Yowanane 19:4 - MUKANDA WA MYIDI MUKULU

⁴ Pilate kupatuka tshiakabidi, kuambila bantu ne: — Telejayi. Ndi nnupatuila muntu ewu pambelu, bua numanye ne: tshiena musangane bualu nansha bumue bundi mua kufundila muntu ewu tshibawu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Pilato wakaluhuka, wakalua kudibo kabidi, wakabambila ne, Tangilai, nakulua nʼandi kunudi bua nuenu mimanye ne, Tshiena mumusangane ne dihila.

Yowanane 19:4 Referans Kwoze

Yowanane 19:6

Kadi bamfumu ba batuangaji ne balami bamumona, kuelabu mbila ne: — Umupopele ku mutshi mutshiamakane! Umupopele ku mutshi mutshiamakane! Pilate kubambila ne: — Muangatayi nuenu nkayenu, numupopele ku mutshi mutshiamakane. Bualu meme tshiena musangane bualu nansha bumue bundi mua kumufundila tshibawu.

Yowanane 18:38

Pilate kumukonka ne: — Bulelela ntshinyi? Pilate mumane kuamba nanku, kupatukaye tshiakabidi pambelu. Kuyaye kudi bena Yuda, ubambila ne: — Tshiena musangane bualu nansha bumue bundi mua kufundila muntu ewu tshibawu to.

Luke 23:4

Ke Pilate kuambila bamfumu ba batuangaji, ne bantu bakuabu, ne: — Tshiena musangane bualu nansha bumue, bundi mua kunyokela muntu ewu.

Luke 23:47

Mfumu wa basolayi ba bena Rome umona bivua bienzeka, kutumbishaye Mvidi Mukulu, wamba ne: — Bushuwa, muntu ewu kavua ne bualu to.

1 Yone 3:5

Nudi bamanye ne: Yezu Kristu wakamueneka bua kumusha bubi. Munda muende kamuena bubi to.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

1 Petro 2:22

Kristu kavua muenze malu mabi. Bantu kabavua bamumvue musangu nansha umue wakula miaku ya dishima.

1 Petro 1:19

Kadi bavua banupikule ku mulambu wa mushinga mukole wa Kristu, uvua bu muana wa mukoku, kayi kalema, kayi katoba.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Luke 23:41

Buetu tuetu, dinyoka edi pa bualu. mBatuenzele bilondeshile bituvua benze. Kadi yeye, kena ne bubi budiye muenze.

Matayi 27:54

Mulombodi wa basolayi muena Rome, ne basolayi bende bavua balame Yezu pamue nende, bamona muvua buloba buzakala, ne bionsu bitua bienzeka, kutshinabu bikole, bamba ne: “Muntu ewu utua Muana wa Mvidi Mukulu bulelela!”

Matayi 27:24

Pilate umona ne: kumuena mushindu wa kutungunuka, bualu mutoyi wa bantu uvua anu wenda uvulangana, kuangataye mayi, kowaye bianza, bantu batangile, wamba ne: — Tshilumbu tshia lufu lua muntu ewu katshinkuatshi! Buenu bualu!

Matayi 27:19

Pavua Pilate mu kabadi ulumbuluisha, mukajende kumutumina mukenji ne: “Kubuelakanyi mu tshilumbu tshia muntu udi kayi ne bualu awu. Bualu butuku bua lelu, ndi mukenge bikole mu tshilota bualu buende.”

Matayi 27:4

Kubambilaye ne: — Ndi muenze bibi, mufikishe ku lufu muntu udi kayi ne bualu. Kadi kumuandamunabu ne: — Bualu buetu anyi? Abu mbualu buebe!

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

Yowanane 18:33

Pilate kupingana mu nzubu wa bukalenga. Kubikilaye Yezu, umukonka ne: — Udi mukalenga wa bena Yuda anyi?