Yowanane 3:3 - MUKANDA WA MYIDI MUKULU

³ Yezu kumuandamuna ne: — Ndi nkuambila bulelela ne: muntu nansha umue kena mua kumona Bukalenga bua Mvidi Mukulu kabayi bamulele tshiakabidi.

Mukanda wa Nzambi Dihungila Dikulukulu ne Dihungila Dihia-dihia 2003

³ Yesu wakamuandamuna ne, Bulelela, bulelela, adi nkuambila ne, Bikala muntu kai muledibue tshiakabidi, kena mumanye mua kutangila bukelenge bua Nzambi.

Yowanane 3:3 Referans Kwoze

2 Korente 5:17

Padi muntu udisanga ne Kristu, ukadi muntu mupiamupia: bikulukulu mbimane kushila bipiabipia muaba.

1 Yone 3:9

Muntu yonsu udi muana wa Mvidi Mukulu, udi ulekela kuenza malu mabi, bualu bukole bua muoyi budi bufuma kudi Mvidi Mukulu budi munda muende. Bu mudi Mvidi Mukulu Tatuende, kena mua kutungunuka ne dienza malu mabi to.

1 Yone 5:1

Muntu yonsu udi witaba ne: Yezu udi Kristu, udi muana wa Mvidi Mukulu. Muntu yonsu udi unanga tatu, udi unanga kabidi ne bana bende.

Tite 3:5

ke Yeye kusungidila, ki mbua midimu mimpe ituvua benze, kadi anu bua luse luende. Uvua mutusungidile, bualu bavua bafume mu mayi, batulele tshiakabidi, batupeshe muoyi mupiamupia kudi Mueyelu wa Tshijila.

Yowanane 1:13

Kabena babalele ku bukole bua mashi, mudi tatu wa pa buloba ulela muana. Kadi Mvidi Mukulu nkayende ke udi mubapeshe muoyi mupiamupia.

1 Yone 2:29

Nudi bamanye ne: Kristu ki mmuenze bualu bubi nansha bumue. Nanku nudi ne bua kumanya kabidi ne: muntu yonsu udi wenza malu mimpe, udi muana wa Mvidi Mukulu.

1 Petro 1:3

Tutumbishayi Mvidi Mukulu, Tatu wa Mfumu wetu Yezu Kristu! Bu mudiye ne luse luvule, mmutupe muoyi mupiamupia pa kubisha Yezu Kristu ku bafue. Ke mutudi mua kutekemena bikole,

Ngalate 6:15

Nansha bakuteke panshi, nansha kabayi bakuteke panshi, kabiena ne bualu. Tshikole Mvidi Mukulu anuenze bantu bapiabapia.

1 Yone 5:18

Tudi bamanye ne: muana wa Mvidi Mukulu nansha umue kena utungunuka ne dienza dia malu mabi, bualu Muana wa Mvidi Mukulu udi umulama. Nanku Muena bubi kena mua kumuenzela bualu.

2 Korente 4:4

Diabolu, nwidie mubi wa pa buloba ebu, mmututubije lungenyi luabu. Ke padibu kabayi mua kuitaba Lumu lua Disanka, kabayi mua kumona bukenke budilu lutangalaja. Mu bukenke ebu butumbi bua Kristu budi bumueneka patoke. Mu Kristu mene Mvidi Mukulu udi umueneka.

Yowanane 12:40

“Mvidi Mukulu uvua mubafofamije mesu, mututubije lungenyi luabu, bua mesu abu kaamonyi, lungenyi luabu kalujinguludi bualu, bua kabapinganyi kundi, bua meme kubasungidila.”

Efeze 2:1

Kale nuvua bafue bua bilema bienu, ne bua mibi yenu.

Yirmeya 5:21

Telejayi, nuenu bantu tshianana, badi kabayi bumvua bualu, kabayi ne lungenyi. Nuenu nudi ne mesu, kadi kanuena numona to. Nudi ne matshi, kadi kanuena numvua.

Yowanane 1:5

Butoke budi bukenka mu miidima. Kadi miidima kayivua mibuanyishe.

Dielulula 29:4

Maweja-Nangila uvua munulombole mu tshipela bidimu makumi anayi, bilamba bienu, nansha bisabata bienu, kabiyi bisunsuke to.

Yakobe 3:17

Kadi meji a kulu kaena kalema. Adi akeba bupole, akidila bantu bimpe, aleja musangelu, afuila bantu luse, enza malu mimpe mavule. Kaena adiwula muntu, kaena ne mioyi ibidi.

Yowanane 1:51

Yezu kuamba kabidi ne: — Ndi nnuambila bulelela ne: nenumone diulu diunzuluke, batumibue ba Mvidi Mukulu babanda bapueka kulu kua Muana wa muntu.

Matayi 16:17

Pashishe Yezu kumuambila ne: — Wewe Simone, muana wa Yowanane, udi wa diakalenga, bualu udi mukujanduile bulelela ebu, ki mmuntu wa mubidi ne mashi to, kadi nTatu wanyi udi mu diulu.

Matayi 5:18

Ndi nnujadikila bulelela ne: too ne muajimina diulu ne buloba, kabena mua kukupula dileta nansha dikese, kalu nansha kamue ka mu mikenji. Bionsu bidi mikenji yamba, nebikumbane.

Didimanyisha 3:14

— Fundila mutumibue wa Tshisumbu tshia bena ditaba ba mu Lawodikiya ne: “Amene, mujadiki wa malu malelela ne wa diyi dimue, mfuki wa bionsu bivua Mvidi Mukulu mufuke, udi wamba ne:

Yezekiyele 36:26

Nennupe muoyi mupiamupia. Nembueje mueyelu mupiamupia munda muenu. Nengumushe muoyi wenu mupape bu dibue, mpingaja muoyi wa muntu.

Matayi 19:24

Ndi nnujadikila kabidi ne: bu mudibi bikole bua nyama wa kamelu kubuela mu disu dia kashingi, ke mudibi bikole bipite bua muena mpetu kubuelaye mu Bukalenga bua Mvidi Mukulu.

Matayi 21:31

Ku bana babidi aba, udi muenze tshivua tatuende musue nnganyi? Kumuandamunabu ne: — Anu muana wa kumpala. Nanku Yezu kubambila ne: — Ndi nnujadikila bulelela ne: balambuishi ba bitadi, ne bakaji bena buendenda, nebanudianjidile mu Bukalenga bua Mvidi Mukulu.

Marke 9:47

Pikala disu diebe dikufikisha ku bubi, uditonkone, bidi bimpe wewe kubuela mu Bukalenga bua Mvidi Mukulu ne disu dimue pa mutu pa kushala ne mesu abidi, kukuimanshabu mu kandondu ka bafue.

Marke 10:14

Padi Yezu umona nanku, kusodiaye, kuambila balongi bende ne: — Lekelayi kukandika bana! Balekelayi balue kundi, bualu Bukalenga bua Mvidi Mukulu mbua badi bu bana.

Yowanane 3:4

Nikodemu kukonka Yezu ne: — Kadi muntu mumane kukulakaja, badi mua kumulela tshiakabidi munyi? Udi mua kubuela munda mua mamuende bua kumulelabu musangu muibidi anyi?

1 Yone 5:4

Bualu muana yonsu wa Mvidi Mukulu udi mua kutshimuna bukua panu. Nanku netutshimune bukua panu, amu patudi tuitaba.