Yowanane 9:7 - MUKANDA WA MYIDI MUKULU

⁷ Kumuambilaye ne: — Uye kuowa mayi ku mesu ku dijiba dia Silowa. (Dina adi Silowa didi diumvuija ne: “Mutumibue”.) Mpofu kuya ku dijiba, kuowa mayi ku mpala, kupingana umona.

Mukanda wa Nzambi Dihungila Dikulukulu ne Dihungila Dihia-dihia 2003

⁷ wakamuambila ne, Ya wowe mu tshina tshia mai a kuowa dina diatshi Siloama (kukudimuna kua muaku ne, Mutumibue). Wakaya biandi, wakowa, wakahingana mutabale.

Yowanane 9:7 Referans Kwoze

Yeshaya 35:5

Diba adi, mesu a bampofu neatabale, amone bimpe, matshi a bena mapapa, neunwue biakane.

Yowanane 11:37

Kadi bamue ba kudibu bavua bamba ne: — Muntu ewu uvua mutabaje mpofu mesu, muvuaye kayi mua kukuata mudimu bua Lazare kafu mbishi?

Yowanane 9:11

Kubandamunaye ne: — Muntu udibu binyika ne: Yezu, uvua musope bitotshi ne mate, undaba pa mesu, ungamba ne: “Uye kuowa mayi ku mpala mu dijiba dia Silowa.” Meme kuya ku dijiba, kuowa mayi. Mumane kuowa mayi, meme kushisha kumona.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Yeshaya 8:6

— Tshisamba etshi tshidi tshibenga mayi a mu mukidi wa Shilo, adi apueka kaayi muenji. Tshidi tshiteketa mu maboku, pa kumona bakalenga babidi aba: Resine ne Peka.

Misambu 146:8

Maweja-Nangila udi utabaja mpofu, ubandulula badi biname, munange badi bamulamata.

Luke 13:4

Bantu dikumi ne muanda mukulu, bavua kaleya ka Silowa kupukila, kashipa, nudi nuela meji ne: ke bavua babi bapite bantu bakuabu bonsu ba mu Yerushalayime ku bubi anyi?

Yeshaya 42:7

Neutabeje bampofu. Neupatuishe bena lukanu mu nzubu wa lukanu, muaba udibu basomba, bindile mu miidima.”

Nehemya 3:15

Tshiibi tshia ku Mpokolu wa mayi bavua batshilongolola kudi Shalume, muana wa Koloze. Shalume uvua mulombodi wa buloba bua Mispa. Shalume mumane kulongolola tshiibi atshi, muenze ne mutu watshi, kuelaye bitupa bibidi bia tshiibi ku mbelu. Kuasaye milonda ya kupayika nayi tshiibi. Pashishe, kuibakululaye tshimana pabuipi ne dijiba dia Shilowa, pankatshi pa lupangu lua mukalenga, ne tshibandilu tshidi tshifumina mu Tshimenga tshia Davide.

Ekesode 4:11

Maweja-Nangila kuandamuna ne: — Lekela kuamba nanku. Udi mufuke muntu ne mukana mua kuakula nnganyi? Nanku muntu udi mua kuakula bimpe nansha kushala kamama, kumvua nansha kuikala ne mapapa, kumona nansha kayi umona ku bukole bua nganyi? Ki nku bukole buanyi meme Maweja-Nangila anyi?

Ngalate 4:4

Kadi pakafika tshikondu tshivua Mvidi Mukulu mujadike, kutumaye Muanende. Bavua bamulele kudi mukaji. Uvua ne bua kukumbaja kabidi mikenji ya bena Yuda.

Rome 8:3

Mvidi Mukulu mmukumbaje bivua mikenji ya Moshe kayiyi mua kupeta bualu bua butekete bua bantu. Bua kutshimuna bubi buvua ne bumfumu mu bantu, Mvidi Mukulu kutuma Muanende wa menemene, bua angate buntu bufuanangane ne bua benji ba malu mabi, bua amone mua kumushamu bubi.

Yowanane 10:36

Nanku meme, Mvidi Mukulu mmunsungule, muntume pa buloba. Mmunyi munudi nungamba ne: udi usendeka Mvidi Mukulu, pandi njadika ne: ndi Muana wa Mvidi Mukulu?

Yowanane 9:39

Ke Yezu kuamba ne: — Ndi mulue pa buloba ebu bua balumbuluishe bantu: bua bampofu bamone, kabidi bua badi bamona bashale bampofu.

Luke 2:32

Ke butoke budi bumanyisha bisamba bionsu muudi, bupetesha bena Izrayele, bantu bebe, lumu.

Yeshaya 43:8

Nufike ne bantu aba ku tshilumbu. Bualu badi ne mesu, kabayi bamona tshintu, badi ne matshi, kabayi bumvue bualu.

Yeshaya 32:3

Bantu aba badi ne mudimu wa kutabalela makenga a bantu, kabakushala kabidi bampofu to. Bantu aba badi ne bua kumvua, nebateleje bimpe tshidi bantu bamba.

Matayi 11:5

mpofu idi imona, batebuki badi benda, bena nsudi badi bapanda, bena mapapa badi bumvua, bafue badi babika, bapele badi babamanyisha Lumu lua Disanka.