Yowanane 1:51 - MUKANDA WA MYIDI MUKULU

⁵¹ Yezu kuamba kabidi ne: — Ndi nnuambila bulelela ne: nenumone diulu diunzuluke, batumibue ba Mvidi Mukulu babanda bapueka kulu kua Muana wa muntu.

Mukanda wa Nzambi Dihungila Dikulukulu ne Dihungila Dihia-dihia 2003

⁵¹ Wakamuambila ne, Bulelela, bulelela, ndi nuambila ne, Nenumone diulu dibulula ne banjelo babanda bahueka ha Muana wa muntu.

Yowanane 1:51 Referans Kwoze

Genese 28:12

Pawaye mulale, kulotaye tshilota. Kumonaye tshibandilu tshitue mulu tshitue panshi. Batumibue ba Mvidi Mukulu bavua babanda bapueka ku tshibandilu atshi.

Bienzedi 7:56

Kuambaye ne: — Telejayi: ndi mmona diulu diunzuluke. Ndi mmona Muana wa muntu, muimane ku dia bukole dia Mvidi Mukulu.

Luke 22:43

Ke mutumibue wa Mvidi Mukulu kumumuenekela ufuma mu diulu bua kumukankamika.

Luke 2:13

Diakamue mutumibue wa Mvidi Mukulu awu kumuelabu munkatshi kudi batumibue bakuabu ba mu diulu. Bavua batumbisha Mvidi Mukulu, bamba ne:

Marke 14:62

Yezu kuandamuna ne: — Eyowa, mmeme. Kabidi nenumone Muana wa muntu musombe ku dia balume dia Mvidi Mukulu wa bukole buonsu. Nenumumone kabidi uluila mu mavuba a mu diulu.

Marke 1:10

Amu diakamue Yezu upatuka mu mayi, kumonaye diulu dibululuke. Mueyelu wa Tshijila upueka pa mutu pende bu nyunyi wa nkudimba.

Matayi 3:16

Yowanane mumane kutua Yezu mu mayi, Yezu kupatukamu diakamue. Diulu kubululuka. Yezu kumona Mueyelu wa Mvidi Mukulu upueka bu nyunyu wa nkudimba, umuikila.

Yezekiyele 1:1

Mu matuku atanu a ngondu muinayi wa tshidimu tshianyi tshia makumi asatu, meme Yezekiyele, muana wa mutuangaji Buzi, mvua musombe munkatshi mua bena tshimuangi ba bena Yuda, batata ku muelelu wa musulu wa Kebare. Meme kumona diulu diunzuluka, Maweja-Nangila undeja malu.

Bienzedi 10:11

Kumonaye diulu diunzuluka, kabidi tshintu bu tshilamba tshinene tshia pa mesa, batshikuata ku nsongu inayi, tshienda tshipueka panshi.

Luke 3:21

Yowanane mumane kutua bantu bonsu mu mayi, kushisha kutuaye ne Yezu kabidi. Diba divua Yezu utendelela, diulu kubululuka,

Matayi 4:11

Diba adi diabolu kumushiya. Batumibue ba Mvidi Mukulu kufika kudi Yezu, kumuenzela mudimu.

Didimanyisha 19:11

Pashishe meme kumona diulu diunzuluka, kabalu katoke kamuenekamu. Udi mubandepu badi bamuinyika: Wa diyi dimue, Wa malu malelela; udi ukosa nsambu pa yoyi, uluangana mvita amu pa bualu.

Didimanyisha 4:1

Pashishe Mvidi Mukulu kundeja malu makuabu. Meme kumona tshiibi tshiunzuluka mu diulu. Diyi dimvua mumvue diela tshiona bu mpungi, dingambila bualu bangabanga adi, kumvuika, kungambila ne: — Banda apa. Nenkuleje malu adi ne bua kuenzeka pashishe.

2 Tesalonike 1:7

Nuenu badi bakenga mpindiewu, Mvidi Mukulu neanupe bupole pamue netu. Ebi nebienzeke, patuluka Yezu mu diulu ne batumibue bende ba bukole, bantu bamumona.

Luke 2:9

Mutumibue wa Maweja-Nangila kubamuenekela. Butumbi bua Maweja-Nangila kubela munkatshi ne bukenke bunene. Balami kutshina bikole.

Ebrewu 1:14

Batumibue ba Mvidi Mukulu mene mbanganyi? Buonsu buabu mmieyelu idi yenzela Mvidi Mukulu mudimu. Bobu ke badiye utuma bua kuambuluisha badi ne bua kupeta lupandu.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

Yowanane 10:1

— Ndi nnujadikila bulelela ne: muntu udi kayi ubuelela ku tshiibi tshia lupangu lua mikoku, kadi usambukila muaba mukuabu pa tshimana, mmuivi kabidi mmuena mutshima.

Luke 22:69

Kadi kutuadijia ku mpindiewu, Muana wa muntu neasombe ku diboku dia balume dia Mvidi Mukulu wa bukole.

Matayi 25:31

— Dituku diafika Muana wa muntu, kabidi dialejaye butumbi buende buonsu, batumibue ba Mvidi Mukulu bonsu nebikale nende. Neaye kusomba mu nkuasa wende wa butumbi.

Yuda 1:14

Enoke, muntu wa muanda mutekete wa ku ndelanganyi ya Adame, ukavua muambe kale mu dina dia Mvidi Mukulu bualu buabu ne: “Maweja-Nangila neafike ne batumibue bende ba tshijila binunu makumi ne makumi,

2 Tesalonike 1:9

Nebapete dinyoka, babutuka kashidi. Kabakumonangana ne Mfumu; kabakumona bukole ne butumbi buende.

Yowanane 14:12

Ndi nnujadikila bulelela ne: muntu udi ungitaba neenze kabidi midimu indi ngenza. Neenze mikuabu mipite bunene, bualu ndi nya kudi Tatu.

Yowanane 6:47

Ndi nnujadikila ne: muntu udi witaba, udi ne muoyi wa tshiendelele.

Luke 24:4

Bavua bapampakana, kabayi bamanye tshia kuenza. Ke bantu babidi, bavuala bilamba bikenka, kubamuenekela.

Matayi 26:24

Muana wa muntu neafue, mudi Mikanda ya tshijila kulongesha bualu buende. Kadi muntu wapangila Muana wa muntu, mmuena diakabi. Muntu awu kabavua nansha mua kumulela to.

Yowanane 21:18

Ndi nkujadikila ne: pautshivua nsongalume, uvua udisuika mukaba wewe nkayebe, uya kuuvua musue, kadi pawashala mukulakaje, newolole maboku, mukuabu neakusuike mukaba webe, neakufile kuudi kuyi musue kuya.

Yowanane 8:51

Ndi nnujadikila ne: muntu udi utumikila miaku yanyi, katshia kena ufua to.

Yowanane 6:32

Yezu kubandamuna ne: — Ndi nnujadikila ne: Moshe kavua munupe mampa a mu diulu nansha. Kadi Tatu wanyi ke udi unupa mampa malelela a mu diulu.

Yowanane 3:5

Yezu kuandamuna ne: — Ndi nkuambila bulelela ne: muntu nansha umue kena mua kubuela mu Bukalenga bua Mvidi Mukulu kabayi bamulele ku mayi ne ku Mueyelu wa Tshijila.

Yowanane 16:20

Ndi nnujadikila ne: nenudile, nuele miyenga, kadi ba pa buloba nebasanke. Nenubungame. Kadi dibungama dienu nediandamuke disanka.

Yowanane 13:16

Ndi nnujadikila ne: muena mudimu kena mua kuikala ku mutu kua mfumuende. Kabidi mutumibue kena mua kuikala ku mutu kua uvua mumutume nansha.

Yowanane 10:7

Yezu kuamba kabidi ne: — Ndi nnujadikila ne: meme ndi tshiibi tshia lupangu lua mikoku.

Yowanane 6:53

Yezu kubambila ne: — Ndi nnujadikila ne: nuenu kanuyi badie mubidi wa Muana wa muntu, kanuyi banue mashi ende, kanuakuikala ne muoyi munda muenu to.

Yowanane 5:27

Udi mupeshe Muana mudimu wa kulumbuluisha bantu, bualu udi Muana wa muntu.

Yowanane 5:19

Yezu kuambila kabidi bamfumu ba bena Yuda ne: — Ndi nnujadikila ne: Muana kena udienzela bualu nansha bumue to. Udi wenza amu bidiye umona Tatu wenza. Tshionsu tshidi Tatu wenza, Muana udi utshienza kabidi.

Yowanane 3:3

Yezu kumuandamuna ne: — Ndi nkuambila bulelela ne: muntu nansha umue kena mua kumona Bukalenga bua Mvidi Mukulu kabayi bamulele tshiakabidi.

Matayi 9:6

Kadi ndi musue bua numanye ne: Muana wa muntu udi ne bukole bua kujimija mibi pa buloba. Ke Yezu kuambila muena tuneke ne: — Juka, ambula bulalu buebe, pingana kuebe!

Matayi 8:20

Yezu kumuandamuna ne: — Nyama ya mibuabua idi ne miaba ya kulala, nyunyi ya kulu ne masua ayi, kadi Muana wa muntu kena ne muaba udiye mua kuikisha, kulala.

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Yowanane 16:23

Pafika dituku adi, kanuakunkonka kabidi bualu to. Ndi nnujadikila ne: Tatu neanupeshe tshionsu tshinuamulomba mu dina dianyi.

Yowanane 13:38

Yezu kumukonka ne: — Petro, udi mumane kudilongolola menemene bua kufila muoyi webe bualu buanyi anyi? Ndi nkujadikila ne: tshitala katshiyi tshianji kusama, newikale mumane kujadika misangu isatu ne: tshiena mumumanye to.

Yowanane 8:58

Yezu kubandamuna ne: — Ndi nnujadikila ne: kabayi banji kulela Abrahame, meme “ndi mundi”.

Yowanane 8:34

Yezu kubandamuna ne: — Ndi nnujadikila ne: muntu yonsu udi wenza bualu bubi udi mupika wa bubi.

Yowanane 6:26

Yezu kubandamuna ne: — Ndi nnujadikila ne: nudi nunkeba bualu nuvua badie buukute, kadi kanuvua bajingulule bishima bimvua muenze to.

Yowanane 1:50

Yezu kumuandamuna ne: — Udi witaba nanku amu bualu mvua mukuambile ne: ndi mukumone muinshi mua mutshi wa mfiku. Neumone malu manene mapite ebu!