Yowanane 10:12 - MUKANDA WA MYIDI MUKULU

¹² Muntu udi ukuata mudimu amu bua kupeta difutu, kayi mulami wa mikoku, kabidi kayi muena mikoku, padiye umona nyama wa lonji ufika, udi ulekela mikoku, unyema. Nanku nyama wa lonji udi uyikuata, uyitangalaja.

Mukanda wa Nzambi Dihungila Dikulukulu ne Dihungila Dihia-dihia 2003

¹² Muena mudimu wa difutu, kai mulami wa mikoko mene, kai muena mikoko, hamoneye nkashama ulua, udi ushîa mikoko, udi unyema, nkashama udi wikuata, udi witangadisha;

Yowanane 10:12 Referans Kwoze

2 Petro 2:3

Bu mudibu ne lukuka lua biuma, balongeshi ba dishima aba nebanuelele nsumuinu ifuma ku meji a bantu, bua bapete bintu bienu. Kadi Mukoshi wabu wa nsambu ukadi mumane kujadika tshibawu tshiabu. Neababutule lukasa, kayi ujingakana.

Tite 1:7

Bualu mulombodi wa Tshisumbu tshia bena ditaba udi wenzela Mvidi Mukulu mudimu. Nanku bantu kabena mua kuikala ne mushindu wa kumudiwula ku bualu nansha bumue. Kaditembi muanzu wende. Kafiki munda lukasalukasa, kikadi munuavi, muena tshikisu, nansha muena mutshima udi ukeba kupeta biuma mu njila mubi.

2 Timote 4:10

Bualu Demase ukadi mundekele, muye ku Tesalonike, bualu udi mutambe kusua malu a panu. Kreshense mmuye ku Ngalate, Tite ku Dalmasiya.

1 Timote 3:8

Bambuluishi ba balombodi kabidi badi ne bua kudinemeka. Bikale kabidi bena diyi dimue. Kabikadi banuavi, nansha bantu badi bakeba kupeta biuma mu njila mibi.

1 Timote 3:3

Kikadi munuavi, nansha musue mvita. Kadi ikale muena bupole, muntu wa disanka, kayi mutshima wa biuma.

Bienzedi 20:29

Ndi mumanye ne: pangaya, nyama ya lonji neibuele munkatshi muenu, inyangakaje tshisumbu.

1 Petro 5:2

nuludike bu balami ba nsongu mikoku idi Mvidi Mukulu munupe. Mvidi Mukulu udi musue bua nuyilame bimpe ne muoyi wenu mujima, kanuyi ne tshimfulamuoyi. Nuenze mudimu muenu muonsu, kabidi ne disanka, kanuyi nukeba biuma.

Yowanane 10:3

Mulami wa ku tshiibi udi umunzuluila tshiibi, mikoku idi iteleja diyi diende. Udi ubikila mikoku yende, mukoku onsu mu dina diawu, uyipatula pambelu.

Matayi 10:16

— Telejayi! Ndi nnutuma bu mikoku munkatshi mua nkashama. Nanku nuikale ne budimu bu bua nyoka, kabidi ne muoyi mulenga bu wa nyunyu wa nkudimba.

Matayi 7:15

— Nuadimukilayi bambi ba dishima. Badi bafika kunudi, badileja bu mikoku, kadi munda muabu bikale nyama midianganyi.

Yowanane 10:2

Kadi udi ubuelela ku tshiibi, mmulami wa mikoku.

Yowanane 10:13

Udi unyema, bualu mmuena mudimu udi ukeba difutu. Kena bualu ne mikoku to.