Yowanane 10:2 - MUKANDA WA MYIDI MUKULU

² Kadi udi ubuelela ku tshiibi, mmulami wa mikoku.

Mukanda wa Nzambi Dihungila Dikulukulu ne Dihungila Dihia-dihia 2003

² kadi wabuelela ku mbelu udi mulami wa mikoko.

Yowanane 10:2 Referans Kwoze

Yowanane 10:14

Ndi mulami muimpe wa mikoku. Mudi Tatu mummanye, kabidi mundi mumanye Tatu, ke mundi mumanye mikoku yanyi, mikoku yanyi kabidi idi mimmanye. Ndi mfila kabidi muoyi wanyi bua mikoku yanyi.

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

1 Petro 5:4

Nanku pamueneka Mfumu wa balami ba mikoku, nenupete nsala wa butumbi, udi kashidi kayi ututuka.

Misambu 23:1

Musambu wa mu mukanda wa misambu ya Davide. Maweja-Nangila, ke wanyi mundami. Nanku tshiakukenga tshintu.

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Muambi 12:11

Bualu miaku ya bantu ba meji idi bu misongolu idi balami baludika nayi mikoku, idi bu ndami idi isuikakaja malu adi muntu mumanye. Miaku eyi mmifume kudi Mvidi Mukulu. Yeye udi mulami umuepele buetu bonsu.

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

1 Timote 4:14

Kulenguludi dipa dia kudi Mvidi Mukulu didi munda muebe, diuvua mupete pavua bambi bakule, bakulu bakutenteke bianza.

Yowanane 10:9

Ndi tshiibi. Muntu udi ubuelela kundi neapande. Neabuele, neapatuke, neapete kabidi tshiakudia tshiende.

Yowanane 10:7

Yezu kuamba kabidi ne: — Ndi nnujadikila ne: meme ndi tshiibi tshia lupangu lua mikoku.

Zekâya 11:8

Meme kuipata ku mudimu balami basatu ba mikoku, munkatshi mua ngondu umue. Kadi tshivua mulame mikoku ne lutulu, bualu ivua imbenga.

Zekâya 11:5

Bantu badi bayisumba badi bayishipa, kabayi bitaba ne: tudi ne tshilumbu. Bantu badi bayisumbisha badi bela mbila ne: “Tuele Maweja-Nangila tuasakidila, bualu tudi ne bintu bivule!” Balami bayi mene kabena bayifuila luse.

Zekâya 11:3

Bakalenga ba matunga mbase miadi, tshikondu tshiabu tshia kuditambisha ntshijike. Nyama ya ntambue idi ikungula, bualu mbabutule metu ayi mimpe, ku muelelu wa Yardene.

Yezekiyele 34:23

Nenteke muntu anu umue bua kuikalaye mulami wa mikoku yanyi. Yeye neayilame bimpe bu muvua Davide wanyi wenza.

Misambu 80:1

Musambu wa mu mukanda wa mulombodi wa bena misambu, wa mu mukanda wa misambu ya Asafe, wa kuimba ne lunzenze.

Didimanyisha 1:20

Udi umona mitotu muanda mutekete idi mu tshianza tshianyi tshia balume, ne bitekelu muanda mutekete bia miendu bia mpawungi. Ndi nkumvuija mudibi: mitotu muanda mutekete ke batumibue muanda mutekete ba Bisumbu muanda mutekete bia bena ditaba, bitekelu muanda mutekete ke Bisumbu muanda mutekete bia bena ditaba.

1 Petro 2:25

Bualu nuvua bu mikoku mipambuke njila. Kadi mpindiewu mbanupingaje kudi mulami udi mua kunuludika mu njila, kulama mioyi yenu.

Tite 1:5

Mvua mukushiye mu tshidila tshia Kreta, bua wewe kulongolola bimvua meme tshiyi mujikije. Nanku mu tshimenga tshionsu uteke bakulu ku mutu kua Tshisumbu tshia bena ditaba. Uvuluke meyi ne mikandu bimvua mukushile.

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Mika 5:5

Nebadie bumfumu mu buloba bua bena Ashure. Nebakuate ditunga dia Nemrode, ne bia mvita ku bianza. Mukalenga wetu neatusungidile kudi bena Ashure, padibu basambuka mikalu, babuela mu ditunga dietu.

Yeshaya 63:11

Amu diba adi, bantu bende kuvuluka Moshe, ne malu avua menzeke kale. “Mvidi Mukulu uvua musambuishe kale bantu bende ne balombodi babu mu mayi manene, mpindiewu udi penyi? Mvidi Mukulu uvua mutume Mueyelu wende munkatshi muabu, udi muaba kaayi?

Matayi 15:11

Tshidi tshibuela mukana mua muntu ki ntshidi tshimupisha mikiya to. Kadi amu tshidi tshipatukamu, ke tshidi tshimupisha mikiya.