Yoshua 5:13 - MUKANDA WA MYIDI MUKULU

¹³ Dituku dikuabu, Yoshuwa uvua pabuipi ne Yeriko. Diakamue kumonaye muntu muimane kumpala kuende. Muntu awu uvua ne muele mupatula mu tshibubu, mukuata ku tshianza. Yoshuwa kutantshila kudiye, umuebeja ne: — Udi ku luseke luetu anyi, udi ku lua baluishi betu?

Mukanda wa Nzambi Dihungila Dikulukulu ne Dihungila Dihia-dihia 2003

¹³ Hakadi Yoshua hehi ne Yeleko, wakabanduluka, wakatangila ne, monai, muntu wakadi muimane hehi nʼandi ne muele wa nvita mu tshianza tshiandi, ne Yoshua wakaya kudiye, wakamukonka ne, Wewe udi ku luseke luetu anyi ku luseke lua badi nʼetu lukuna?

Yoshua 5:13 Referans Kwoze

Dibadika 22:23

Mpunde kumona mutumibue wa Mvidi Mukulu muimane munkatshi mu njila, mukuate muele ku bianza. Mpunde kulekela mu njila, kuyila mu budimi. Balaame kumutuuta bua kumupingaja mu njila.

Genese 18:2

Abrahame ukenzakana, kumona bantu balume basatu bimane pabuipi nende. Kujukaye lubilu bua kubakidila. Kuinyikaye mutu panshi.

Dibadika 22:31

Diba adi Maweja-Nangila kubulula mesu a Balaame, bua amone mutumibue uvua muimane munkatsshi mua njila, ne muele mukuate mu tshianza. Diakamue Balaame kudiela mpala panshi.

1 Kulondolola 21:30

Kadi Davide kawa mua kuya mu mukuna emu bua kukonka Maweja-Nangila malu to, bualu muele wa mutumibue wa Maweja-Nangila uvua umukuatshisha bowa.

Danyele 10:5

Pamvua ntangila, meme kumona muntu muvuale bilamba bia ndanda, musuike mukaba wa tshiamu tshimpe tshia mpawungi mu tshimonu.

Ekesode 23:23

“Kabidi mutumibue wanyi awu, neende kumpala kuenu bua kunufikisha mu ditunga dia bena Amore, bena Iti, bena Perizi, bena Kenaane, bena Ivi ne bena Yebusa. Nembutule bena bisamba ebi bionsu.

Bienzedi 1:10

Batshivua batangile muvua Yezu ubanda mu diulu, ke bantu babidi bavuala bilamba bitoke kubamuenekela diakamue,

Zekâya 1:8

Butuku ebu Maweja-Nangila kundeja muntu mubande pa kabalu kakunze. Muntu awu uvua munkatshi mua mitshi ya mirte, ivua muinshi mu tshibandabanda. Tubalu tukuabu tukunze, tua mubidi wa lubundubundu, ne tutoke, tuvua mu nyima muende.

1 Kulondolola 21:27

Nanku Maweja-Nangila kuambila mutumibue wende bua apingaje muele mu tshibubu.

Balombodi 13:11

Manowa kuya ne mukajende lukasa. Usemena pamue ne muntu awu, kumukonkaye ne: — Wewe ke uvua muyukile ne muena kuanyi anyi? Muntu awu kuandamuna ne: — Eyowa, mmeme.

Danyele 8:3

Ntangila, meme kumona tshimpanga tshimane, tshitangilangane ne mukidi awu. Tshivua ne nsengu ibidi mile. Lusengu luvua lumene kunyima lututa lupite lukuabu bule.

Balombodi 13:22

Manowa kuambila mukajende ne: — Bulelela netufue, bualu tudi bamone Mvidi Mukulu.

Yoshua 6:2

Nanku Maweja-Nangila kuambila Yoshuwa ne: — Tangila mundi nkupesha tshimenga tshia Yeriko, mukalenga watshi ne bena mvita bende.

Genese 33:5

Esawu ubanduluka, kumona bakaji ne bana. Kukonka Yakobe ne: — Baudi muende nabu mbanganyi? Yakobe kuandamuna ne: — Mbana bandi mupete ku luse lua Mvidi Mukulu.

Genese 33:1

Yakobe ukenzakana, kumona Esawu umutantshila, muikale ne bantu nkama inayi. Yakobe kuteka Leya ne bana bende pa nkayabu, Rakele ne muanende Yozefe pa nkayabu, bakaji bende babidi bapika pa nkayabu ne bana babu.

Didimanyisha 1:13

Munkatshi muabi muvua tshintu bu muntu, muvuale muntumpu mutue ne ku makasa, musuike mukaba wa mpawungi pa tshiadi.

Genese 18:1

Maweja-Nangila kumuenekela Abrahame ku mitshi ya tshijila ya ku Mambre. Abrahame uvua musombe mu mushiku wa mbelu wa kazubu kende ka ntenta diba dia munda munya.

Genese 28:16

Yakobe utabuluka ku tulu, kukemaye wamba ne: — Bulelela, tshiena mumanye to! Kadi Maweja-Nangila udi muaba ewu!

1 Kulondolola 12:22

Bonsu bavua bena mvita ba bukitu, bavua bafika bua kuambuluisha bisumbu bia bena mvita bia Davide. Pashishe kushalabu bulombodi ba tshiluilu tshia Davide.