Yoshua 9:6 - MUKANDA WA MYIDI MUKULU

⁶ Pashishe kuyabu mu mitanda ya Ngilgale, muaba uvua Yoshuwa ne bena Izrayele basombe. Kubambilabu ne: — Tuetu aba tudi bafume mu ditunga dia kule, tudi tunulomba bua kutua nenu ndondu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bakaya kudi Yoshua mu tshitudilu ku Gilegala, bakamuambila ne Bena Isalele bonso ne, Tuetu tuakufuma kule ku buloba bukuabo, nunku nuhunge nʼetu tshihungidi.

Yoshua 9:6 Referans Kwoze

Yoshua 5:10

Bena Izrayele kuasa mitanda mu Ngilgale. Matuku dikumi ne anayi a ngondu, dilolu, mu mpata udi pabuipi ne tshimenga tshia Yeriko, kuenzabu tshibilu tshia Dipita dia Maweja-Nangila.

2 Bakalenga 20:14

Pashishe, muambi Yeshaya kuya kudi mukalenga Izkiya, umukonka ne: — Bantu aba bavua bakuambila tshinyi? Kabidi mbafume penyi? Izkiya kuandamuna ne: — Mbafume kule kutambe, ku Babilone.

1 Bakalenga 8:41

“Padi bantu batumbisha dina diebe dia butumbi, bamanyishangana bukole buudi wenza nabu bishima, bantu benyi nebumvue lumu alu. Nanku, muntu muenyi yonsu udi kayi wa mu tshisamba tshia bantu bebe bena Izrayele, padiye ufuma kule, ufika mu nzubu emu bua kukutendelela,

Yoshua 10:43

Pashishe Yoshuwa ne bena mvita bonsu bavuaye nabu, kupingana mu mitanda yabu ivua mu Ngilgale.

Yoshua 9:9

Kuandamunabu ne: — Tuetu tudi bapika bebe. Tudi bafume mutantshi mule. Bualu tudi bamane kumvua lumu lua Maweja-Nangila Mvidi Mukulu webe. Tudi bamanye malu a dikema avuaye muenze mu ditunga dia Ejipitu.

Yoshua 9:5

Kuvualabu mikusu, kuela bisabata bisunsuke bitelulula, kuangata mampa mamane kunyanguka, kabidi masunsuke.

Yoshua 4:19

Bena Izrayele bavua basabuka musulu wa Yardene mu matuku dikumi a ngondu wa kumpala. Pashishe bakasa mitanda yabu ku Ngilgale, ku luseke ludi diba dipatukila lua Yeriko.

Yoshua 10:6

Kadi bena Ngibone kutuma bantu bua bambile Yoshuwa uvua mu mitanda ya mu Ngilgale ne: — Kubengi bua kutuambuluisha tuetu bapika bebe to. Luaku lukasa. Utuambuluishe, utusungidile. Bualu bakalenga bonsu ba bena Amore badi ku mikuna, mbumvuangane bua kutuluisha!