Yoshua 4:9 - MUKANDA WA MYIDI MUKULU

⁹ Ke Yoshuwa kuimanyika kabidi mabue dikumi ne abidi, munkatshi mua musulu wa Yardene, muaba uvua batuangaji bavua bambula mushete wa ndondu bimane. Mabue awu, atshidipu too ne mpindiewu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yoshua wakajadika mabue au dikumi ne abidi munkatshi mua Yadene mu muaba wakadiata makasa a bakuidi bakatuala mushete wa tshihungidi tshia mei: adiku tô ne ku lelu.

Yoshua 4:9 Referans Kwoze

1 Samuele 7:12

Samuwele kuela diyi, wamba ne: “Maweja-Nangila ke udi mutuambuluisha too ne mpindiewu.” Samuwele kuambula dibue, kudimanyika pankatshi pa Mispa ne Shene. Kuinyikaye dibue adi dina ne: “Dibue-dia-diambuluisha.”

2 Kulondolola 5:9

Milonda ayi ivua mile. Nsongu yayi ivua imueneka amu kudi muntu uvua pankatshi pa mushete ne tshibuelelu tshia tshibambalu. Kadi, kayivua imueneka kudi muntu uvua pambelu to. Milonda ayi itshidi muaba awu too ne mpindiewu.

2 Samuele 4:3

biangatshile tshikondu tshivua bantu, bavua basombe kale mu musoku ewu banyemene mu musoku wa Ngitayime, muaba utshidi ndelanganyi yabu too ne mpindiewu.)

1 Samuele 30:25

Biangatshile dituku adi, Davide kujadika mikenji eyi. Kushalayi mikenji ivuabena Izrayele bonsu ne bua kukumbaja too ne mpindiewu.

Balombodi 1:26

Muntu awu kuya kuasa mu ditunga dia bena Iti. Kuasaye tshimenga mu ditunga adi. Kutshinyikaye ne: Luze. Dina edi ditshidiku too ne mpindiewu.

Yoshua 24:26

Kufundaye meyi ne mikenji abi mu mukanda wa mikenji wa Mvidi Mukulu. Pashishe kuangataye dibue dinene, kudimanyikaye muinshi mua mutshi wa lusanga, muaba wa tshijila wa Maweja-Nangila.

Dielulula 34:6

Mvidi Mukulu nkayende kumujika, mu tshibandabanda tshia mu Mowabe, tshidi tshitangilangana ne musoku wa Bete-Peyore. Too ne lelu kakuena muntu udi mujadike muaba udibu bamujike.

Ekesode 28:21

Mabue awu, ikale dikumi ne abidi, bungi bua bana ba Yakobe. Dina dia muana yonsu dikale difunda pa dibue bu mudi tshitampi. Mabue awu, neikale tshimanyinu tshia bisamba dikumi ne bibidi bia bena Izrayele.

Ekesode 24:12

Maweja-Nangila kuambila Moshe ne: — Banda ku mukuna kundi eku usombaku. Nenkupeshe mabue adi ne mikenji indi mufunde bua uyilongeshe bantu.

Genese 28:18

Yakobe kubika dinda dionsu, kuimanyika dibue divuaye musangike ku mutu adi, kudifita manyi ku lusongu, bua dikale dia tshijila.

Genese 26:33

Izake kuinyika tshiina atshi dina ne: “Mutshipu.” Ke padibu babikila tshimenga atshi too ne ku lelu ne: Bersheba. Mmumue ne: tshina tshidi muaba utudi baditshipila.

Matayi 28:15

Basolayi bavua bangata makuta, kuenzabu muvuabu babambile. Bena Yuda badi balondelangana bualu ebu nanku too ne ku lelu.

Matayi 27:8

Ke padibu binyika budimi abu ne ku lelu ne: “mBudimi bua mashi.”

1 Bakalenga 18:31

Kuangataye mabue dikumi ne abidi, bilondeshile bisamba dikumi ne bibidi bia ndelanganyi ya Yakobe. (Yakobe ewu ke uvua Maweja-Nangila muambile ne: “Kutuadija mpindiewu, nebakubikile ne: Izrayele.”)

Yoshua 4:10

Batuangaji, bavua bambule mushete wa ndondu, kuimanabu munkatshi mua Yardene too ne padi bena Izrayele bakumbaja bionsu bivua Maweja-Nangila mubambile kudi Yoshuwa. Ke muvua Yoshuwa mukumbaje bionsu bivua Moshe mumuambile nanku. Bena Izrayele kusabuka musulu lukasa.