Yowanane 8:6 - MUKANDA WA MYIDI MUKULU

⁶ Bavua bamba nanku bua kumuteta, bua kumonabu mua kumusonguela. Kadi Yezu kuzonzama, kubanga kufunda ne munu panshi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bakamba nunku, bamuteta munda bua kuikalabo ne tshibandidi tshia kumubanda batshi. Kadi Yesu wakazonzama, wakadi ufunda hanshi ne munu wandi.

Yowanane 8:6 Referans Kwoze

Yirmeya 17:13

Maweja-Nangila, bena Izrayele badi bakutekemena amu wewe. Nanku badi bakubenga, bundu buasangana kubakuata anyi? Buabakuata! Bonsu badi bakubenga wewe, mbajimine bu mena adibu bafunde mu lupuishi. Bualu mbumuke kuudi wewe, Maweja-Nangila mpokolu wa muoyi.

Luke 10:25

Ke mulongeshi wa mikenji kufika kudi Yezu, kumuela lukonku bua kumuteya, wamba ne: — Mulongeshi, bua kupeta muoyi wa kashidi, ngenze tshinyi?

Matayi 19:3

Baparushe bakuabu kusemena kuvua Yezu bua kumuteta. Kumukonkabu ne: — Bilondeshile mikenji yetu, mulume udi mua kuipata mukajende pa bualu buonsu anyi?

Amosa 5:10

Ku tshilumbuluilu nudi nukina muntu udi unuvuluija munudi mua kukosa nsambu pa yoyi; nudi nutshina bikole udi ujadika malu amu muvuawu menzeke.

Muambi 3:7

tshikondu tshia kupanda bilamba, ne tshikondu tshia kubitela. Kudi tshikondu tshia kupuwa, ne tshikondu tshia kuakula.

1 Korente 10:9

Katuena mua kuteta Mfumu, muvua bamue ba kudibu benze. Ke nyoka kubasuma, bobu kufua.

Marke 10:2

Baparushe bakuabu kusemenabu kudiye bua kumuteta. Bobu kumukonka ne: — Mikenji yetu mmianyishe bua muntu abenge mukajende anyi?

Marke 8:11

Baparushe kufika, kutuadijabu kuelangana mpata ne Yezu bua kumuteta. Kumulombabu bua aleje tshishima tshidi tshijadika ne: bumfumu buende mbufume kudi Mvidi Mukulu.

Matayi 26:63

Kadi Yezu uvua amu mupuwe. Ke mutuangaji munene kukonka Yezu ne: — Mu dina dia Mvidi Mukulu udi ne muoyi, ndi nkulomba bua utuandamune, uditshipe. Udi Kristu, Muana wa Mvidi Mukulu anyi?

Matayi 22:35

Umue wabu, mulongeshi wa mikenji, uvua musue kuteta Yezu. Kumukonkaye ne:

Matayi 22:18

Kadi Yezu uvua mujingulule meji abu mabi. Kubambilaye ne: — Nuenu bena mpala ibidi, nudi nunteya bua tshinyi?

Matayi 16:1

Baparushe ne Basaduke kuya kudi Yezu bua kumuteta. Bavua bamulomba bua abaleje ne tshishima mudi bumfumu buende bufume kudi Mvidi Mukulu.

Matayi 15:23

Kadi Yezu nansha kumuandamuna. Balongi bende kusemena kudiye, bamulomba ne: — Mumushe! Bualu udi wenda utulonda, wela amu mbila!

Matayi 10:16

— Telejayi! Ndi nnutuma bu mikoku munkatshi mua nkashama. Nanku nuikale ne budimu bu bua nyoka, kabidi ne muoyi mulenga bu wa nyunyu wa nkudimba.

Amosa 5:13

Tshikondu etshi ntshibi. Ke padi muntu mudimuke upuwa vii.

Danyele 5:5

Diba adi, tshianza tshia muntu kumuenekela pabuipi ne tshitekelu tshia miendu. Tshianza kufunda bualu ku tshimana tshia nzubu wa bukalenga tshivuabu balaba lupemba. Mukalenga pakumonaye tshianza etshi tshifunda,

Nsumuinu 26:17

Kubuelakana mu matandu adi kaayi ebe, kudi bu kukeba kukuata ku matshi a mbua udi upita mu njila.

Dibadika 14:22

muntu nansha umue wa ku ndelanganyi eyi kakubuela mu Kenaane to. Bualu bantu aba mbamane kumona butumbi buanyi, ne malu a dikema andi mubenzele mu Ejipitu ne mu tshipela. Kadi nansha bobu bamone nanku, kabavua bangitaba to. Bavua bantete misangu ne misangu!

Genese 49:9

Yuda, muananyi, udi bu muana wa ntambue. Udi ushipa nyama, upingana muaba uvuaye mulale. Ntambue udi utua tshiadi panshi, ulala. Kakuena udi mua kumujula ku bukole.

Yowanane 8:2

Butshia dinda dionsu, kupinganaye mu nzubu wa Mvidi Mukulu. Bantu bavule kutantshila kudiye. Yezu usomba kubangaye kubalongesha.

Luke 11:16

Bantu bakuabu bavua basue kuteta Yezu. Kumulombabu bua enze tshishima tshidi mua kujadika mudi bumfumu buende bufume kudi Mvidi Mukulu.

Marke 12:15

Kadi Yezu uvua mumanye ne: mbasokoke meji abu malelela. Kubandamunaye ne: — Nudi nunteta bua tshinyi? Ndejayi lukanu lunudi nalu, ndumone.

Misambu 39:1

Musambu wa mu mukanda wa mulombodi wa bena misambu ne wa mu mukanda wa Yedutune. Wa mu mukanda wa misambu ya Davide.

Marke 3:2

Bantu bonsu bavuamu bavua batentekela Yezu bikole bua kumona ne udi mua kuondapa muntu dituku dia Dikisha, bualu bavua bakeba pa kumufundila.