Yowanane 2:4 - MUKANDA WA MYIDI MUKULU

⁴ Kadi Yezu kumuandamuna ne: — Mamu, wewe ke ukadi ungambila tshindi ne bua kuenza anyi? Diba dianyi ki ndianji kukumbana.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yesu wakamuambila ne, Mukashi, ndi nʼebe bualu kai? Diba dianyi kadiena dianze kulua.

Yowanane 2:4 Referans Kwoze

Yowanane 7:6

Yezu kubambila ne: — Dianyi diba kadiena dianji kufika to. Kadi buenu nuenu, diba dionsu ndimpe.

Yowanane 13:1

Dituku dimue kumpala kua tshibilu tshia Dipita dia Maweja-Nangila, Yezu mumanye muvua diba dimane kufika dia kumuka panu bua kupingana kua Tatu, bu muvuaye munange bantu bende ba pa buloba matuku onsu, kubanangaye too ne ku ndekelu.

Yowanane 8:20

Yezu uvua muambile bantu miaku eyi, pavuaye ulongesha mu nzubu wa Mvidi Mukulu, mu tshibambalu tshiyuabu balamina mishete ya kuela makuta a kulambula Mvidi Mukulu. Muntu nansha umue kavua mumukuate, bualu diba diende kadivua dianji kukumbana.

Yowanane 7:30

Nanku bantu bavua basue kumukuata. Kadi muntu nansha umue kavua mua kumupeta, bualu diba dia kumukuata kadivua dianji kukumbana.

Yowanane 12:23

Yezu kubandamuna ne: — Diba ndimane kukumbana mpindiewu didi bantu ne bua kutumbisha Muana wa muntu.

Muambi 3:1

Bionsu bidi bienzeka pa buloba bidi ne tshikondu tshiabi.

Matayi 8:29

Ke bobu kuela mbila ne: — Muana wa Mvidi Mukulu, butudi nebe mbunganyi? Udi mufike bua kutunyoka, diba kadiyi dianji kukumbana, bua tshinyi?

2 Samuele 19:22

Kadi Abishayi, muana wa Seruya, kukonka mukalenga Davide ne: — Bualu budi Shimeyi wamba ebu, ke budi butukandika bua katumushipi anyi? Kena mutshipe mukalenga uvua Maweja-Nangila musungule anyi?

2 Samuele 16:10

Mukalenga Davide kumukonka ne: — Wewe Abishayi ne muanenu Yowabe, nudi nubuelakana mu bualu ebu bua tshinyi? Pikala muntu ewu umpenda, misangu mikuabu Maweja-Nangila ke udi mumutume bua kumpendaye. Nanku muntu kena mua kumutandisha to.

Yowanane 20:15

Yezu kumukonka ne: — Mukaji, tshiudi udidila ntshinyi? Uudi ukeba nnganyi? Mariya uvua muele meji ne: mmuena mudimu wa mu lupangu alu. Ke kumuambaye ne: — Ne ngwewe udi mumumbushe, ungambile kuudi mumuteke, nye kumuangata kabidi.

Yowanane 20:13

Batumibue ba Mvidi Mukulu kumukonka ne: — Tshiudi udidila ntshinyi? Yeye kubandamuna ne: — Mbapatule Mfumuanyi mu lukita. Tshiena mumanye muaba udibu bamuteke.

Luke 2:49

Yezu kubandamuna ne: — Kadi nuvua nunkebela tshinyi? Kanuena bamanye ne: ndi ne bua kuikala mu malu a Tatuanyi anyi?

Matayi 15:28

Ke Yezu kukema, wamba ne: — Kia! Mukaji, ditaba diebe ndinene! Biudi ujinga nebienzeke. Muanende kupanda anu diba adi.

Dielulula 33:9

Bena levi mbakunange wewe Maweja-Nangila, bipite mudibu bananga baledi babu, bena meku abu, nansha bana babu badibu balele. Ke muvuabu bakumbaje mikenji yebe, banemeke nanku ndondu webe.

2 Korente 5:16

Nenku kutuadija ku lelu, katutshiena tulumbuluisha mudi bantu balumbuluisha muntu nabu. Ku kale tuvua balumbuluishe Kristu mushindu awu. Kadi mpindiewu katuena tuenza kabidi nanku to.

1 Bakalenga 17:18

Mamuende wa muana kukonka muambi Eliya ne: — Muambi wa Mvidi Mukulu, udi mungenzele nenku bua tshinyi? Udi mufike muaba ewu bua wewe kuvuluija Maweja-Nangila buenzayi bundi muenze, bua Maweja-Nangila kushipa muananyi anyi?

Yowanane 2:3

Pasua mviny o mumane kujika yonsu mamuende wa Yezu kumuambila ne: — Kabatshiena ne nwinyo kabidi to.

Yowanane 7:8

Nuye nuenu ku tshibilu. Meme tshiena nya ku tshibilu etshi to, bualu dianyi diba kadiena dianji kufika.