Yowele 1:2 - MUKANDA WA MYIDI MUKULU

² Nuenu bakulu, umvuayi! Nuenu bonsu badi basombe mu ditunga dia Yuda, telejayi! Bualu bua mushindu ewu mbumane kuenzeka mu tshikondu tshienu, nansha tshia bankambua benu anyi?

Mukanda wa Nzambi Dihungila Dikulukulu ne Dihungila Dihia-dihia 2003

² Unvuai dî edi, nuenu bantu bakulumpe; telejai matshu enu, nuenu badi bashikame mu buloha ebu! Muanda bu nunku wakamueneka mu matuku enu, anyi? Wakamueneka mu matuku a batatu benu, anyi?

Yowele 1:2 Referans Kwoze

Yowele 2:2

Dituku adi ndia miidima mikole, ndia mavuba ne mabungi. Tshisumbu tshia mpasu tshidi tshifika, tshinene, tshikuatshisha bowa! Tshidi tshifikisha panshi, bu mudi butuku bufikisha pa mikuna. Katshia kabena banji kumona bualu bua mushindu ewu, kabena mua kubumona kabidi to.

Osheya 5:1

Telejayi bimpe, nuenu batuangaji, nuenu kabidi bamfumu ba bena Izrayele, ne nuenu bonsu badi basombe mu lubanza lua mukalenga, nuenu ke bavua mua kulumbuluisha bantu bimpe. Kadi, ku Mispa nuvua bateye bantu banyi. Ku mukuna wa Tabore, nuvua nubamuenekela bu bukondu bumana kuela.

Yirmeya 30:7

Dituku dia dikenga didi dienda disemena pabuipi. Kakuena dikuabu bu diodi. Makenga neikale miaba yonsu munkatshi mua ndelanganyi ya Yakobe. Kadi nebashale ne muoyi!

Yobe 8:8

Ukonke bankambua bavua bamane kuikala kumpala kuetu. Umanye bivua batatu batulongeshe.

Matayi 24:21

Bualu tshikondu atshi, dikenga nedikale dikole, dipite makenga onsu avua menzeke ku ntuadijilu wa bukua bantu, too ne mpindiewu. Makenga a nanku kaakuenzeka kabidi to.

Matayi 13:9

Ke Yezu kuamba kabidi ne: — Muena matshi a kumvua wasangana kumvua anyiee? Umvuee!

Mika 3:9

Ndi nnubela nuenu, bamfumu ba ndelanganyi ya Yakobe, ne bakoshi ba nsambu ba bena Izrayele. Nudi nubenga kuenza malu mimpe, nukosa bilumbu bibi.

Mika 3:1

Nuenu bamfumu ba ndelanganyi ya Yakobe, nuenu bakoshi ba nsambu ba bena Izrayele, ndi nnukonka ne: “Mudimu wenu kawena wa kukosa nsambu pa yoyi anyi?

Mika 1:2

Nuenu bisamba bionsu, telejayi. Buloba ne bionsu bidipu, teyayi matshi. Maweja-Nangila Mvidi Mukulu udi ulua kunufunda, utumina mu nzubu wende wa tshijila.

Amosa 5:1

Bena Izrayele, telejayi kasala ka madilu kandi nnuela:

Amosa 4:1

Nuenu bakaji ba mu Samariya, telejayi: nudi badiunde bibi, bafuanangane ne ngombe ya mu Bashane. Telejayi tshindi nnuambila ne: badi kabayi ne bukole, nudi nubanyenga bintu biabu, nukengesha bapele, nuambila babayenu ne: “Koleshayi! Nututuadile maluvu!”

Amosa 3:1

Bena Izrayele, telejayi. Nudi bantu bayua Maweja-Nangila mupatule mu Ejipitu. Udi unujadikila ne:

Yowele 1:14

Nuele diyi bua bantu bajile biakudia, nubueje tshisangilu tshinene, nusangishe bakulu, ne bantu bakuabu bonsu ba mu ditunga, bafike mu nzubu wa Mvidi Mukulu wetu, bamusengelele bua atuambuluishe.

Osheya 4:1

Maweja-Nangila udi umanyisha bena ditunga tshilumbu tshidibu natshi kudiye. Nuenu bena Izrayele, telejayi: Maweja-Nangila udi unuambila ne: “Nuenu bena ditunga edi, kanuena nulamatangana kabidi ne muoyi umue, kanuena nuenzelangana kabidi bimpe to. Kanuena bamanye Mvidi Mukulu. Kanuena nuenza tshidiye musue.

Danyele 12:1

“Mutumibue wa Mvidi Mukulu kungambila kabidi ne: ‘Tshikondu atshi nebafike kudi Mikayele, mfumu wa batumibue ba Mvidi Mukulu, mulami wa bantu bebe. Dituku adi nedikale dia dikenga, didi kadiyi dianji kumueka katshia bafuka bantu, too ne ku diba adi. Pashishe bana benu badi ne mena abu mafunda mu mukanda wa muoyi nebapande.

Yirmeya 5:21

Telejayi, nuenu bantu tshianana, badi kabayi bumvua bualu, kabayi ne lungenyi. Nuenu nudi ne mesu, kadi kanuena numona to. Nudi ne matshi, kadi kanuena numvua.

Yeshaya 34:1

Nuenu bukua bisamba, semenayi pabuipi, numvue. Ntelejayi, nuenu bantu bonsu. Buloba buteleje, buteleje ne bintu bionsu bidipu! Buloba buonsu bujadike bualu ebu, bobu ne bintu bionsu bidi bimenapu.

Yeshaya 7:17

Kadi Maweja-Nangila neanukengeshe, wewe ne bantu bebe, ne bena diku diebe dia bukalenga. Nenubuele mu dikenga dinudi kanuyi banji kumona, katshia bukalenga bua Izrayele babulukangana ne bukalenga bua Yuda. — Mukalenga wa bena Ashure neakumbaje bionsu ebi.

Misambu 49:1

Musambu wa mu mukanda wa mulombodi wa bena misambu. Musambu wa mu mukanda wa misambu wa bena Kora.

Yobe 21:7

Mudi bantu badi bela Mvidi Mukulu nyima, bashala ne muoyi, benda bakola, bakulakaja mene mbishi?

Yobe 15:10

Munkatshi muetu, mudi bantu bavua balonge malu bikole. Badi ne bidimu bia bungi bipite bivua tatuebe nabi.

Yobe 12:12

Bantu bakulumpe badi bajingulula malu. Badi balala panu baboboke, ke badi ne lungenyi.”

Didimanyisha 2:7

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nenganyishe bua badie tshimuma tshia mutshi wa muoyi, udi mu lupangu lua Mvidi Mukulu.”