Yowanane 10:1 - MUKANDA WA MYIDI MUKULU

¹ — Ndi nnujadikila bulelela ne: muntu udi kayi ubuelela ku tshiibi tshia lupangu lua mikoku, kadi usambukila muaba mukuabu pa tshimana, mmuivi kabidi mmuena mutshima.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bulelela, bulelela, udi nuambila ne, Udi kai ubuelela ku mbelu wa luhangu lua mikoko, udi ubandila kukuabo, yeye udi muibi ne munyengi:

Yowanane 10:1 Referans Kwoze

Matayi 7:15

— Nuadimukilayi bambi ba dishima. Badi bafika kunudi, badileja bu mikoku, kadi munda muabu bikale nyama midianganyi.

Rome 16:18

Bualu bantu ba mushindu ewu kabena bakuatshila Kristu Mfumu wetu mudimu, kadi amu difu diabu! Badi bamanye mua kuakula bimpe, balongesha ne miaku ya lubombu. Ke mudibu badinga bantu badi ne lungenyi lutekete.

1 Yone 4:1

Balunda banyi, kanulondi bonsu badi badiamba ne: tudi ne Mueyelu. Kadi nubatete bua kujadika ne: Mueyelu udibu nawu ngwa Mvidi Mukulu anyi? Bualu bambi ba dishima bavule badi batampakane mu bantu.

Ebrewu 5:4

Muntu nansha umue kena mua kudipesha lumu lua kuikala mutuangaji munene. Muntu udi mua kuikala mutuangaji amu padi Mvidi Mukulu umubikila ku mudimu awu bu muvuaye muenze ne Arone.

2 Petro 2:3

Bu mudibu ne lukuka lua biuma, balongeshi ba dishima aba nebanuelele nsumuinu ifuma ku meji a bantu, bua bapete bintu bienu. Kadi Mukoshi wabu wa nsambu ukadi mumane kujadika tshibawu tshiabu. Neababutule lukasa, kayi ujingakana.

2 Petro 2:1

Ku kale bambi ba dishima bavua bapatuke munkatshi mua bantu. Ke muapatuka kabidi balongeshi ba dishima munkatshi muenu. Nebatangalaje malongesha a dishima adi atukebela bipupu. Nebabenge Mfumu uvua mubasungidile. Nanku nebadikebele diakamue kabutu.

1 Petro 1:10

Bambi bavua bakeba bakebulula bua kumanya mudi lupandu elu. Bavua bambila bantu mu dina dia Mvidi Mukulu ne: Maweja-Nangila neanupeteshelu.

Yirmeya 23:32

Ndi nduisha bambi badi bamba malu avuabu bamone mu ndota, bapambuisha bantu banyi, babadinga. Meme tshiena mubapeshe mudimu nansha umue, tshiena mubelele mukenji nansha umue. Kabena bambuluisha bantu banyi. Meme Maweja-Nangila ndi ngamba nanku.

Rome 10:15

Mudibu mua kumumanyisha, kakuyi bantu badibu bafuma bua kuenza nanku, mbishi? Ke padi Mukanda wa tshijila wamba ne: “Disanka kaayi dia kumona bantu bafika, batutuadila Lumu lua Disanka!”

Yowanane 3:3

Yezu kumuandamuna ne: — Ndi nkuambila bulelela ne: muntu nansha umue kena mua kumona Bukalenga bua Mvidi Mukulu kabayi bamulele tshiakabidi.

Yirmeya 23:21

Maweja-Nangila udi wamba ne: Tshiena mutume bambi abu to. Kadi badi anu benda baya. Meme tshiena mubambile bualu to. Kadi badi amu bambila bantu malu!

Tite 1:11

Nanku ubakandike, ubabuikidije mukana, bualu badi bajula bimvundu mu meku majima, balongesha malu adi kaayi makane, anu bua kupeta biuma mushindu mubi.

Yirmeya 14:15

Nanku, meme Maweja-Nangila ndi ngamba bua bambi aba ne: tshiena mubatume to. Kadi bu mudibu bambila bantu mu dina dianyi meme ne: kanuakuikala ne mvita, nansha ne tshiyole tshia nzala mu ditunga edi, nanku bantu aba nebalue ku tshiyole tshia nzala, ne ku mvita too ne ku muntu wa ndekelu.

Yowele 2:9

Idi itangalaka mu tshimenga, ibanda pa bimana, ibuelela mu nzubu ku madidishi bu bivi.

Yowanane 10:7

Yezu kuamba kabidi ne: — Ndi nnujadikila ne: meme ndi tshiibi tshia lupangu lua mikoku.