu Siyone, nuele diyi bua bantu bajile biakudia, nubueje tshisangilu tshinene.

Yowele 1:15

Eyi, dituku didi dikuatshisha bowa, dituku didi Maweja-Nangila ufika munda, dikadi pabuipi. Didi difika pamue ne kabutu kavua Mvidi Mukulu wa bukole buonsu mumane kujadika.

Sefanya 3:11

“Dituku adi, nuenu bantu banyi, kanuena ne bua kufua kabidi bundu, bua buenzayi buenu, nansha bua malu mabi anudi bangenzele. Bualu nengumushe munkatshi muenu bantu badi baditambisha. Kanuena mua kuditumbisha kabidi pa mukuna wanyi wa tshijila.

Sefanya 1:14

Dituku dinene didi Maweja-Nangila ufika munda dikadi pabuipi. Didi difika ne lubilu luonsu. Pafika dituku adi bantu nebele mbila, kabayi ne ditekemena nansha, nansha bantu badi ne dikima dipite nebadile muadi!

Yirmeya 5:22

Maweja-Nangila udi ukonka ne: Kanuena nuvuluka bukole buanyi anyi? Kanuena nuntshina bua tshinyi? Meme ndi muteke lusenga bua luikale mukalu wa mayi manene. Ludi bu nkila muasa bua kashidi. Mayi kaena mua kusambuka nkila awu to. Adi atuuta ku nkila, kadi nkila kena ubumbuka to. Mavuala adi atuutaku ne tshiona tshikole, kadi kaena asambuka nkila to.

Yeshaya 66:2

Tshionsu tshinudi numona, meme ke udi mutshienze ne bianza bianyi. Ndi nnuambila ne: bionsu ebi mbianyi. Kadi muntu undi ntangila ne disanka, ke muena muoyi wa bupuekele, udi unyingalala bua mibi yende, udi uteleja diyi dianyi ne luzakalu, ungitaba.

1 Tesalonike 5:2

Bualu nudi bamanye ne: dituku dia Mfumu nedifike, mudi muivi ufika butuku.

Obadya 1:15

Bualu dituku, dindi meme Maweja-Nangila ndumbuluisha bantu bonsu, dikadi pa buipi. Nanku nebanuenzele bionsu binuvua benzele bantu bakuabu. Bubi buenu nebunupinganyine.

Amosa 3:6

Badi mua kuela mpungi wa mvita mu tshimenga, bantu kabayi bakuatshika bowa anyi? Tshipupu tshidi mua kukuata tshimenga, Maweja-Nangila kayi mutshitume anyi?

Osheya 5:8

Mu Ngibeya, elayi mpungi ya mvita. Mu Rama, elayi mpungi kabidi. Mu Betele-Awene, elayi lubila: bantu bambule bia mvita. Nuenu bena tshisamba tshia Binyamine, dimukayi, nudi mu njiwu!

Yezekiyele 7:12

Nshikidilu wafiki. Dituku dia tshilumbuluilu didi pabuipi. Basumbi ba bintu kabena mua kusanka, nansha basumbishi ba bintu kabena mua kunyingalala, bualu ndi mufikile bantu bonsu munda.

Yirmeya 4:5

Umanyishe bena Yuda ne: baluishi bakadi pabuipi. Udimuje bena Yerushalayime. Wele mpungi mu ditunga. Ela mbila ne diyi dikole, ubambile ne: nudisangishe mu bimenga bidibu bakoleshe ne bimana.

Yakobe 5:8

Nuenu kabidi nulame lutuulu, nukoleshe muoyi, bualu dituku didi Mfumu ufika dikadi pabuipi.

Filipe 2:12

Bana hetu bananga, pamvua munkatshi muenu, nuvua bantumikile misangu yonsu. Kadi nupite kuntumikila lelu, pandi tshiyipu! Nukuate mudimu, nutshine Mvidi Mukulu, numuzakele, bua nupande.

Sefanya 1:16

Dituku adi nebumvue bena mvita bela mpungi, bela mbila ya mvita, bua kuluisha bimenga bivuabu bakoleshe ne bimana, bua kushimbula tuleya tuabi tunene.

Amosa 8:2

Kungebejaye ne: — Amosa, tshiudi umona ntshinyi? Meme kuandamuna ne: — Ndi mmona tshibondu tshia bimuma bimane kuboba. Ke Maweja-Nangila kunjadikila ne: — Eyowa, bantu banyi bena Izrayele mbamane kuboba! Nshikidilu wabu mmufike! Mbimpe babalumbuluishe! Nembanyoke, tshiyi luse!

Osheya 8:1

Maweja-Nangila udi ungambila ne: Ela mpungi ya myita! Ela bibingu! Baluishi badi babuela mu ditunga dia Maweja-Nangila, bu nyunyi ya tshiminyi. Bualu Maweja-Nangila udi wamba ne: “Bena Izrayele mbanyange ndondu umvua mutue nabu. Kabena balonda mikenji yanyi.

Yezekiyele 33:3

Padi mutentekedi umona tshiluilu tshia baluishi, diakamue udi wela mpungi bua kudimuja bana babu.

Yezekiyele 12:23

Wambile bena Izrayele ne: meme Maweja-Nangila Mvidi Mukulu, tshiena mua kuanyisha bua bele kabidi kasumuinu aku to. Kabena mua kukela kabidi mu ditunga dia Izrayele to. Kadi ubambile ne: “Matuku akadi pabuipi. Malu adi Mvidi Mukulu uleja adi akumbana.”

Yezekiyele 7:10

“Monayi mudi dituku dia tshilumbuluilu difika. Kabutu nekafike. Nudi anu nukengeshangana, nudi anu nuditambisha.

Danyele 9:20

“Mwa ntendelela amu kutendelela, ntonda mibi yanyi, ne ya bena Izrayele, tshisamba tshianyi. Mwa nsengelela Mvidi Mukulu wanyi bua mukuna wende wa tshijila.

Danyele 9:16

Maweja-Nangila, utuenzele tshiakabidi malu mempe. Lekela tshiji tshiudi mukuatshile Yerushalayime, tshimenga tshiebe, mukuna webe wa tshijila. Bua bilema bietu ne bua mibi ya batatuetu, matunga onsu adi netu mutumba adi amu apenda Yerushalayime ne tshisamba tshiebe.

Danyele 6:26

Matuku apita, mukalenga wa bakalenga kutumina bantu ba matunga onsu, ba bisamba bionsu, ba miakulu yonsu, badi basomba pa buloba bujima, mukanda ubambila ne: “Ndi nnujingila ditalala dijima!

Yezekiyele 33:6

Kadi padi mutentekedi umona tshiluilu tshia baluishi kayi wela mpungi, kayi udimuja bana babu, baluishi bakuate muntu, bamushipe, tshilema ntshia mutentekedi. Meme nengase mutentekedi tshilumbu tshia pa lufu lua muntu awu.

Yirmeya 16:10

Pawambila bantu aba bualu ebu, nebakukonke ne: “Maweja-Nangila udi musue kututumina dikenga bunene nanku bua tshinyi? Tudi benze bualu bubi kaayi? Tudi benzele Maweja-Nangila Mvidi Mukulu bibi mushindu kaayi?”

Yirmeya 16:7

Muntu nansha umue kakufila biakudia mu nzubu wa madilu, nansha maluvu, bua kusamba badi mu madilu, nansha bobu badila tatu anyi mamu.

Yeshaya 66:5

Nuenu badi bateleja diyi dia Maweja-Nangila ne luzakalu, bamuitaba, umvuayi tshidiye unuambila. Nudi ne bena kuenu, badi banudiwula, banuipata munkatshi muabu, bualu nudi balamate Mvidi Mukulu. Badi banuamba, baseka ne: “Maweja-Nangila aleje bukole buende tumone munudi basanka!” Kadi bobu nebafue bundu.

Yeshaya 2:12

Dituku adi, Maweja-Nangila muena bukole buonsu, yeye nkayende neakose bilumbu. Neapuekeshe muntu udi udiamba ne: ndi munene, nansha ne: ndi mfumu.

Misambu 119:120

Mubidi wanyi udi uzakala bua kukunemeka, ndi ne bowa bua mapangadika ebe.

Misambu 87:1

Musambu wa mu mukanda wa misambu wa bena Kora. Maweja-Nangila udi muibake Yerushalayime, pa mikuna ya tshijila.

Dibadika 10:3

Pelabu mpungi ayi ibidi musangu umue, bantu bonsu basemene pabuipi nebe mu mushiku wa ntenta wa kusambakena.

Zekâya 8:3

Ke pandi ngamba ne: Nempingane mu Yerushalayime. Nensombe mu Siyone tshiakabidi. Bantu nebinyike Yerushalayime ne: ‘Tshimenga tshidi tshilamata Mvidi Mukulu.’ Mukuna wanyi wa Siyone, nebawinyike ne: ‘Mukuna wa tshijila.’

1 Kulondolola 15:28

Bena Izrayele bonsu kufika ne mushete wa tshijila mu Yerushalayime, batua tshianga, badidisha miadi ya mpungi mishilangane, ya ndibu, ya nkombe ne ya nzenze.

1 Korente 14:8

Padi muntu wela mpungi kayi umanyisha bualu patoke, wadilongolola ku mvita nnganyi?

Didimanyisha 6:17

Bualu dituku dinene dia tshiiji tshiabu ndimane kufika. Udi mua kubafuila nkanana nnganyi?”

Ekesode 10:14

Mpasu ayi ivua mipite bungi mu ditunga dijima dia Ejipitu, ikila miaba yonsu. Katshia mpasu kayivua mianji kumueneka bungi abu. Kabidi mikuabu kayena mua kumueneka kabidi bungi abu to.

Yezekiyele 30:3

Nedikale dituku didi ne mavuba adi akuatshisha bowa. Nedikale dituku dia kulumbuluisha bisamba.

Yowele 2:11

Maweja-Nangila udi wakula utantamana, ulombola bena mvita bende. Badi tshisumbu tshinene, batumikila diyi diende, kabayi ne udi mua kuambangana nabu. Dituku dia Maweja-Nangila, ndikuatshishe bantu bowa. Washala ne muoyi nnganyi?

Amosa 5:18

Bantu badi batekemena dituku dia Maweja-Nangila, didiye ne bua kudileja patoke, mbena diakabi. Dituku adi nedinulengelele ku tshinyi? — Nekuikale amu midima, butoke kabuyi bumueneka!

Zekâya 14:1

Dituku didi Maweja-Nangila ufika munda, dikadi pabuipi. Bena mu Yerushalayime, bantu nebabanyangane, bintu bienu, nuenu batangile.

Dibadika 10:2

— Wenzeje mpungi ibidi ya tshiamu tshitoke tshia mushinga mukole bua kubikila nayi bantu, nansha bua kubamanyisha diba didi tshiluilu tshionsu mua kubanga luendu.

Yeshaya 13:6

Dilayi muadi, bualu dituku dia Maweja-Nangila dikadi pabuipi, didi Mvidi Mukulu muena bukole buonsu musue kubutula bantu ne bintu.

Yeshaya 13:9

Monayi dituku dia Maweja-Nangila dikadi pabuipi, dituku kadiyi tuseku, dia tshiji, dia tshinyangu ne tshikisu. Maweja-Nangila neandamune ditunga dijima, dishale amu tshipela. Bena buenzavi nebabutuke bonsu.

Yezekiyele 21:12

Nebakuebeje ne: udi utua mikemu bua tshinyi? Newandamune ne: “Ndi mupete lumu lubi, lukadi pa kukumbana. Bianza biabu nebilengelele kabiyi ne bukole. Binu biabu nebitutakanangane. Nebasukuile mu bilamba bua bowa. Mioyi neyitekete. Tshikondu tshia kubanyoka tshikadi pabuipi. Telejayi! Bionsu abi nebikumbane mpindiewu. Maweja-Nangila ke udi umanyisha malu awu.”

Sefanya 1:7

Puwayi, Mvidi Mukulu Maweja-Nangila udi ufika. Dituku dia tshiji tshiende dikadi pabuipi! Maweja-Nangila mmulongolole mulambu. mMumane kumusha mikiya ya badiye mubikile bua kudia nabu didia dia mulambu.