Yoshua 9:14 - MUKANDA WA MYIDI MUKULU

¹⁴ Bena Izrayele kulengulula bua kukonka Maweja-Nangila tshilumbu tshia bantu aba. Kudiabu ne bintu bivuabu nabi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bantu bakangata bintu biabo, kabakakonka lungenyi kudi Yehowa.

Yoshua 9:14 Referans Kwoze

Dibadika 27:21

Kadi Yoshuwa aye kuebeja mutuangaji Elazare bidiye ne bua kuenza. Mutuangaji akuate mudimu ne Urime, bua amanye tshindi musue, amanyishe Yoshuwa. Nanku Yoshuwa ne bena Izrayele bonsu nebakumbaje bionsu bidi mutuangaji Elazare ubambila.

Balombodi 1:1

Yoshuwa mumane kufua, bena Izrayele kuebeja Maweja-Nangila bua kumanya tshisamba tshiabu tshivua mua kudianjila kuluisha bena Kenaane.

Yakobe 1:5

Kadi padi muntu wa kunudi ubula meji, aalombe kudi Mvidi Mukulu. Neamupeshewu, bualu Mvidi Mukulu udi upesha bonsu ne kalolo kabidi ne disanka.

Ezela 8:21

Ku muelelu wa mukidi wa Akaya, meme kuamba bua tuetu bonsu tajile biakudia. Ke mutavua ne bua kudipuekesha, kusengelela Maweja-Nangila bua atuendeshe mu ditalala ne meku etu, kabidi ne binta bietu.

2 Samuele 5:19

Davide kukonka Maweja-Nangila ne: — Ndi mua kuya kuluisha bena Peleshete anyi? Maweja-Nangila neubafile mu bianza bianyi anyi? Maweja-Nangila kuitaba ne: — Eyowa, uye kubaluisha! Nembafile mu bianza biebe bulelela.

Balombodi 20:28

Pinase, muana wa balume wa Elazare (Elazare uvua muana wa Arone), ke uvua mulame mushete awu. Bena Izrayele kuebeja Maweja-Nangila bua kumanya ne: tudi mua kuya kuluisha kabidi bana betu bena Binyamine, anyi katuena mua kuya. Maweja-Nangila kubambila ne: — Nuye kubaluisha. Malaba nembafile mu bianza bienu.

2 Samuele 2:1

Bionsu ebi bimane kupita, Davide kukonka Maweja-Nangila ne: — Ndi mua kuya kusomba mu tshimenga tshikuabu tshia ku bimenga bia Yuda anyi? Maweja-Nangila ne: — Eyowa. Davide kumukonka kabidi ne: — Ndi mua kuya mu tshimenga kaayi? Maweja-Nangila kuandamuna ne: — Udi mua kuya mu Ebrone.

Balombodi 20:18

Bena Izrayele kuya ku Betele, kuebeja Mvidi Mukulu bua kumanya tshisamba tshia ku bisamba biabu tshivua mua kudianjila kuya kuluisha bena Binyamine. Maweja-Nangila kuleja tshisamba tshia Yuda.

1 Samuele 22:10

Mutuangaji Akimeleke kukonka Maweja-Nangila bua kumanya tshivua Davide ne bua kuenza. Pashishe kupeshaye Davide biakudia, kumupesha kabidi ne muela wa Ngoliyate, muena Peleshete.

Ekesode 28:30

Wewe Moshe, ubueje Urime ne Tumime mu tshilamba tshia pa tshiadi, tshia kuvuala pa kulumbulula. Arone ikale uvuala bintu abi misangu yonsu padiye wimana kumpala kuanyi meme Maweja-Nangila, bua kumanya tshindi musue kuenzela bena Izrayele.

Yoshua 9:13

Musangu utuvua bangate milondu eyi ya biseba bia nyama, bayuwuje ne maluvu itshivua amu mipiamipia. Kadi monayi lelu yonsu mmimane kupandika. Bilamba bietu ne bisabata bietu bidi bisunsuke bikole, amu bua luendu lua mutantshi mule lutuvua bende.